॥ਸਙ੍ਕਟਨਾਸ਼ਨਗਣੇਸ਼ਸ੍ਤੋਤ੍ਰਮ੍॥
ਨਾਰਦ ਉਵਾਚ — ਪ੍ਰਣਮ੍ਯ ਸ਼ਿਰਸਾ ਦੇਵਂ ਗੌਰੀਪੁਤ੍ਰਂ ਵਿਨਾਯਕਮ੍। ਭਕ੍ਤਾਵਾਸਂ ਸ੍ਮਰੇਨ੍ਨਿਤ੍ਯਮਾਯੁਃਕਾਮਾਰ੍ਥਸਿਦ੍ਧਯੇ॥ ੧ ॥
ਪ੍ਰਥਮਂ ਵਕ੍ਰਤੁਣ੍ਡਂ ਚ ਏਕਦਨ੍ਤਂ ਦ੍ਵਿਤੀਯਕਮ੍। ਤ੍ਰਿਤੀਯਂ ਕ੍ਰਿਸ਼੍ਣਪਿਙ੍ਗਾਕ੍ਸ਼ਂ ਗਜਵਕ੍ਤ੍ਰਂ ਚਤੁਰ੍ਥਕਮ੍॥ ੨ ॥
ਲਮ੍ਬੋਦਰਂ ਪਞ੍ਚਮਂ ਚ ਸ਼ਸ਼੍ਠਂ ਵਿਕਟਮੇਵ ਚ। ਸਪ੍ਤਮਂ ਵਿਘ੍ਨਰਾਜਂ ਚ ਧੂਮ੍ਰਵਰ੍ਣਂ ਤਥਾਸ਼੍ਟਮਮ੍॥ ੩ ॥
ਨਵਮਂ ਭਾਲਚਨ੍ਦ੍ਰਂ ਚ ਦਸ਼ਮਂ ਤੁ ਵਿਨਾਯਕਮ੍। ਏਕਾਦਸ਼ਂ ਗਣਪਤਿਂ ਦ੍ਵਾਦਸ਼ਂ ਤੁ ਗਜਾਨਨਮ੍॥ ੪ ॥
ਦ੍ਵਾਦਸ਼ੈਤਾਨਿ ਨਾਮਾਨਿ ਤ੍ਰਿਸਨ੍ਧ੍ਯਂ ਯਃ ਪਠੇਨ੍ਨਰਃ। ਨ ਚ ਵਿਘ੍ਨਭਯਂ ਤਸ੍ਯ ਸਰ੍ਵਸਿਦ੍ਧਿਕਰਂ ਪ੍ਰਭੋ॥ ੫ ॥
ਵਿਦ੍ਯਾਰ੍ਥੀ ਲਭਤੇ ਵਿਦ੍ਯਾਂ ਧਨਾਰ੍ਥੀ ਲਭਤੇ ਧਨਮ੍। ਪੁਤ੍ਰਾਰ੍ਥੀ ਲਭਤੇ ਪੁਤ੍ਰਾਨ੍ਮੋਕ੍ਸ਼ਾਰ੍ਥੀ ਲਭਤੇ ਗਤਿਮ੍॥ ੬ ॥
ਜਪੇਦ੍ਗਣਪਤਿਸ੍ਤੋਤ੍ਰਂ ਸ਼ਡ੍ਭਿਰ੍ਮਾਸੈਃ ਫਲਂ ਲਭੇਤ੍। ਸਂਵਤ੍ਸਰੇਣ ਸਿਦ੍ਧਿਂ ਚ ਲਭਤੇ ਨਾਤ੍ਰ ਸਂਸ਼ਯਃ॥ ੭ ॥
ਅਸ਼੍ਟਭ੍ਯੋ ਬ੍ਰਾਹ੍ਮਣੇਭ੍ਯਸ਼੍ਚ ਲਿਖਿਤ੍ਵਾ ਯਃ ਸਮਰ੍ਪਯੇਤ੍। ਤਸ੍ਯ ਵਿਦ੍ਯਾ ਭਵੇਤ੍ਸਰ੍ਵਾ ਗਣੇਸ਼ਸ੍ਯ ਪ੍ਰਸਾਦਤਃ॥ ੮ ॥
॥ ਇਤਿ ਸ਼੍ਰੀਨਾਰਦਪੁਰਾਣੇ ਸਙ੍ਕਟਨਾਸ਼ਨਂ ਨਾਮ ਗਣੇਸ਼ਸ੍ਤੋਤ੍ਰਂ ਸਮ੍ਪੂਰ੍ਣਮ੍ ॥
ਸਰੋਤ: Wikisource · CC BY-SA 4.0