ଶ୍ରୀରୁଦ୍ରମ୍ (ନମକମ୍)
ବୈଦିକ ସୂକ୍ତ · ତୈତ୍ତିରୀୟ ସଂହିତା (କୃଷ୍ଣ ଯଜୁର୍ବେଦ) · 27ଟି ଶ୍ଳୋକ
ନମସ୍ତେ ରୁଦ୍ର ମନ୍ଯବ ଉତୋ ତ ଇଷବେ ନମଃ । ନମସ୍ତେ ଅସ୍ତୁ ଧନ୍ବନେ ବାହୁଭ୍ଯାମୁତ ତେ ନମଃ । ଯା ତ ଇଷୁଃ ଶିବତମା ଶିବମ୍ବଭୂବ ତେ ଧନୁଃ । ଶିବା ଶରବ୍ଯା ଯା ତବ ତଯା ନୋ ରୁଦ୍ର ମୃଡଯ । ଯା ତେ ରୁଦ୍ର ଶିବା ତନୂରଘୋରାପାପକାଶିନୀ । ତଯା ନସ୍ତନୁବା ଶଂତମଯା ଗିରିଶନ୍ତାଭି ଚାକଶୀହି । ଯାମିଷୁଂ ଗିରିଶନ୍ତ ହସ୍ତେ
ବିଭର୍ଷ୍ଯସ୍ତବେ । ଶିବାଂ ଗିରିତ୍ର ତାଂ କୁରୁ ମା ହିଗ୍ଂସୀଃ ପୁରୁଷଂ ଜଗତ୍ । ଶିବେନ ବଚସା ତ୍ବା ଗିରିଶାଚ୍ଛା ବଦାମସି । ଯଥା ନଃ ସର୍ବମିଜ୍ଜଗଦଯକ୍ଷ୍ମଗ୍ଂ ସୁମନା ଅସତ୍ । ଅଧ୍ଯବୋଚଦଧିବକ୍ତା ପ୍ରଥମୋ ଦୈବ୍ଯୋ ଭିଷକ୍ । ଅହୀଗ୍ଂଶ୍ଚ ସର୍ବାଞ୍ଜମ୍ଭଯନ୍ତ୍ସର୍ବାଶ୍ଚ ଯାତୁଧାନ୍ଯଃ । ଅସୌ ଯସ୍ତାମ୍ରୋ ଅରୁଣ ଉତ ବଭ୍ରୁଃ ସୁମଙ୍ଗଲଃ । ଯେ ଚେମାଗ୍ଂ ରୁଦ୍ରା ଅଭିତୋ ଦିକ୍ଷୁ
ଶ୍ରିତାଃ ସହସ୍ରଶୋଽବୈଷାଗ୍ଂ ହେଡ ଈମହେ । ଅସୌ ଯୋଽବସର୍ପତି ନୀଲଗ୍ରୀବୋ ବିଲୋହିତଃ । ଉତୈନଂ ଗୋପା ଅଦୃଶନ୍ନଦୃଶନ୍ନୁଦହାର୍ଯଃ । ଉତୈନଂ ବିଶ୍ବା ଭୂତାନି ସ ଦୃଷ୍ଟୋ ମୃଡଯାତି ନଃ । ନମୋ ଅସ୍ତୁ ନୀଲଗ୍ରୀବାଯ ସହସ୍ରାକ୍ଷାଯ ମୀଢୁଷେ । ଅଥୋ ଯେ ଅସ୍ଯ ସତ୍ବାନୋଽହଂ ତେଭ୍ଯୋଽକରଂ ନମଃ । ପ୍ର ମୁଞ୍ଚ ଧନ୍ବନସ୍ତ୍ବମୁଭଯୋରାର୍ତ୍ନିଯୋର୍ଜ୍ଯାମ୍ । ଯାଶ୍ଚ ତେ ହସ୍ତ ଇଷବଃ
