ଅଧରଂ ମଧୁରଂ ବଦନଂ ମଧୁରଂ, ନଯନଂ ମଧୁରଂ ହସିତଂ ମଧୁରମ୍ । ହୃଦଯଂ ମଧୁରଂ, ଗମନଂ ମଧୁରଂ, ମଧୁରାଧିପତେରଖିଲଂ ମଧୁରମ୍ ॥ ୧ ॥
ବସନଂ ମଧୁରଂ, ଚରିତଂ ମଧୁରଂ, ବଚନଂ ମଧୁରଂ ବଲିତଂ ମଧୁରମ୍, ଚଲିତଂ ମଧୁରଂ, ଭ୍ରମିତଂ ମଧୁରଂ, ମଧୁରାଧିପତେରଖିଲଂ ମଧୁରମ୍॥ ୨ ॥
ବେଣର୍ମଧୁରୋ ରେଣୁର୍ମଧୁରଃ ପାଣିର୍ମଧୁରଃ ପାଦୌ ମଧୁରୌ, ନୃତ୍ଯଂ ମଧୁରଂ ସଖ୍ଯଂ ମଧୁରଂ ମଧୁରାଧିପତେରଖିଲଂ ମଧୁରମ୍ ॥ ୩ ॥
ଗୀତଂ ମଧୁରଂ ପୀତଂ ମଧୁରଂ, ଭୁକ୍ତଂ ମଧୁରଂ ସୁପ୍ତଂ ମଧୁରମ୍, ରୂପଂ ମଧୁରଂ ତିଲକଂ ମଧୁରଂ ମଧୁରାଧିପତେରଖିଲଂ ମଧୁରମ୍ ॥ ୪ ॥
କରଣଂ ମଧୁରଂ, ତରଣଂ ମଧୁରଂ, ହରଣଂ ମଧୁରଂ, ରମଣଂ ମଧୁରମ୍, ବମିତଂ ମଧୁରଂ, ଶମିତଂ ମଧୁରଂ, ମଧୁରାଧିପତେରଖିଲଂ ମଧୁରମ୍ ॥ ୫ ॥
ଗୁଞ୍ଜା ମଧୁରା ମାଲା ମଧୁରା ଯମୁନା ମଧୁରା ବୀଚୀ ମଧୁରା, ସଲିଲଂ ମଧୁରଂ, କମଲଂ ମଧୁରଂ ମଧୁରାଧିପତେରଖିଲଂ ମଧୁରମ୍ ॥ ୬ ॥
ଗୋପୀ ମଧୁରା ଲୀଲା ମଧୁରା, ରାଧା ମଧୁରା ମିଲନଂ ମଧୁରମ୍, ଦୃଷ୍ଟଂ ମଧୁରଂ ଶିଷ୍ଟଂ ମଧୁରଂ ମଧୁରାଧିପତେରଖିଲଂ ମଧୁରମ୍ ॥ ୭ ॥
ଗୋପା ମଧୁରା ଗାବୋ ମଧୁରା, ଯଷ୍ଟିର୍ମଧୁରା ସୃଷ୍ଟିର୍ମଧୁରା, ଦଲିତଂ ମଧୁରଂ, ଫଲିତଂ ମଧୁରଂ, ମଧୁରାଧିପତେରଖିଲଂ ମଧୁରମ୍ ॥ ୮ ॥
॥ ଇତି ଶ୍ରୀମଦ୍ବଲ୍ଲାଭାଚାର୍ଯ ବିରଚିତ ମଧୁରାଷ୍ଟକଂ ସଂପୂର୍ଣଂ ॥
॥ ଶ୍ରୀକୃଷ୍ଣାର୍ପଣମସ୍ତୁ ॥
ଉତ୍ସ: Wikisource · CC BY-SA 4.0