ହୋମ୍ › ବେଦ ମନ୍ତ୍ର › ଋଣବିମୋଚନଗଣେଶସ୍ତୋତ୍ରମ୍

ଋଣବିମୋଚନଗଣେଶସ୍ତୋତ୍ରମ୍

ସ୍ତୋତ୍ର · 12ଟି ଶ୍ଳୋକ

॥ଋଣବିମୋଚନଗଣେଶସ୍ତୋତ୍ରମ୍॥

ସିନ୍ଦୂରବର୍ଣଂ ଦ୍ବିଭୁଜଂ ଗଣେଶଂ ଲମ୍ବୋଦରଂ ପଦ୍ମଦଲେ ନିବିଷ୍ଟମ୍। ବ୍ରହ୍ମାଦିଦେବୈଃ ପରିସେବ୍ଯମାନଂ ସିଦ୍ଧୈର୍ଯୁତଂ ତଂ ପ୍ରଣମାମି ଦେବମ୍॥

ସୃଷ୍ଟ୍ଯାଦୌ ବ୍ରହ୍ମଣା ସମ୍ଯକ୍ ପୂଜିତଃ ଫଲସିଦ୍ଧଯେ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୧ ॥

ତ୍ରିପୁରସ୍ଯ ବଧାତ୍ପୂର୍ବଂ ଶମ୍ଭୁନା ସମ୍ଯଗର୍ଚିତଃ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୨ ॥

ହିରଣ୍ଯକଶ୍ଯପାଦୀନାଂ ବଧାର୍ଥେ ବିଷ୍ଣୁନାର୍ଚିତଃ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୩ ॥

ମହିଷସ୍ଯ ବଧେ ଦେବ୍ଯା ଗଣନାଥଃ ପ୍ରପୂଜିତଃ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୪ ॥

ତାରକସ୍ଯ ବଧାତ୍ପୂର୍ବଂ କୁମାରେଣ ପ୍ରପୂଜିତଃ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୫ ॥

ଭାସ୍କରେଣ ଗଣେଶୋ ହି ପୂଜିତଶ୍ଛବିସିଦ୍ଧଯେ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୬ ॥

ଶଶିନା କାନ୍ତିବୃଦ୍ଧ୍ଯର୍ଥଂ ପୂଜିତୋ ଗଣନାଯକଃ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୭ ॥

ପାଲନାଯ ଚ ତପସାଂ ବିଶ୍ବାମିତ୍ରେଣ ପୂଜିତଃ। ସଦୈବ ପାର୍ବତୀପୁତ୍ରଃ ଋଣନାଶଂ କରୋତୁ ମେ॥ ୮ ॥

ଇଦଂ ତ୍ବୃଣହରଂ ସ୍ତୋତ୍ରଂ ତୀବ୍ରଦାରିଦ୍ର୍ଯନାଶନମ୍। ଏକବାରଂ ପଠେନ୍ନିତ୍ଯଂ ବର୍ଷମେକଂ ସମାହିତଃ॥ ଦାରିଦ୍ର୍ଯଂ ଦାରୁଣଂ ତ୍ଯକ୍ତ୍ବା କୁବେରସମତାଂ ବ୍ରଜେତ୍॥ ୯ ॥

॥ ଇତି ଶ୍ରୀକୃଷ୍ଣଯାମଲତନ୍ତ୍ରେ ଉମାମହେଶ୍ବରସଂବାଦେ ଋଣବିମୋଚନଗଣେଶସ୍ତୋତ୍ରଂ ସମ୍ପୂର୍ଣମ୍ ॥

ଉତ୍ସ: Wikisource · CC BY-SA 4.0

ଆପଣଙ୍କ ମତାମତ ପଠାନ୍ତୁ

କଣ ଉନ୍ନତ କରିବା ଦରକାର, କଣ ଭୁଲ ଅଛି, କିମ୍ବା ଆପଣଙ୍କୁ କଣ ଭଲ ଲାଗିଲା ଜଣାନ୍ତୁ। ଆମେ ପ୍ରତ୍ୟେକ ବାର୍ତ୍ତା ପଢ଼ୁ।

କେଉଁ ବିଷୟରେ
ଶଙ୍ଖ ଆପଣଙ୍କ ପାଇଁ କେତେ ଉପଯୋଗୀ? (ଇଚ୍ଛାଧୀନ)