॥ ଅଥ ଶ୍ରୀ ମହାଲକ୍ଷ୍ମ୍ଯଷ୍ଟକମ୍ ॥
ଶ୍ରୀଗଣେଶାଯ ନମଃ ॥ ଇଂଦ୍ର ଉବାଚ ॥
ନମସ୍ତେଽସ୍ତୁ ମହାମାଯେ ଶ୍ରୀପୀଠେ ସୁରପୂଜିତେ । ଶଂଖଚକ୍ର ଗଦାହସ୍ତେ ମହାଲକ୍ଷ୍ମି ନମୋଽସ୍ତୁତେ ॥ ୧ ॥
ନମସ୍ତେ ଗରୁଡାରୁଢେ କୋଲାସୁର ଭଯଂକରୀ । ସର୍ବପାପହରେ ଦେବୀ ମହାଲକ୍ଷ୍ମି ନମୋଽସ୍ତୁତେ ॥ ୨ ॥
ସର୍ବଜ୍ଞେ ସର୍ବବରଦେ ସର୍ବଦୁଷ୍ଟଭଯଂକରୀ । ସର୍ବଦୁଃଖହରେ ଦେବୀ ମହାଲକ୍ଷ୍ମି ନମୋଽସ୍ତୁତେ ॥ ୩ ॥
ସିଦ୍ଧିବୁଦ୍ଧିପ୍ରଦେ ଦେବୀ ଭୁକ୍ତିମୁକ୍ତିପ୍ରଦାଯିନି । ମଂତ୍ରମୂର୍ତେ ସଦା ଦେବୀ ମହାଲକ୍ଷ୍ମି ନମୋଽସ୍ତୁତେ ॥ ୪ ॥
ଆଦ୍ଯଂତରହିତେ ଦେବୀ ଆଦ୍ଯଶକ୍ତି ମହେଶ୍ବରି । ଯୋଗଜେ ଯୋଗସଂଭୂତେ ମହାଲକ୍ଷ୍ମି ନମୋଽସ୍ତୁତେ ॥ ୫ ॥
ଶୂଲ ସୂକ୍ଷ୍ମମହାରୌଦ୍ରେ ମହାଶକ୍ତି ମହୋଦରେ । ମହାପାପହରେ ଦେବୀ ମହାଲକ୍ଷ୍ମି ନମୋଽସ୍ତୁତେ ॥ ୬ ॥
ପଦ୍ମାସନସ୍ଥିତେ ଦେବୀ ପରବ୍ରହ୍ମସ୍ବରୁପିଣି । ପରମେଶି ଜଗନ୍ମାତାର୍ମହାଲକ୍ଷ୍ମି ନମୋଽସ୍ତୁତେ ॥ ୭ ॥
ଶ୍ବେତାଂବରଧରେ ଦେବୀ ନାନାଲଂକାର ଭୂଷିତେ । ଜଗତ୍ସ୍ଥିତେ ଜଗନ୍ମାତାର୍ମହାଲକ୍ଷ୍ମି ନମୋଽସ୍ତୁତେ ॥ ୮ ॥
ମହାଲକ୍ଷ୍ମ୍ଯଷ୍ଟକଂ ସ୍ତୋତ୍ରଂ ଯଃ ପଠେଦ୍ଭକ୍ତିମାନ୍ନରଃ । ସର୍ବସିଦ୍ଧିମବାପ୍ନୋତି ରାଜ୍ଯ ପ୍ରାପ୍ତେତି ସର୍ବଦା ॥ ୯ ॥
ଏକକାଲେ ପଠେନ୍ନିତ୍ଯଂ ମହାପାପବିନାଶନମ୍ । ଦ୍ବିକାଲଂ ଯଃ ପଠେନ୍ନିତ୍ଯଂ ଧନଧାନ୍ଯସମନ୍ବିତଃ ॥ ୧୦ ॥
ତ୍ରିକାଲଂ ଯଃ ପଠେନ୍ନିତ୍ଯଂ ମହାଶତ୍ରୁଂବିନାଶନମ୍ । ମହାଲକ୍ଷ୍ମିର୍ଭବେନ୍ନିତ୍ଯଂ ପ୍ରସନ୍ନା ବରଦା ଶୁଭା ॥ ୧୧ ॥
ଇତିଂଦ୍ରକୃତଃ ଶ୍ରୀମହାଲକ୍ଷ୍ମ୍ଯଷ୍ଟକସ୍ତବଃ ସଂପୂର୍ଣଃ ॥
ଉତ୍ସ: Wikisource · CC BY-SA 4.0