ପରା ତା ଭଗବୋ ବପ । ଅବତତ୍ଯ ଧନୁସ୍ତ୍ବଗ୍ଂ ସହସ୍ରାକ୍ଷ ଶତେଷୁଧେ । ନିଶୀର୍ଯ ଶଲ୍ଯାନାମ୍ମୁଖା ଶିବୋ ନଃ ସୁମନା ଭବ । ବିଜ୍ଯଂ ଧନୁଃ କପର୍ଦିନୋ ବିଶଲ୍ଯୋ ବାଣବାଗ୍ଂ ଉତ । ଅନେଶନ୍ନସ୍ଯେଷବ ଆଭୁରସ୍ଯ ନିଷଙ୍ଗଥିଃ । ଯା ତେ ହେତିର୍ମୀଢୁଷ୍ଟମ ହସ୍ତେ ବଭୂବ ତେ ଧନୁଃ । ତଯାସ୍ମାନ୍ବିଶ୍ବତସ୍ତ୍ବମଯକ୍ଷ୍ମଯା ପରି ବ୍ଭୁଜ । ନମସ୍ତେ ଅସ୍ତ୍ବାଯୁଧାଯାନାତତାଯ ଧୃଷ୍ଣବେ । ଉଭାଭ୍ଯାମୁତ ତେ ନମୋ ବାହୁଭ୍ଯାଂ ତବ ଧନ୍ବନେ । ପରି ତେ ଧନ୍ବନୋ ହେତିରସ୍ମାନ୍ବୃଣକ୍ତୁ ବିଶ୍ବତଃ । ଅଥୋ ଯ ଇଷୁଧିସ୍ତବାରେ ଅସ୍ମନ୍ନି ଧେହି ତମ୍ ॥
ନମୋ ହିରଣ୍ଯବାହବେ ସେନାନ୍ଯେ ଦିଶାଂ ଚ ପତଯେ ନମୋ ନମୋ ବୃକ୍ଷେଭ୍ଯୋ ହରିକେଶେଭ୍ଯଃ ପଶୂନାମ୍ପତଯେ ନମୋ ନମଃ ସସ୍ପିଞ୍ଜରାଯ ତ୍ବିଷୀମତେ ପଥୀନାମ୍ପତଯେ ନମୋ ନମୋ ବଭ୍ଲୁଶାଯ ବିବ୍ଯାଧିନେଽନ୍ନାନାମ୍ପତଯେ ନମୋ ନମୋ ହରିକେଶାଯୋପବୀତିନେ ପୁଷ୍ଟାନାମ୍ପତଯେ ନମୋ ନମୋ ଭବସ୍ଯ ହେତ୍ଯୈ ଜଗତାମ୍ପତଯେ ନମୋ ନମୋ ରୁଦ୍ରାଯାତତାବିନେ କ୍ଷେତ୍ରାଣାମ୍ପତଯେ ନମୋ ନମଃ ସୂତାଯାହନ୍ତ୍ଯାଯ ବନାନାମ୍ପତଯେ ନମୋ ନମଃ
ରୋହିତାଯ ସ୍ଥପତଯେ ବୃକ୍ଷାଣାମ୍ପତଯେ ନମୋ ନମୋ ମନ୍ତ୍ରିଣେ ବାଣିଜାଯ କକ୍ଷାଣାମ୍ପତଯେ ନମୋ ନମୋ ଭୁବନ୍ତଯେ ବାରିବସ୍କୃତାଯୌଷଧୀନାମ୍ପତଯେ ନମୋ ନମ ଉଚ୍ଚୈର୍ଘୋଷାଯାକ୍ରନ୍ଦଯତେ ପତ୍ତୀନାମ୍ପତଯେ ନମୋ ନମଃ କୃତ୍ସ୍ନବୀତାଯ ଧାବତେ ସତ୍ବନାମ୍ପତଯେ ନମଃ ॥
