ହୋମ୍ › ବେଦ ମନ୍ତ୍ର › ଭଜଗୋବିନ୍ଦମ୍

ଭଜଗୋବିନ୍ଦମ୍

ସ୍ତୋତ୍ର · 34ଟି ଶ୍ଳୋକ

ଭଜଗୋବିନ୍ଦଂ ଭଜଗୋବିନ୍ଦଂ ଗୋବିନ୍ଦଂ ଭଜମୂଢମତେ । ସଂପ୍ରାପ୍ତେ ସନ୍ନିହିତେ କାଲେ ନହି ନହି ରକ୍ଷତି ଡୁକୃଞ୍କରଣେ ॥ ୧ ॥

ମୂଢ ଜହୀହି ଧନାଗମତୃଷ୍ଣାଂ କୁରୁ ସଦ୍ବୁଦ୍ଧିଂ ମନସି ବିତୃଷ୍ଣାମ୍। ଯଲ୍ଲଭସେ ନିଜକର୍ମୋପାତ୍ତଂ ବିତ୍ତଂ ତେନ ବିନୋଦଯ ଚିତ୍ତମ୍ ॥ ୨ ॥

ନାରୀସ୍ତନଭର ନାଭୀଦେଶଂ ଦୃଷ୍ଟ୍ବା ମାଗାମୋହାବେଶମ୍ । ଏତନ୍ମାଂସବସାଦି ବିକାରଂ ମନସି ବିଚିନ୍ତଯ ବାରଂ ବାରମ୍ ॥ ୩ ॥

ନଲିନୀଦଲଗତ ଜଲମତିତରଲଂ ତଦ୍ବଜ୍ଜୀବିତମତିଶଯଚପଲମ୍ । ବିଦ୍ଧି ବ୍ଯାଧ୍ଯଭିମାନଗ୍ରସ୍ତଂ ଲୋକଂ ଶୋକହତଂ ଚ ସମସ୍ତମ୍ ॥ ୪ ॥

ଯାବଦ୍ବିତ୍ତୋପାର୍ଜନ ସକ୍ତଃ ସ୍ତାବନ୍ନିଜ ପରିବାରୋ ରକ୍ତଃ । ପଶ୍ଚାଜ୍ଜୀବତି ଜର୍ଜର ଦେହେ ବାର୍ତାଂ କୋଽପି ନ ପୃଚ୍ଛତି ଗେହେ ॥ ୫ ॥

ଯାବତ୍ପବନୋ ନିବସତି ଦେହେ ତାବତ୍ପୃଚ୍ଛତି କୁଶଲଂ ଗେହେ । ଗତବତି ବାଯୌ ଦେହାପାଯେ ଭାର୍ଯା ବିଭ୍ଯତି ତସ୍ମିନ୍କାଯେ ॥ ୬ ॥

ବାଲସ୍ତାବତ୍କ୍ରୀଡାସକ୍ତଃ ତରୁଣସ୍ତାବତ୍ତରୁଣୀସକ୍ତଃ । ବୃଦ୍ଧସ୍ତାବଚ୍ଚିନ୍ତାସକ୍ତଃ ପରେ ବ୍ରହ୍ମଣି କୋଽପି ନ ସକ୍ତଃ ॥ ୭ ॥

କାତେ କାନ୍ତା କସ୍ତେ ପୁତ୍ରଃ ସଂସାରୋଽଯମତୀବ ବିଚିତ୍ରଃ । କସ୍ଯ ତ୍ବଂ କଃ କୁତ ଆଯାତଃ ତତ୍ତ୍ବଂ ଚିନ୍ତଯ ତଦିହ ଭ୍ରାତଃ ॥ ୮ ॥

ସତ୍ସଙ୍ଗତ୍ବେ ନିସ୍ସ୍ଙ୍ଗତ୍ବଂ ନିସ୍ସଙ୍ଗତ୍ବେ ନିର୍ମୋହତ୍ବମ୍ । ନିର୍ମୋହତ୍ବେ ନିଶ୍ଚଲତତ୍ତ୍ବଂ ନିଶ୍ଚଲତତ୍ତ୍ବେ ଜୀବନ୍ମୁକ୍ତିଃ ॥ ୯ ॥

