॥ମନ୍ତ୍ରପୁଷ୍ପାଞ୍ଜଲିଃ॥
ଓଁ ଯଜ୍ଞେନ ଯଜ୍ଞମଯଜନ୍ତ ଦେବାସ୍ତାନି ଧର୍ମାଣି ପ୍ରଥମାନ୍ଯାସନ୍ । ତେ ହ ନାକଂ ମହିମାନଃ ସଚନ୍ତ ଯତ୍ର ପୂର୍ବେ ସାଧ୍ଯାଃ ସନ୍ତି ଦେବାଃ ॥
ଓଁ ରାଜାଧିରାଜାଯ ପ୍ରସହ୍ଯସାହିନେ । ନମୋ ବଯଂ ବୈଶ୍ରବଣାଯ କୁର୍ମହେ । ସ ମେ କାମାନ୍କାମକାମାଯ ମହ୍ଯମ୍ । କାମେଶ୍ବରୋ ବୈଶ୍ରବଣୋ ଦଦାତୁ । କୁବେରାଯ ବୈଶ୍ରବଣାଯ । ମହାରାଜାଯ ନମଃ ॥
ଓଁ ସ୍ବସ୍ତି । ସାମ୍ରାଜ୍ଯଂ ଭୌଜ୍ଯଂ ସ୍ବାରାଜ୍ଯଂ ବୈରାଜ୍ଯଂ ପାରମେଷ୍ଠ୍ଯଂ ରାଜ୍ଯଂ ମହାରାଜ୍ଯମାଧିପତ୍ଯମଯଂ ସମନ୍ତପର୍ଯାଯୀ ସ୍ଯାତ୍ସାର୍ବଭୌମଃ ସାର୍ବାଯୁଷ ଆନ୍ତାଦାପରାର୍ଧାତ୍ । ପୃଥିବ୍ଯୈ ସମୁଦ୍ରପର୍ଯନ୍ତାଯା ଏକରାଳିତି ॥
ତଦପ୍ଯେଷ ଶ୍ଲୋକୋଽଭିଗୀତୋ ମରୁତଃ ପରିବେଷ୍ଟାରୋ ମରୁତ୍ତସ୍ଯାବସନ୍ଗୃହେ । ଆବିକ୍ଷିତସ୍ଯ କାମପ୍ରେର୍ବିଶ୍ବେଦେବାଃ ସଭାସଦ ଇତି ॥
ଓଁ ବିଶ୍ବତଶ୍ଚକ୍ଷୁରୁତ ବିଶ୍ବତୋମୁଖୋ ବିଶ୍ବତୋବାହୁରୁତ ବିଶ୍ବତସ୍ପାତ୍ । ସଂ ବାହୁଭ୍ଯାଂ ଧମତି ସଂ ପତତ୍ରୈର୍ଦ୍ଯାବାଭୂମୀ ଜନଯନ୍ଦେବ ଏକଃ ॥
ଉତ୍ସ: Wikisource · CC BY-SA 4.0