ନମଃ ସହମାନାଯ ନିବ୍ଯାଧିନ ଆବ୍ଯାଧିନୀନାମ୍ପତଯେ ନମୋ ନମଃ କକୁଭାଯ ନିଷଙ୍ଗିଣେ ସ୍ତେନାନାମ୍ପତଯେ ନମୋ ନମୋ ନିଷଙ୍ଗିଣ ଇଷୁଧିମତେ ତସ୍କରାଣାମ୍ପତଯେ ନମୋ ନମୋ ବଞ୍ଚତେ ପରିବଞ୍ଚତେ ସ୍ତାଯୂନାମ୍ପତଯେ ନମୋ ନମୋ ନିଚେରବେ ପରିଚରାଯାରଣ୍ଯାନାମ୍ପତଯେ ନମୋ ନମଃ ସୃକାବିଭ୍ଯୋ ଜିଘାଗ୍ଂସଦ୍ଭ୍ଯୋ ମୁଷ୍ଣତାମ୍ପତଯେ ନମୋ ନମୋଽସିମଦ୍ଭ୍ଯୋ ନକ୍ତଂ ଚରଦ୍ଭ୍ଯଃ ପ୍ରକୃନ୍ତାନାମ୍ପତଯେ ନମୋ ନମ ଉଷ୍ଣୀଷିଣେ ଗିରିଚରାଯ କୁଲୁଞ୍ଚାନାମ୍ପତଯେ ନମୋ ନମଃ
ଇଷୁମଦ୍ଭ୍ଯୋ ଧନ୍ବାବିଭ୍ଯଶ୍ଚ ବୋ ନମୋ ନମ ଆତନ୍ବାନେଭ୍ଯଃ ପ୍ରତିଦଧାନେଭ୍ଯଶ୍ଚ ବୋ ନମୋ ନମ ଆଯଚ୍ଛଦ୍ଭ୍ଯୋ ବିସୃଜଦ୍ଭ୍ଯଶ୍ଚ ବୋ ନମୋ ନମୋଽସ୍ଯଦ୍ଭ୍ଯୋ ବିଧ୍ଯଦ୍ଭ୍ଯଶ୍ଚ ବୋ ନମୋ ନମ ଆସୀନେଭ୍ଯଃ ଶଯାନେଭ୍ଯଶ୍ଚ ବୋ ନମୋ ନମଃ ସ୍ବପଦ୍ଭ୍ଯୋ ଜାଗ୍ରଦ୍ଭ୍ଯଶ୍ଚ ବୋ ନମୋ ନମସ୍ତିଷ୍ଠଦ୍ଭ୍ଯୋ ଧାବଦ୍ଭ୍ଯଶ୍ଚ ବୋ ନମୋ ନମଃ ସଭାଭ୍ଯଃ ସଭାପତିଭ୍ଯଶ୍ଚ ବୋ ନମୋ ନମୋ ଅଶ୍ବେଭ୍ଯୋଽଶ୍ବପତିଭ୍ଯଶ୍ଚ ବୋ ନମଃ ॥
ନମ ଆବ୍ଯାଧିନୀଭ୍ଯୋ ବିବିଧ୍ଯନ୍ତୀଭ୍ଯଶ୍ଚ ବୋ ନମୋ ନମ ଉଗଣାଭ୍ଯସ୍ତୃଗ୍ଂହତୀଭ୍ଯଶ୍ଚ ବୋ ନମୋ ନମୋ ଗୃତ୍ସେଭ୍ଯୋ ଗୃତ୍ସପତିଭ୍ଯଶ୍ଚ ବୋ ନମୋ ନମୋ ବ୍ରାତେଭ୍ଯୋ ବ୍ରାତପତିଭ୍ଯଶ୍ଚ ବୋ ନମୋ ନମୋ ଗଣେଭ୍ଯୋ ଗଣପତିଭ୍ଯଶ୍ଚ ବୋ ନମୋ ନମୋ ବିରୂପେଭ୍ଯୋ ବିଶ୍ବରୂପେଭ୍ଯଶ୍ଚ ବୋ ନମୋ ନମୋ ମହଦ୍ଭ୍ଯଃ କ୍ଷୁଲ୍ଲକେଭ୍ଯଶ୍ଚ ବୋ ନମୋ ନମୋ ରଥିଭ୍ଯୋଽରଥେଭ୍ଯଶ୍ଚ ବୋ ନମୋ ନମୋ ରଥେଭ୍ଯଃ
