ତ୍ରିଦଲଂ ତ୍ରିଗୁଣାକାରଂ ତ୍ରିନେତ୍ରଂ ଚ ତ୍ରିଯାଯୁଧମ୍ । ତ୍ରିଜନ୍ମପାପସଂହାରମ୍ ଏକବିଲ୍ବଂ ଶିବାର୍ପଣମ୍ ॥ ୧ ॥
ତ୍ରିଶାଖୈର୍ବିଲ୍ବପତ୍ରୈଶ୍ଚ ଅଚ୍ଛିଦ୍ରୈଃ କୋମଲୈଶ୍ଶୁଭୈଃ । ତବ ପୂଜାଂ କରିଷ୍ଯାମି ଏକବିଲ୍ବଂ ଶିବାର୍ପଣମ୍ ॥ ୨ ॥
ଦର୍ଶନଂ ବିଲ୍ବବୃକ୍ଷସ୍ଯ ସ୍ପର୍ଶନଂ ପାପନାଶନମ୍ । ଅଘୋରପାପସଂହାରମ୍ ଏକବିଲ୍ବଂ ଶିବାର୍ପଣମ୍ ॥ ୩ ॥
କାଶୀକ୍ଷେତ୍ରନିବାସଂ ଚ କାଲଭୈରବଦର୍ଶନମ୍ । ପ୍ରଯାଗେ ମାଧବଂ ଦୃଷ୍ଟ୍ବା ଏକବିଲ୍ବଂ ଶିବାର୍ପଣମ୍ ॥ ୪ ॥
ତୁଲସୀ ବିଲ୍ବନିର୍ଗୁଣ୍ଡୀ ଜଂବୀରାମଲକଂ ତଥା । ପଞ୍ଚବିଲ୍ବମିତି ଖ୍ଯାତା ଏକବିଲ୍ବଂ ଶିବାର୍ପଣମ୍ ॥ ୫ ॥
ତଟାକଂ ଧନନିକ୍ଷେପଂ ବ୍ରହ୍ମସ୍ଥାପ୍ଯଂ ଶିବାଲଯମ୍ । କୋଟିକନ୍ଯାମହାଦାନମ୍ ଏକବିଲ୍ବଂ ଶିବାର୍ପଣମ୍ ॥ ୬ ॥
ଦନ୍ତ୍ଯଶ୍ବକୋଟିଦାନାନି ଅଶ୍ବମେଧଶତାନି ଚ । କୋଟିକନ୍ଯାମହାଦାନମ୍ ଏକବିଲ୍ବଂ ଶିବାର୍ପଣମ୍ ॥ ୭ ॥
ସାଲଗ୍ରାମସହସ୍ରାଣି ବିପ୍ରାନ୍ନଂ ଶତକୋଟିକମ୍ । ଯଜ୍ଞକୋଟିସହସ୍ରାଣି ଏକବିଲ୍ବଂ ଶିବାର୍ପଣମ୍ ॥ ୮ ॥
ଅଜ୍ଞାନେନ କୃତଂ ପାପଂ ଜ୍ଞାନେନାପି କୃତଂ ଚ ଯତ୍ । ତତ୍ସର୍ବଂ ନାଶମାଯାତୁ ଏକବିଲ୍ବଂ ଶିବାର୍ପଣମ୍ ॥ ୯ ॥
ଏକୈକବିଲ୍ବପତ୍ରେଣ କୋଟିଯଜ୍ଞଫଲଂ ଲଭେତ୍ । ମହାଦେବସ୍ଯ ପୂଜାର୍ଥମ୍ ଏକବିଲ୍ବଂ ଶିବାର୍ପଣମ୍ ॥ ୧୦ ॥
ଅମୃତୋଦ୍ଭବବୃକ୍ଷସ୍ଯ ମହାଦେବପ୍ରିଯସ୍ଯ ଚ । ମୁଚ୍ଯନ୍ତେ କଣ୍ଟକାଘାତା କଣ୍ଟକେଭ୍ଯୋ ହି ମାନବାଃ ॥ ୧୧ ॥
॥ ଓଁ ତତ୍ସତ୍ ॥
ଉତ୍ସ: Wikisource · CC BY-SA 4.0