ବଯସିଗତେ କଃ କାମବିକାରଃ ଶୁଷ୍କେ ନୀରେ କଃ କାସାରଃ । କ୍ଷୀଣେବିତ୍ତେ କଃ ପରିବାରଃ ଜ୍ଞାତେ ତତ୍ତ୍ବେ କଃ ସଂସାରଃ ॥ ୧୦ ॥

ମା କୁରୁ ଧନ ଜନ ଯୌବନ ଗର୍ବଂ ହରତି ନିମେଷାତ୍କାଲଃ ସର୍ବମ୍ । ମାଯାମଯମିଦମଖିଲଂ ହିତ୍ବା ବ୍ରହ୍ମପଦଂ ତ୍ବଂ ପ୍ରବିଶ ବିଦିତ୍ବା ॥ ୧୧ ॥

ଦିନଯାମିନ୍ଯୌ ସାଯଂ ପ୍ରାତଃ ଶିଶିରବସନ୍ତୌ ପୁନରାଯାତଃ । କାଲଃ କ୍ରୀଡତି ଗଚ୍ଛତ୍ଯାଯୁଃ ତଦପି ନ ମୁଞ୍ଚତ୍ଯାଶାବାଯୁଃ ॥ ୧୨ ॥

ଦ୍ବାଦଶମଞ୍ଜରିକାଭିରଶେଷଃ କଥିତୋ ବୈଯାକରଣସ୍ଯୈଷଃ । ଉପଦେଶୋ ଭୂଦ୍ବିଦ୍ଯାନିପୁଣୈଃ ଶ୍ରୀମଚ୍ଛନ୍କରଭଗବଚ୍ଛରଣୈଃ ॥ ୧୨ଅ ॥

କାତେ କାନ୍ତା ଧନ ଗତଚିନ୍ତା ବାତୁଲ କିଂ ତବ ନାସ୍ତି ନିଯନ୍ତା । ତ୍ରିଜଗତି ସଜ୍ଜନସଂ ଗତିରୈକା ଭବତି ଭବାର୍ଣବତରଣେ ନୌକା ॥ ୧୩ ॥

ଜଟିଲୋ ମୁଣ୍ଡୀ ଲୁଞ୍ଛିତକେଶଃ କାଷାଯାମ୍ବରବହୁକୃତବେଷଃ । ପଶ୍ଯନ୍ନପି ଚନ ପଶ୍ଯତି ମୂଢଃ ଉଦରନିମିତ୍ତଂ ବହୁକୃତବେଷଃ ॥ ୧୪ ॥

ଅଙ୍ଗଂ ଗଲିତଂ ପଲିତଂ ମୁଣ୍ଡଂ ଦଶନବିହୀନଂ ଜତଂ ତୁଣ୍ଡମ୍ । ବୃଦ୍ଧୋ ଯାତି ଗୃହୀତ୍ବା ଦଣ୍ଡଂ ତଦପି ନ ମୁଞ୍ଚତ୍ଯାଶାପିଣ୍ଡମ୍ ॥ ୧୫ ॥

ଅଗ୍ରେ ବହ୍ନିଃ ପୃଷ୍ଠେଭାନୁଃ ରାତ୍ରୌ ଚୁବୁକସମର୍ପିତଜାନୁଃ । କରତଲଭିକ୍ଷସ୍ତରୁତଲବାସଃ ତଦପି ନ ମୁଞ୍ଚତ୍ଯାଶାପାଶଃ ॥ ୧୬ ॥

କୁରୁତେ ଗଙ୍ଗାସାଗରଗମନଂ ବ୍ରତପରିପାଲନମଥବା ଦାନମ୍ । ଜ୍ଞାନବିହିନଃ ସର୍ବମତେନ ମୁକ୍ତିଂ ନ ଭଜତି ଜନ୍ମଶତେନ ॥ ୧୭ ॥