ରଥପତିଭ୍ଯଶ୍ଚ ବୋ ନମୋ ନମଃ ସେନାଭ୍ଯଃ ସେନାନିଭ୍ଯଶ୍ଚ ବୋ ନମୋ ନମଃ କ୍ଷତ୍ତୃଭ୍ଯଃ ସଂଗ୍ରହୀତୃଭ୍ଯଶ୍ଚ ବୋ ନମୋ ନମସ୍ତକ୍ଷଭ୍ଯୋ ରଥକାରେଭ୍ଯଶ୍ଚ ବୋ ନମୋ ନମଃ କୁଲାଲେଭ୍ଯଃ କର୍ମାରେଭ୍ଯଶ୍ଚ ବୋ ନମୋ ନମଃ ପୁଞ୍ଜିଷ୍ଟେଭ୍ଯୋ ନିଷାଦେଭ୍ଯଶ୍ଚ ବୋ ନମୋ ନମ ଇଷୁକୃଦ୍ଭ୍ଯୋ ଧନ୍ବକୃଦ୍ଭ୍ଯଶ୍ଚ ବୋ ନମୋ ନମୋ ମୃଗଯୁଭ୍ଯଃ ଶ୍ବନିଭ୍ଯଶ୍ଚ ବୋ ନମୋ ନମଃ ଶ୍ବଭ୍ଯଃ ଶ୍ବପତିଭ୍ଯଶ୍ଚ ବୋ ନମଃ ॥
ନମୋ ଭବାଯ ଚ ରୁଦ୍ରାଯ ଚ ନମଃ ଶର୍ବାଯ ଚ ପଶୁପତଯେ ଚ ନମୋ ନୀଲଗ୍ରୀବାଯ ଚ ଶିତିକଣ୍ଠାଯ ଚ ନମଃ କପର୍ଦିନେ ଚ ବ୍ଯୁପ୍ତକେଶାଯ ଚ ନମଃ ସହସ୍ରାକ୍ଷାଯ ଚ ଶତଧନ୍ବନେ ଚ ନମୋ ଗିରିଶାଯ ଚ ଶିପିବିଷ୍ଟାଯ ଚ ନମୋ ମୀଢୁଷ୍ଟମାଯ ଚେଷୁମତେ ଚ ନମୋ ହ୍ରସ୍ବାଯ ଚ ବାମନାଯ ଚ ନମୋ ବୃହତେ ଚ ବର୍ଷୀଯସେ ଚ ନମୋ ବୃଦ୍ଧାଯ ଚ ସଂବୃଧ୍ବନେ ଚ
ନମୋ ଅଗ୍ରିଯାଯ ଚ ପ୍ରଥମାଯ ଚ ନମ ଆଶବେ ଚାଜିରାଯ ଚ ନମଃ ଶୀଘ୍ରିଯାଯ ଚ ଶୀଭ୍ଯାଯ ଚ ନମ ଊର୍ମ୍ଯାଯ ଚାବସ୍ବନ୍ଯାଯ ଚ ନମଃ ସ୍ରୋତସ୍ଯାଯ ଚ ଦ୍ବୀପ୍ଯାଯ ଚ ॥
