ହୋମ୍ › ବେଦ ମନ୍ତ୍ର › ଶ୍ରୀବେଙ୍କଟେଶସୁପ୍ରଭାତମ୍

ଶ୍ରୀବେଙ୍କଟେଶସୁପ୍ରଭାତମ୍

ସ୍ତୋତ୍ର · 31ଟି ଶ୍ଳୋକ

॥ ଅଥ ଶ୍ରୀ ବେଙ୍କଟେଶ ସୁପ୍ରଭାତମ୍ ॥

କୌସଲ୍ଯା ସୁପ୍ରଜା ରାମ ପୂର୍ବା ସନ୍ଧ୍ଯା ପ୍ରବର୍ତତେ ଉତ୍ତିଷ୍ଠ ନରଶାର୍ଦୂଲ କର୍ତବ୍ଯଂ ଦୈବମାହ୍ନିକମ୍ ॥ ୧

ଉତ୍ତିଷ୍ଠୋତ୍ତିଷ୍ଠ ଗୋବିନ୍ଦ ଉତ୍ତିଷ୍ଠ ଗରୁଡଧ୍ବଜ ଉତ୍ତିଷ୍ଠ କମଲାକାନ୍ତ ତ୍ରୈଲୋକ୍ଯଂ ମଙ୍ଗଲଂ କୁରୁ ॥ ୨

ମାତସ୍ସମସ୍ତଜଗତାଂ ମଧୁକୈଟଭାରେଃ ବକ୍ଷୋବିହାରିଣି ମନୋହରଦିବ୍ଯମୂର୍ତେ । ଶ୍ରୀସ୍ବାମିନି ଶ୍ରିତଜନପ୍ରିଯଦାନଶୀଲେ ଶ୍ରୀବେଙ୍କଟେଶଦଯିତେ ତବ ସୁପ୍ରଭାତମ୍ ॥ ୩

ତବ ସୁପ୍ରଭାତମରବିନ୍ଦଲୋଚନେ ଭବତୁ ପ୍ରସନ୍ନମୁଖଚନ୍ଦ୍ରମଣ୍ଡଲେ । ବିଧିଶଙ୍କରେନ୍ଦ୍ରବନିତାଭିରର୍ଚିତେ ବୃଷଶୈଲନାଥଦଯିତେ ଦଯାନିଧେ ॥ ୪

ଅତ୍ର୍ଯାଦିସପ୍ତଋଷଯସ୍ସମୁପାସ୍ଯ ସନ୍ଧ୍ଯାଂ ଆକାଶସିନ୍ଧୁକମଲାନି ମନୋହରାଣି । ଆଦାଯ ପାଦଯୁଗମର୍ଚଯିତୁଂ ପ୍ରପନ୍ନାଃ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୫

ପଞ୍ଚାନନାବ୍ଜଭବଷଣ୍ମୁଖବାସବାଦ୍ଯାଃ ତ୍ରୈବିକ୍ରମାଦିଚରିତଂ ବିବୁଧାଃ ସ୍ତୁବନ୍ତି । ଭାଷାପତିଃ ପଠତି ବାସର ଶୁଦ୍ଧିମାରାତ୍ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୬

ଈଷତ୍ପ୍ରଫୁଲ୍ଲସରସୀରୁହନାରିକେଲ ପୂଗଦ୍ରୁମାଦିସୁମନୋହରପାଲିକାନାଂ । ଆବାତି ମନ୍ଦମନିଲସ୍ସହ ଦିବ୍ଯଗନ୍ଧୈଃ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୭

ଉନ୍ମୀଲ୍ଯ ନେତ୍ରଯୁଗମୁତ୍ତମ ପଂଜରସ୍ଥାଃ ପାତ୍ରାବଶିଷ୍ଟକଦଲୀଫଲପାଯସାନି । ଭୁକ୍ତ୍ବା ସଲୀଲମଥ କେଲିଶୁକାଃ ପଠନ୍ତି ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୮

ତନ୍ତ୍ରୀପ୍ରକର୍ଷମଧୁରସ୍ବନଯା ବିପଞ୍ଚ୍ଯା ଗାଯତ୍ଯନନ୍ତିଚରିତଂ ତବ ନାରଦୋଽପି । ଭାଷାସମଗ୍ରମସକୃତ୍କରଚାରରମ୍ଯଂ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୯

ଭୃଙ୍ଗାବଲୀ ଚ ମକରନ୍ଦରସାନୁବିଦ୍ଧ ଝଙ୍କାରଗୀତ ନିନଦୈଃସହ ସେବନାଯ । ନିର୍ଯାତ୍ଯୁପାନ୍ତସରସୀକମଲୋଦରେଭ୍ଯଃ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୧୦