ସୁର ମଂଦିର ତରୁ ମୂଲ ନିବାସଃ ଶଯ୍ଯା ଭୂତଲ ମଜିନଂ ବାସଃ । ସର୍ବ ପରିଗ୍ରହ ଭୋଗ ତ୍ଯାଗଃ କସ୍ଯ ସୁଖଂ ନ କରୋତି ବିରାଗଃ ॥ ୧୮ ॥

ଯୋଗରତୋ ବାଭୋଗରତୋବା ସଙ୍ଗରତୋ ବା ସଙ୍ଗବୀହିନଃ । ଯସ୍ଯ ବ୍ରହ୍ମଣି ରମତେ ଚିତ୍ତଂ ନନ୍ଦତି ନନ୍ଦତି ନନ୍ଦତ୍ଯେବ ॥ ୧୯ ॥

ଭଗବଦ୍ ଗୀତା କିଞ୍ଚିଦଧୀତା ଗଙ୍ଗା ଜଲଲବ କଣିକାପୀତା । ସକୃଦପି ଯେନ ମୁରାରି ସମର୍ଚା କ୍ରିଯତେ ତସ୍ଯ ଯମେନ ନ ଚର୍ଚା ॥ ୨୦ ॥

ପୁନରପି ଜନନଂ ପୁନରପି ମରଣଂ ପୁନରପି ଜନନୀ ଜଠରେ ଶଯନମ୍ । ଇହ ସଂସାରେ ବହୁଦୁସ୍ତାରେ କୃପଯାଽପାରେ ପାହି ମୁରାରେ ॥ ୨୧ ॥

ରଥ୍ଯା ଚର୍ପଟ ବିରଚିତ କନ୍ଥଃ ପୁଣ୍ଯାପୁଣ୍ଯ ବିବର୍ଜିତ ପନ୍ଥଃ । ଯୋଗୀ ଯୋଗନିଯୋଜିତ ଚିତ୍ତୋ ରମତେ ବାଲୋନ୍ମତ୍ତବଦେବ ॥ ୨୨ ॥

କସ୍ତ୍ବଂ କୋଽହଂ କୁତ ଆଯାତଃ କା ମେ ଜନନୀ କୋ ମେ ତାତଃ । ଇତି ପରିଭାବଯ ସର୍ବମସାରମ୍ ବିଶ୍ବଂ ତ୍ଯକ୍ତ୍ବା ସ୍ବପ୍ନ ବିଚାରମ୍ ॥ ୨୩ ॥

ତ୍ବଯି ମଯି ଚାନ୍ଯତ୍ରୈକୋ ବିଷ୍ଣୁଃ ବ୍ଯର୍ଥଂ କୁପ୍ଯସି ମଯ୍ଯସହିଷ୍ଣୁଃ । ଭବ ସମଚିତ୍ତଃ ସର୍ବତ୍ର ତ୍ବଂ ବାଞ୍ଛସ୍ଯଚିରାଦ୍ଯଦି ବିଷ୍ଣୁତ୍ବମ୍ ॥ ୨୪ ॥

ଶତ୍ରୌ ମିତ୍ରେ ପୁତ୍ରେ ବନ୍ଧୌ ମା କୁରୁ ଯତ୍ନଂ ବିଗ୍ରହସନ୍ଧୌ । ସର୍ବସ୍ମିନ୍ନପି ପଶ୍ଯାତ୍ମାନଂ ସର୍ବତ୍ରୋତ୍ସୃଜ ଭେଦାଜ୍ଞାନମ୍ ॥ ୨୫ ॥

କାମଂ କ୍ରୋଧଂ ଲୋଭଂ ମୋହଂ ତ୍ଯକ୍ତ୍ବାଽତ୍ମାନଂ ଭାବଯ କୋଽହମ୍ । ଆତ୍ମଜ୍ଞାନ ବିହୀନା ମୂଢାଃ ତେ ପଚ୍ଯନ୍ତେ ନରକନିଗୂଢାଃ ॥ ୨୬ ॥