ନମୋ ଜ୍ଯେଷ୍ଠାଯ ଚ କନିଷ୍ଠାଯ ଚ ନମଃ ପୂର୍ବଜାଯ ଚାପରଜାଯ ଚ ନମୋ ମଧ୍ଯମାଯ ଚାପଗଲ୍ଭାଯ ଚ ନମୋ ଜଘନ୍ଯାଯ ଚ ବୁଧ୍ନିଯାଯ ଚ ନମଃ ସୋଭ୍ଯାଯ ଚ ପ୍ରତିସର୍ଯାଯ ଚ ନମୋ ଯାମ୍ଯାଯ ଚ କ୍ଷେମ୍ଯାଯ ଚ ନମ ଉର୍ବର୍ଯାଯ ଚ ଖଲ୍ଯାଯ ଚ ନମଃ ଶ୍ଲୋକ୍ଯାଯ ଚାବସାନ୍ଯାଯ ଚ ନମୋ ବନ୍ଯାଯ ଚ କକ୍ଷ୍ଯାଯ ଚ ନମଃ ଶ୍ରବାଯ ଚ ପ୍ରତିଶ୍ରବାଯ ଚ
ନମ ଆଶୁଷେଣାଯ ଚାଶୁରଥାଯ ଚ ନମଃ ଶୂରାଯ ଚାବଭିନ୍ଦତେ ଚ ନମୋ ବର୍ମିଣେ ଚ ବରୂଥିନେ ଚ ନମୋ ବିଲ୍ମିନେ ଚ କବଚିନେ ଚ ନମଃ ଶ୍ରୁତାଯ ଚ ଶ୍ରୁତସେନାଯ ଚ ॥
ନମୋ ଦୁନ୍ଦୁଭ୍ଯାଯ ଚାହନନ୍ଯାଯ ଚ ନମୋ ଧୃଷ୍ଣବେ ଚ ପ୍ରମୃଶାଯ ଚ ନମୋ ଦୂତାଯ ଚ ପ୍ରହିତାଯ ଚ ନମୋ ନିଷଙ୍ଗିଣେ ଚେଷୁଧିମତେ ଚ ନମସ୍ତୀକ୍ଷ୍ଣେଷବେ ଚାଯୁଧିନେ ଚ ନମଃ ସ୍ବାଯୁଧାଯ ଚ ସୁଧନ୍ବନେ ଚ ନମଃ ସ୍ରୁତ୍ଯାଯ ଚ ପଥ୍ଯାଯ ଚ ନମଃ କାଟ୍ଯାଯ ଚ ନୀପ୍ଯାଯ ଚ ନମଃ ସୂଦ୍ଯାଯ ଚ ସରସ୍ଯାଯ ଚ ନମୋ ନାଦ୍ଯାଯ ଚ ବୈଶନ୍ତାଯ ଚ
ନମଃ କୂପ୍ଯାଯ ଚାବଟ୍ଯାଯ ଚ ନମୋ ବର୍ଷ୍ଯାଯ ଚାବର୍ଷ୍ଯାଯ ଚ ନମୋ ମେଘ୍ଯାଯ ଚ ବିଦ୍ଯୁତ୍ଯାଯ ଚ ନମ ଈଧ୍ରିଯାଯ ଚାତପ୍ଯାଯ ଚ ନମୋ ବାତ୍ଯାଯ ଚ ରେଷ୍ମିଯାଯ ଚ ନମୋ ବାସ୍ତବ୍ଯାଯ ଚ ବାସ୍ତୁପାଯ ଚ ॥
ନମଃ ସୋମାଯ ଚ ରୁଦ୍ରାଯ ଚ ନମସ୍ତାମ୍ରାଯ ଚାରୁଣାଯ ଚ ନମଃ ଶଂଗାଯ ଚ ପଶୁପତଯେ ଚ ନମ ଉଗ୍ରାଯ ଚ ଭୀମାଯ ଚ ନମୋ ଅଗ୍ରେବଧାଯ ଚ ଦୂରେବଧାଯ ଚ ନମୋ ହନ୍ତ୍ରେ ଚ ହନୀଯସେ ଚ ନମୋ ବୃକ୍ଷେଭ୍ଯୋ ହରିକେଶେଭ୍ଯୋ ନମସ୍ତାରାଯ ନମଃ ଶମ୍ଭବେ ଚ ମଯୋଭବେ ଚ ନମଃ ଶଂକରାଯ ଚ ମଯସ୍କରାଯ ଚ ନମଃ ଶିବାଯ ଚ ଶିବତରାଯ ଚ