ଯୋଷାଗଣେନ ବରଦଧ୍ନିବିମଥ୍ଯମାନେ ଘୋଷାଲଯେଷୁ ଦଧିମନ୍ଥନତୀବ୍ରଘୋଷାଃ । ରୋଷାତ୍କଲିଂ ବିଦଧତେକକୁଭଶ୍ଚ କୁମ୍ଭାଃ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୧୧

ପଦ୍ମେଶମିତ୍ରଶତପତ୍ରଗତାଲିବର୍ଗାଃ ହର୍ତୁଂ ଶ୍ରିଯଂ କୁବଲଯସ୍ଯ ନିଜାଙ୍ଗଲକ୍ଷ୍ମ୍ଯା । ଭେରୀନିନାଦମିବ ବିଭ୍ରତି ତୀବ୍ରନାଦଂ ଶେଷାଦ୍ରିଶେଖରବିଭୋ ତବ ସୁପ୍ରଭାତମ୍ ॥ ୧୨

ଶ୍ରୀମନ୍ନଭୀଷ୍ଟ ବରଦାଖିଲଲୋକବନ୍ଧୋ ଶ୍ରୀଶ୍ରୀନିବାସ ଜଗଦେକଦଯୈକସିନ୍ଧୋ । ଶ୍ରୀଦେବତାଗୃହଭୁଜାନ୍ତର ଦିବ୍ଯ ମୂର୍ତେ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୩

ଶ୍ରୀସ୍ବାମିପୁଷ୍କରିଣିକାଽଽପ୍ଲବନିର୍ମଲାଙ୍ଗାଃ ଶ୍ରେଯୋଽର୍ଥିନୋ ହରବିରିଂଚସନନ୍ଦନାଦ୍ଯାଃ । ଦ୍ବାରେ ବସନ୍ତି ବରବେତ୍ରହତୋତ୍ତମାଙ୍ଗାଃ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୪

ଶ୍ରୀ ଶେଷଶୈଲ ଗରୁଡାଚଲ ବେଙ୍କଟାଦ୍ରି ନାରାଯଣାଦ୍ରି ବୃଷଭାଦ୍ରି ବୃଷାଦ୍ରି ମୁଖ୍ଯାମ୍ । ଆଖ୍ଯାମ୍ ତ୍ବଦୀଯ ବସତେରନିଶଂ ବଦନ୍ତି ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୫

ସେବାପରାଃ ଶିବସୁରେଶକୃଶାନୁଧର୍ମ ରକ୍ଷୋଽମ୍ବୁନାଥ ପବମାନ ଧନାଧିନାଥାଃ । ବଦ୍ଧାଂଜଲି ପ୍ରବିଲସନ୍ନିଜଶୀର୍ଷ ଦେଶାଃ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୬

ଘାଟୀଷୁ ତେ ବିହଗରାଜ ମୃଗାଧିରାଜ- ନାଗାଧିରାଜ ଗଜରାଜ ହଯାଧିରାଜାଃ । ସ୍ବସ୍ବାଧିକାର ମହିମାଧିକମର୍ଥଯନ୍ତେ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୭

ସୂର୍ଯେନ୍ଦୁ ଭୌମ ବୁଧ ବାକ୍ପତି କାବ୍ଯ ସୌରି ସ୍ବର୍ଭାନୁ କେତୁ ଦିବିଷତ୍ପରିଷତ୍ପ୍ରଧାନାଃ । ତ୍ବଦ୍ଦାସ ଦାସ ଚରମାବଧି ଦାସଦାସାଃ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୮

ତ୍ବତ୍ପାଦଧୂଲି ଭରିତସ୍ଫୁରିତୋତ୍ତମାଙ୍ଗାଃ ସ୍ବର୍ଗାପବର୍ଗ ନିରପେକ୍ଷ ନିଜାନ୍ତରଙ୍ଗାଃ । କଲ୍ପାଗମାଽଽକଲନଯାଽଽକୁଲତାଂ ଲଭନ୍ତେ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୧୯

ତ୍ବଦ୍ଗୋପୁରାଗ୍ରଶିଖରାଣି ନିରୀକ୍ଷମାଣାଃ ସ୍ବର୍ଗାପବର୍ଗପଦବୀଂ ପରମାଂ ଶ୍ରଯନ୍ତଃ । ମର୍ତ୍ଯା ମନୁଷ୍ଯଭୁବନେ ମତିମାଶ୍ରଯନ୍ତେ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୦

ଶ୍ରୀଭୂମିନାଯକ ଦଯାଦିଗୁଣାମୃତାବ୍ଧେ ଦେବାଧିଦେବ ଜଗଦେକଶରଣ୍ଯମୂର୍ତେ । ଶ୍ରୀମନ୍ନନନ୍ତ ଗରୁଡାଦିଭିରର୍ଚିତାଙ୍ଘ୍ରେ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୧