ଗେଯଂ ଗୀତା ନାମ ସହସ୍ରଂ ଧ୍ଯେଯଂ ଶ୍ରୀପତି ରୂପମଜସ୍ରମ୍ । ନେଯଂ ସଜ୍ଜନ ସଙ୍ଗେ ଚିତ୍ତଂ ଦେଯଂ ଦୀନଜନାଯ ଚ ବିତ୍ତମ୍ ॥ ୨୭ ॥

ସୁଖତଃ କ୍ରିଯତେ ରାମାଭୋଗଃ ପଶ୍ଚାଦ୍ଧନ୍ତ ଶରୀରେ ରୋଗଃ । ଯଦ୍ଯପି ଲୋକେ ମରଣଂ ଶରଣଂ ତଦପି ନ ମୁଞ୍ଚତି ପାପାଚରଣମ୍ ॥ ୨୮ ॥

ଅର୍ଥମନର୍ଥଂ ଭାବଯ ନିତ୍ଯଂ ନାସ୍ତିତତଃ ସୁଖଲେଶଃ ସତ୍ଯମ୍ । ପୁତ୍ରାଦପି ଧନ ଭାଜାଂ ଭୀତିଃ ସର୍ବତ୍ରୈଷା ବିହିଆ ରୀତିଃ ॥ ୨୯ ॥

ପ୍ରାଣାଯାମଂ ପ୍ରତ୍ଯାହାରଂ ନିତ୍ଯାନିତ୍ଯ ବିବେକବିଚାରମ୍ । ଜାପ୍ଯସମେତ ସମାଧିବିଧାନଂ କୁର୍ବବଧାନଂ ମହଦବଧାନମ୍ ॥ ୩୦ ॥

ଗୁରୁଚରଣାମ୍ବୁଜ ନିର୍ଭର ଭକତଃ ସଂସାରାଦଚିରାଦ୍ଭବ ମୁକ୍ତଃ । ସେନ୍ଦ୍ରିଯମାନସ ନିଯମାଦେବଂ ଦ୍ରକ୍ଷ୍ଯସି ନିଜ ହୃଦଯସ୍ଥଂ ଦେବମ୍ ॥ ୩୧ ॥

ମୂଢଃ କଶ୍ଚନ ବୈଯାକରଣୋ ଡୁକୃଞ୍କରଣାଧ୍ଯଯନ ଧୁରିଣଃ । ଶ୍ରୀମଚ୍ଛମ୍କର ଭଗବଚ୍ଛିଷ୍ଯୈ ବୋଧିତ ଆସିଚ୍ଛୋଧିତକରଣଃ ॥ ୩୨ ॥

ଭଜଗୋବିନ୍ଦଂ ଭଜଗୋବିନ୍ଦଂ ଗୋବିନ୍ଦଂ ଭଜମୂଢମତେ । ନାମସ୍ମରଣାଦନ୍ଯମୁପାଯଂ ନହି ପଶ୍ଯାମୋ ଭବତରଣେ ॥ ୩୩ ॥

ଉତ୍ସ: Wikisource · CC BY-SA 4.0

ଆପଣଙ୍କ ମତାମତ ପଠାନ୍ତୁ

କଣ ଉନ୍ନତ କରିବା ଦରକାର, କଣ ଭୁଲ ଅଛି, କିମ୍ବା ଆପଣଙ୍କୁ କଣ ଭଲ ଲାଗିଲା ଜଣାନ୍ତୁ। ଆମେ ପ୍ରତ୍ୟେକ ବାର୍ତ୍ତା ପଢ଼ୁ।

କେଉଁ ବିଷୟରେ
ଶଙ୍ଖ ଆପଣଙ୍କ ପାଇଁ କେତେ ଉପଯୋଗୀ? (ଇଚ୍ଛାଧୀନ)