ନମସ୍ତୀର୍ଥ୍ଯାଯ ଚ କୂଲ୍ଯାଯ ଚ ନମଃ ପାର୍ଯାଯ ଚାବାର୍ଯାଯ ଚ ନମଃ ପ୍ରତରଣାଯ ଚୋତ୍ତରଣାଯ ଚ ନମ ଆତାର୍ଯାଯ ଚାଲାଦ୍ଯାଯ ଚ ନମଃ ଶଷ୍ପ୍ଯାଯ ଚ ଫେନ୍ଯାଯ ଚ ନମଃ ସିକତ୍ଯାଯ ଚ ପ୍ରବାହ୍ଯାଯ ଚ ॥
ନମ ଇରିଣ୍ଯାଯ ଚ ପ୍ରପଥ୍ଯାଯ ଚ ନମଃ କିଗ୍ଂଶିଲାଯ ଚ କ୍ଷଯଣାଯ ଚ ନମଃ କପର୍ଦିନେ ଚ ପୁଲସ୍ତଯେ ଚ ନମୋ ଗୋଷ୍ଠ୍ଯାଯ ଚ ଗୃହ୍ଯାଯ ଚ ନମସ୍ତଲ୍ପ୍ଯାଯ ଚ ଗେହ୍ଯାଯ ଚ ନମଃ କାଟ୍ଯାଯ ଚ ଗହ୍ବରେଷ୍ଠାଯ ଚ ନମୋ ହ୍ରଦଯ୍ଯାଯ ଚ ନିବେଷ୍ପ୍ଯାଯ ଚ ନମଃ ପାଗ୍ଂସବ୍ଯାଯ ଚ ରଜସ୍ଯାଯ ଚ ନମଃ ଶୁଷ୍କ୍ଯାଯ ଚ ହରିତ୍ଯାଯ ଚ ନମୋ ଲୋପ୍ଯାଯ ଚୋଲପ୍ଯାଯ ଚ
ନମ ଊର୍ବ୍ଯାଯ ଚ ସୂର୍ମ୍ଯାଯ ଚ ନମଃ ପର୍ଣ୍ଯାଯ ଚ ପର୍ଣଶଦ୍ଯାଯ ଚ ନମୋଽପଗୁରମାଣାଯ ଚାଭିଘ୍ନତେ ଚ ନମ ଆକ୍ଖିଦତେ ଚ ପ୍ରକ୍ଖିଦତେ ଚ ନମୋ ବଃ କିରିକେଭ୍ଯୋ ଦେବାନାଗ୍ଂ ହୃଦଯେଭ୍ଯୋ ନମୋ ବିକ୍ଷୀଣକେଭ୍ଯୋ ନମୋ ବିଚିନ୍ବତ୍କେଭ୍ଯୋ ନମ ଆନିର୍ହତେଭ୍ଯୋ ନମ ଆମୀବତ୍କେଭ୍ଯଃ ॥
ଦ୍ରାପେ ଅନ୍ଧସସ୍ପତେ ଦରିଦ୍ରନ୍ନୀଲଲୋହିତ । ଏଷାମ୍ପୁରୁଷାଣାମେଷାମ୍ପଶୂନାମ୍ମା ଭେର୍ମାରୋ ମୋ ଏଷାଂ କିଂ ଚନାମମତ୍ । ଯା ତେ ରୁଦ୍ର ଶିବା ତନୂଃ ଶିବା ବିଶ୍ବାହଭେଷଜୀ । ଶିବା ରୁଦ୍ରସ୍ଯ ଭେଷଜୀ ତଯା ନୋ ମୃଡ ଜୀବସେ । ଇମାଗ୍ଂ ରୁଦ୍ରାଯ ତବସେ କପର୍ଦିନେ କ୍ଷଯଦ୍ବୀରାଯ ପ୍ର ଭରାମହେ ମତିମ୍ । ଯଥା ନଃ ଶମସଦ୍ଦ୍ବିପଦେ ଚତୁଷ୍ପଦେ ବିଶ୍ବମ୍ପୁଷ୍ଟମ୍ଗ୍ରାମେ ଅସ୍ମିନ୍ନ୍
