ହୋମ୍ › ବେଦ ମନ୍ତ୍ର › ଶ୍ରୀଗଣେଶପଞ୍ଚରତ୍ନମ୍

ଶ୍ରୀଗଣେଶପଞ୍ଚରତ୍ନମ୍

ସ୍ତୋତ୍ର · 7ଟି ଶ୍ଳୋକ

॥ଶ୍ରୀଗଣେଶପଞ୍ଚରତ୍ନମ୍॥

ମୁଦାକରାତ୍ତମୋଦକଂ ସଦା ବିମୁକ୍ତିସାଧକଂ କଲାଧରାବତଂସକଂ ବିଲାସଲୋକରକ୍ଷକମ୍। ଅନାଯକୈକନାଯକଂ ବିନାଶିତେଭଦୈତ୍ଯକଂ ନତାଶୁଭାଶୁନାଶକଂ ନମାମି ତଂ ବିନାଯକମ୍॥ ୧ ॥

ନତେତରାତିଭୀକରଂ ନବୋଦିତାର୍କଭାସ୍ବରଂ ନମତ୍ସୁରାରିନିର୍ଜରଂ ନତାଧିକାପଦୁଦ୍ଧରମ୍। ସୁରେଶ୍ବରଂ ନିଧୀଶ୍ବରଂ ଗଜେଶ୍ବରଂ ଗଣେଶ୍ବରଂ ମହେଶ୍ବରଂ ତମାଶ୍ରଯେ ପରାତ୍ପରଂ ନିରନ୍ତରମ୍॥ ୨ ॥

ସମସ୍ତଲୋକଶଙ୍କରଂ ନିରସ୍ତଦୈତ୍ଯକୁଞ୍ଜରଂ ଦରେତରୋଦରଂ ବରଂ ବରେଭବକ୍ତ୍ରମକ୍ଷରମ୍। କୃପାକରଂ କ୍ଷମାକରଂ ମୁଦାକରଂ ଯଶସ୍କରଂ ମନସ୍କରଂ ନମସ୍କୃତାଂ ନମସ୍କରୋମି ଭାସ୍ବରମ୍॥ ୩ ॥

ଅକିଞ୍ଚନାର୍ତିମାର୍ଜନଂ ଚିରନ୍ତନୋକ୍ତିଭାଜନଂ ପୁରାରିପୂର୍ବନନ୍ଦନଂ ସୁରାରିଗର୍ବଚର୍ବଣମ୍। ପ୍ରପଞ୍ଚନାଶଭୀଷଣଂ ଧନଞ୍ଜଯାଦିଭୂଷଣଂ କପୋଲଦାନବାରଣଂ ଭଜେ ପୁରାଣବାରଣମ୍॥ ୪ ॥

ନିତାନ୍ତକାନ୍ତଦନ୍ତକାନ୍ତିମନ୍ତକାନ୍ତକାତ୍ମଜଂ ଅଚିନ୍ତ୍ଯରୂପମନ୍ତହୀନମନ୍ତରାଯକୃନ୍ତନମ୍। ହୃଦନ୍ତରେ ନିରନ୍ତରଂ ବସନ୍ତମେବ ଯୋଗିନାଂ ତମେକଦନ୍ତମେବ ତଂ ବିଚିନ୍ତଯାମି ସନ୍ତତମ୍॥ ୫ ॥

ମହାଗଣେଶପଞ୍ଚରତ୍ନମାଦରେଣ ଯୋଽନ୍ବହଂ ପ୍ରଜଲ୍ପତି ପ୍ରଭାତକେ ହୃଦି ସ୍ମରନ୍ ଗଣେଶ୍ବରମ୍। ଅରୋଗତାଂ ଅଦୋଷତାଂ ସୁସାହିତୀଂ ସୁପୁତ୍ରତାଂ ସମାହିତାଯୁରଷ୍ଟଭୂତିମଭ୍ଯୁପୈତି ସୋଽଚିରାତ୍॥ ୬ ॥

ଉତ୍ସ: Wikisource · CC BY-SA 4.0

ଆପଣଙ୍କ ମତାମତ ପଠାନ୍ତୁ

କଣ ଉନ୍ନତ କରିବା ଦରକାର, କଣ ଭୁଲ ଅଛି, କିମ୍ବା ଆପଣଙ୍କୁ କଣ ଭଲ ଲାଗିଲା ଜଣାନ୍ତୁ। ଆମେ ପ୍ରତ୍ୟେକ ବାର୍ତ୍ତା ପଢ଼ୁ।

କେଉଁ ବିଷୟରେ
ଶଙ୍ଖ ଆପଣଙ୍କ ପାଇଁ କେତେ ଉପଯୋଗୀ? (ଇଚ୍ଛାଧୀନ)