ଶ୍ରୀପଦ୍ମନାଭ ପୁରୁଷୋତ୍ତମ ବାସୁଦେବ ବୈକୁଣ୍ଠ ମାଧବ ଜନାର୍ଦନ ଚକ୍ରପାଣେ । ଶ୍ରୀବତ୍ସଚିନ୍ହ ଶରଣାଗତପାରିଜାତ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୨

କନ୍ଦର୍ପଦର୍ପ ହରସୁନ୍ଦର ଦିବ୍ଯମୂର୍ତେ କାନ୍ତାକୁଚାମ୍ବୁରୁହ କୁଟ୍ମଲ ଲୋଲଦୃଷ୍ଟେ । କଲ୍ଯାଣନିର୍ମଲଗୁଣାକର ଦିବ୍ଯକୀର୍ତେ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୩

ମୀନାକୃତେ କମଠ କୋଲ ନୃସିଂହ ବର୍ଣିନ୍ ସ୍ବାମିନ୍ ପରଶ୍ବଥତପୋଧନ ରାମଚନ୍ଦ୍ର । ଶେଷାଂଶରାମ ଯଦୁନନ୍ଦନ କଲ୍କିରୂପ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୪

ଏଲା ଲବଙ୍ଗ ଘନସାର ସୁଗନ୍ଧି ତୀର୍ଥଂ ଦିବ୍ଯଂ ବିଯତ୍ସରିତି ହେମଘଟେଷୁ ପୂର୍ଣମ୍ । ଧୃତ୍ବାଽଽଦ୍ଯ ବୈଦିକ ଶିଖାମଣଯଃ ପ୍ରହୃଷ୍ଟାଃ ତିଷ୍ଠନ୍ତି ବେଙ୍କଟପତେ ତବ ସୁପ୍ରଭାତମ୍ ॥ ୨୫

ଭାସ୍ବାନୁଦେତି ବିକଚାନି ସରୋରୁହାଣି ସଂପୂରଯନ୍ତି ନିନଦୈଃ କକୁଭୋ ବିହଙ୍ଗାଃ । ଶ୍ରୀବୈଷ୍ଣବାସ୍ସତତମର୍ଥିତ ମଙ୍ଗଲାସ୍ତେ ଧାମାଽଽଶ୍ରଯନ୍ତି ତବ ବେଙ୍କଟ ସୁପ୍ରଭାତମ୍ ॥ ୨୬

ବ୍ରହ୍ମାଦଯଃ ସୁରବରାସ୍ସମହର୍ଷଯସ୍ତେ ସନ୍ତସ୍ସନନ୍ଦନ ମୁଖାସ୍ତ୍ବଥ ଯୋଗିବର୍ଯାଃ । ଧାମାନ୍ତିକେ ତବ ହି ମଙ୍ଗଲବସ୍ତୁ ହସ୍ତାଃ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୭

ଲକ୍ଷ୍ମୀନିବାସ ନିରବଦ୍ଯଗୁଣୈକସିନ୍ଧୋ ସଂସାର ସାଗର ସମୁତ୍ତରଣୈକସେତୋ । ବେଦାନ୍ତବେଦ୍ଯନିଜବୈଭବ ଭକ୍ତଭୋଗ୍ଯ ଶ୍ରୀବେଙ୍କଟାଚଲପତେ ତବ ସୁପ୍ରଭାତମ୍ ॥ ୨୮

ଇତ୍ଥଂ ବୃଷାଚଲପତେରିହ ସୁପ୍ରଭାତମ୍ ଯେ ମାନବାଃ ପ୍ରତିଦିନଂ ପଠିତୁଂ ପ୍ରବୃତ୍ତାଃ । ତେଷାଂ ପ୍ରଭାତସମଯେ ସ୍ମୃତିରଙ୍ଗଭାଜାଂ ପ୍ରଜ୍ଞାଂ ପରାର୍ଥସୁଲଭାଂ ପରମାଂ ପ୍ରସୂତେ ॥ ୨୯

॥ ଇତି ବେଙ୍କଟେଶ ସୁପ୍ରଭାତମ୍ ॥

ଉତ୍ସ: Wikisource · CC BY-SA 4.0

ଆପଣଙ୍କ ମତାମତ ପଠାନ୍ତୁ

କଣ ଉନ୍ନତ କରିବା ଦରକାର, କଣ ଭୁଲ ଅଛି, କିମ୍ବା ଆପଣଙ୍କୁ କଣ ଭଲ ଲାଗିଲା ଜଣାନ୍ତୁ। ଆମେ ପ୍ରତ୍ୟେକ ବାର୍ତ୍ତା ପଢ଼ୁ।

କେଉଁ ବିଷୟରେ
ଶଙ୍ଖ ଆପଣଙ୍କ ପାଇଁ କେତେ ଉପଯୋଗୀ? (ଇଚ୍ଛାଧୀନ)