ଅନାତୁରମ୍ । ମୃଡା ନୋ ରୁଦ୍ରୋତ ନୋ ମଯସ୍କୃଧି କ୍ଷଯଦ୍ବୀରାଯ ନମସା ବିଧେମ ତେ । ଯଚ୍ଛଂ ଚ ଯୋଶ୍ଚ ମନୁରାଯଜେ ପିତା ତଦଶ୍ଯାମ ତବ ରୁଦ୍ର ପ୍ରଣୀତୌ । ମା ନୋ ମହାନ୍ତମୁତ ମା ନୋ ଅର୍ଭକମ୍ମା ନ ଉକ୍ଷନ୍ତମୁତ ମା ନ ଉକ୍ଷିତମ୍ । ମା ନୋ ବଧୀଃ ପିତରମ୍ମୋତ ମାତରମ୍ପ୍ରିଯା ମା ନସ୍ତନୁବଃ
ରୁଦ୍ର ରୀରିଷଃ । ମା ନସ୍ତୋକେ ତନଯେ ମା ନ ଆଯୁଷି ମା ନୋ ଗୋଷୁ ମା ନୋ ଅଶ୍ବେଷୁ ରୀରିଷଃ । ବୀରାନ୍ମା ନୋ ରୁଦ୍ର ଭାମିତୋ ବଧୀର୍ହବିଷ୍ମନ୍ତୋ ନମସା ବିଧେମ ତେ । ଆରାତ୍ତେ ଗୋଘ୍ନ ଉତ ପୂରୁଷଘ୍ନେ କ୍ଷଯଦ୍ବୀରାଯ ସୁମ୍ନମସ୍ମେ ତେ ଅସ୍ତୁ । ରକ୍ଷା ଚ ନୋ ଅଧି ଚ ଦେବ ବ୍ରୂହ୍ଯଧା ଚ ନଃ ଶର୍ମ ଯଚ୍ଛ ଦ୍ବିବର୍ହାଃ । ସ୍ତୁହି
ଶ୍ରୁତଂ ଗର୍ତସଦଂ ଯୁବାନମ୍ମୃଗଂ ନ ଭୀମମୁପହତ୍ନୁମୁଗ୍ରମ୍ । ମୃଡା ଜରିତ୍ରେ ରୁଦ୍ର ସ୍ତବାନୋ ଅନ୍ଯଂ ତେ ଅସ୍ମନ୍ନି ବପନ୍ତୁ ସେନାଃ । ପରି ଣୋ ରୁଦ୍ରସ୍ଯ ହେତିର୍ବୃଣକ୍ତୁ ପରି ତ୍ବେଷସ୍ଯ ଦୁର୍ମତିରଘାଯୋଃ । ଅବ ସ୍ଥିରା ମଘବଦ୍ଭ୍ଯସ୍ତନୁଷ୍ବ ମୀଢ୍ବସ୍ତୋକାଯ ତନଯାଯ ମୃଡଯ । ମୀଢୁଷ୍ଟମ ଶିବତମ ଶିବୋ ନଃ ସୁମନା ଭବ । ପରମେ ବୃକ୍ଷ ଆଯୁଧଂ ନିଧାଯ କୃତ୍ତିଂ ବସାନ ଆ ଚର ପିନାକମ୍
