ବ୍ରହ୍ମମୁରାରି ସୁରାର୍ଚିତ ଲିଙ୍ଗମ୍ ନିର୍ମଲଭାସିତଶୋଭିତଲିଙ୍ଗମ୍ । ଜନ୍ମଜଦୁଃଖବିନାଶକଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୧ ॥
ଦେବମୁନିପ୍ରବରାର୍ଚିତଲିଙ୍ଗମ୍ କାମଦହନକରୁଣାକରଲିଙ୍ଗମ୍ । ରାବଣଦର୍ପବିନାଶନଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୨ ॥
ସର୍ବସୁଗନ୍ଧସୁଲେପିତଲିଙ୍ଗମ୍ ବୁଦ୍ଧିବିବର୍ଧନକାରଣଲିଙ୍ଗମ୍ । ସିଦ୍ଧସୁରାସୁରବନ୍ଦିତଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୩ ॥
କନକମହାମଣିଭୂଷିତଲିଙ୍ଗମ୍ ଫଣିପତିବେଷ୍ଟିତଶୋଭିତଲିଙ୍ଗମ୍ । ଦକ୍ଷସୁଯଜ୍ଞବିନାଶନଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୪ ॥
କୁଙ୍କୁମଚନ୍ଦନଲେପିତଲିଙ୍ଗମ୍ ପଙ୍କଜହାରସୁଶୋଭିତଲିଙ୍ଗମ୍ । ସଞ୍ଚିତପାପବିନାଶନଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୫ ॥
ଦେବଗଣାର୍ଚିତସେବିତଲିଙ୍ଗମ୍ ଭାବୈର୍ଭକ୍ତିଭିରେବ ଚ ଲିଙ୍ଗମ୍ । ଦିନକରକୋଟିପ୍ରଭାକରଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୬ ॥
ଅଷ୍ଟଦଲୋପରିବେଷ୍ଟିତଲିଙ୍ଗମ୍ ସର୍ବସମୁଦ୍ଭବକାରଣଲିଙ୍ଗମ୍ । ଅଷ୍ଟଦରିଦ୍ରବିନାଶନଲିଙ୍ଗମ୍ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୭ ॥
ସୁରଗୁରୁସୁରବରପୂଜିତଲିଙ୍ଗମ୍ ସୁରବନପୁଷ୍ପସଦାର୍ଚିତଲିଙ୍ଗମ୍ । ପରାତ୍ପରଂ ପରମାତ୍ମକଲିଙ୍ଗଂ ତତ୍ପ୍ରଣମାମି ସଦାଶିବଲିଙ୍ଗମ୍ ॥ ୮ ॥
ଲିଙ୍ଗାଷ୍ଟକମିଦଂ ପୁଣ୍ଯଂ ଯଃ ପଠେଶ୍ଶିବ ସନ୍ନିଧୌ । ଶିବଲୋକମବାପ୍ନୋତି ଶିବେନ ସହ ମୋଦତେ ॥
ଉତ୍ସ: Wikisource · CC BY-SA 4.0