ହୋମ୍ › ବେଦ ମନ୍ତ୍ର › ନବଗ୍ରହସ୍ତୋତ୍ରମ୍

ନବଗ୍ରହସ୍ତୋତ୍ରମ୍

ସ୍ତୋତ୍ର · 24ଟି ଶ୍ଳୋକ

॥ ଅଥ ନବଗ୍ରହସ୍ତୋତ୍ରମ୍ ॥

॥ ରବିଃ ॥

ଜପାକୁସୁମସଙ୍କାଶଂ କାଶ୍ଯପେଯଂ ମହାଦ୍ଯୁତିମ୍। ତମୋଽରିଂ ସର୍ବପାପଘ୍ନଂ ପ୍ରଣତୋଽସ୍ମି ଦିବାକରମ୍॥ ୧ ॥

॥ ସୋମଃ ॥

ଦଧିଶଙ୍ଖତୁଷାରାଭଂ କ୍ଷୀରୋଦାର୍ଣବସମ୍ଭବମ୍। ନମାମି ଶଶିନଂ ସୋମଂ ଶମ୍ଭୋର୍ମୁକୁଟଭୂଷଣମ୍॥ ୨ ॥

॥ ମଙ୍ଗଲଃ ॥

ଧରଣୀଗର୍ଭସମ୍ଭୂତଂ ବିଦ୍ଯୁତ୍କାନ୍ତିସମପ୍ରଭମ୍। କୁମାରଂ ଶକ୍ତିହସ୍ତଂ ତଂ ମଙ୍ଗଲଂ ପ୍ରଣମାମ୍ଯହମ୍॥ ୩ ॥

॥ ବୁଧଃ ॥

ପ୍ରିଯଙ୍ଗୁକଲିକାଶ୍ଯାମଂ ରୂପେଣାପ୍ରତିମଂ ବୁଧମ୍। ସୌମ୍ଯଂ ସୌମ୍ଯଗୁଣୋପେତଂ ତଂ ବୁଧଂ ପ୍ରଣମାମ୍ଯହମ୍॥ ୪ ॥

॥ ଗୁରୁଃ ॥

ଦେବାନାଂ ଚ ଋଷୀଣାଂ ଚ ଗୁରୁଂ କାଞ୍ଚନସନ୍ନିଭମ୍। ବୁଦ୍ଧିଭୂତଂ ତ୍ରିଲୋକେଶଂ ତଂ ନମାମି ବୃହସ୍ପତିମ୍॥ ୫ ॥

॥ ଶୁକ୍ରଃ ॥

ହିମକୁନ୍ଦମୃଣାଲାଭଂ ଦୈତ୍ଯାନାଂ ପରମଂ ଗୁରୁମ୍। ସର୍ବଶାସ୍ତ୍ରପ୍ରବକ୍ତାରଂ ଭାର୍ଗବଂ ପ୍ରଣମାମ୍ଯହମ୍॥ ୬ ॥

॥ ଶନିଃ ॥

ନୀଲାଞ୍ଜନସମାଭାସଂ ରବିପୁତ୍ରଂ ଯମାଗ୍ରଜମ୍। ଛାଯାମାର୍ତଣ୍ଡସମ୍ଭୂତଂ ତଂ ନମାମି ଶନୈଶ୍ଚରମ୍॥ ୭ ॥

॥ ରାହୁଃ ॥

ଅର୍ଧକାଯଂ ମହାବୀର୍ଯଂ ଚନ୍ଦ୍ରାଦିତ୍ଯବିମର୍ଦନମ୍। ସିଂହିକାଗର୍ଭସଂଭୂତଂ ତଂ ରାହୁଂ ପ୍ରଣମାମ୍ଯହମ୍॥ ୮ ॥

॥ କେତୁଃ ॥

ପଲାଶପୁଷ୍ପସଙ୍କାଶଂ ତାରକାଗ୍ରହମସ୍ତକମ୍। ରୌଦ୍ରଂ ରୌଦ୍ରାତ୍ମକଂ ଘୋରଂ ତଂ କେତୁଂ ପ୍ରଣମାମ୍ଯହମ୍॥ ୯ ॥

॥ ଫଲଶ୍ରୁତିଃ ॥

ଇତି ବ୍ଯାସମୁଖୋଦ୍ଗୀତଂ ଯଃ ପଠେତ୍ସୁସମାହିତଃ। ଦିବା ବା ଯଦି ବା ରାତ୍ରୌ ବିଘ୍ନଶାନ୍ତିର୍ଭବିଷ୍ଯତି॥

ନରନାରୀନୃପାଣାଂ ଚ ଭବେଦ୍ଦୁଃସ୍ବପ୍ନନାଶନମ୍। ଐଶ୍ବର୍ଯମତୁଲଂ ତେଷାମାରୋଗ୍ଯଂ ପୁଷ୍ଟିବର୍ଧନମ୍॥

ଗ୍ରହନକ୍ଷତ୍ରଜାଃ ପୀଡାସ୍ତସ୍କରାଗ୍ନିସମୁଦ୍ଭବାଃ। ତାଃ ସର୍ବାଃ ପ୍ରଶମଂ ଯାନ୍ତି ବ୍ଯାସୋ ବ୍ରୂତେ ନ ସଂଶଯଃ॥

॥ ଇତି ଶ୍ରୀବ୍ଯାସବିରଚିତମ୍ ଆଦିତ୍ଯାଦିନବଗ୍ରହସ୍ତୋତ୍ରଂ ସମ୍ପୂର୍ଣମ୍ ॥

ଉତ୍ସ: Wikisource · CC BY-SA 4.0

ଆପଣଙ୍କ ମତାମତ ପଠାନ୍ତୁ

କଣ ଉନ୍ନତ କରିବା ଦରକାର, କଣ ଭୁଲ ଅଛି, କିମ୍ବା ଆପଣଙ୍କୁ କଣ ଭଲ ଲାଗିଲା ଜଣାନ୍ତୁ। ଆମେ ପ୍ରତ୍ୟେକ ବାର୍ତ୍ତା ପଢ଼ୁ।

କେଉଁ ବିଷୟରେ
ଶଙ୍ଖ ଆପଣଙ୍କ ପାଇଁ କେତେ ଉପଯୋଗୀ? (ଇଚ୍ଛାଧୀନ)