ବିଭ୍ରଦା ଗହି । ବିକିରିଦ ବିଲୋହିତ ନମସ୍ତେ ଅସ୍ତୁ ଭଗବଃ । ଯାସ୍ତେ ସହସ୍ରଗ୍ଂ ହେତଯୋଽନ୍ଯମସ୍ମନ୍ନି ବପନ୍ତୁ ତାଃ । ସହସ୍ରାଣି ସହସ୍ରଧା ବାହୁବୋସ୍ତବ ହେତଯଃ । ତାସାମୀଶାନୋ ଭଗବଃ ପରାଚୀନା ମୁଖା କୃଧି ॥
ସହସ୍ରାଣି ସହସ୍ରଶୋ ଯେ ରୁଦ୍ରା ଅଧି ଭୂମ୍ଯାମ୍ । ତେଷାଗ୍ଂ ସହସ୍ରଯୋଜନେଽବ ଧନ୍ବାନି ତନ୍ମସି । ଅସ୍ମିନ୍ମହତ୍ଯର୍ଣବେଽନ୍ତରିକ୍ଷେ ଭବା ଅଧି । ନୀଲଗ୍ରୀବାଃ ଶିତିକଣ୍ଠାଃ ଶର୍ବା ଅଧଃ କ୍ଷମାଚରାଃ । ନୀଲଗ୍ରୀବାଃ ଶିତିକଣ୍ଠା ଦିବଗ୍ଂ ରୁଦ୍ରା ଉପଶ୍ରିତାଃ । ଯେ ବୃକ୍ଷେଷୁ ସସ୍ପିଞ୍ଜରା ନୀଲଗ୍ରୀବା ବିଲୋହିତାଃ । ଯେ ଭୂତାନାମଧିପତଯୋ ବିଶିଖାସଃ କପର୍ଦିନଃ । ଯେ ଅନ୍ନେଷୁ ବିବିଧ୍ଯନ୍ତି ପାତ୍ରେଷୁ ପିବତୋ ଜନାନ୍ । ଯେ ପଥାମ୍ପଥିରକ୍ଷଯ ଐଲବୃଦା ଯବ୍ଯୁଧଃ । ଯେ ତୀର୍ଥାନି
ପ୍ରଚରନ୍ତି ସୃକାବନ୍ତୋ ନିଷଙ୍ଗିଣଃ । ଯ ଏତାବନ୍ତଶ୍ଚ ଭୂଯାଗ୍ଂସଶ୍ଚ ଦିଶୋ ରୁଦ୍ରା ବିତସ୍ଥିରେ । ତେଷାଗ୍ଂ ସହସ୍ରଯୋଜନେଽବ ଧନ୍ବାନି ତନ୍ମସି । ନମୋ ରୁଦ୍ରେଭ୍ଯୋ ଯେ ପୃଥିବ୍ଯାଂ ଯେଽନ୍ତରିକ୍ଷେ ଯେ ଦିବି ଯେଷାମନ୍ନଂ ବାତୋ ବର୍ଷମିଷବସ୍ତେଭ୍ଯୋ ଦଶ ପ୍ରାଚୀର୍ଦଶ ଦକ୍ଷିଣା ଦଶ ପ୍ରତୀଚୀର୍ଦଶୋଦୀଚୀର୍ଦଶୋର୍ଧ୍ବାସ୍ତେଭ୍ଯୋ ନମସ୍ତେ ନୋ ମୃଡଯନ୍ତୁ ତେ ଯଂ ଦ୍ବିଷ୍ମୋ ଯଶ୍ଚ ନୋ ଦ୍ବେଷ୍ଟି ତଂ ବୋ ଜମ୍ଭେ ଦଧାମି ॥
ଉତ୍ସ: Wikisource · CC BY-SA 4.0