॥ਅਥ ਸੁਸਂਸ਼ੁਦ੍ਧਂ ਰਾਵਣਕ੍ਰਿਤਸ਼ਿਵਤਾਣ੍ਡਵਸ੍ਤੋਤ੍ਰਮ੍॥
॥ਸ਼੍ਰੀਗਣੇਸ਼ਾਯ ਨਮਃ॥
ਜਟਾਟਵੀਗਲਜ੍ਜਲਪ੍ਰਵਾਹਪਾਵਿਤਸ੍ਥਲੇ ਗਲੇਵਲਮ੍ਬ੍ਯ ਲਮ੍ਬਿਤਾਂ ਭੁਜਙ੍ਗਤੁਙ੍ਗਮਾਲਿਕਾਮ੍। ਡਮਡ੍ਡਮਡ੍ਡਮਡ੍ਡਮਨ੍ਨਿਨਾਦਵਡ੍ਡਮਰ੍ਵਯਂ ਚਕਾਰ ਚਣ੍ਡਤਾਣ੍ਡਵਂ ਤਨੋਤੁ ਨਃ ਸ਼ਿਵਃ ਸ਼ਿਵਮ੍ ॥ ੧ ॥
ਜਟਾਕਟਾਹਸਮ੍ਭ੍ਰਮਭ੍ਰਮਨ੍ਨਿਲਿਮ੍ਪਨਿਰ੍ਝਰੀਵਿਲੋਲਵੀਚਿਵਲ੍ਲਰੀਵਿਰਾਜਮਾਨਮੂਰ੍ਦ੍ਧਨਿ। ਧਗਦ੍ਧਗਦ੍ਧਗਜ੍ਜ੍ਵਲਲ੍ਲਲਾਟਪਟ੍ਟਪਾਵਕੇ ਕਿਸ਼ੋਰਚਨ੍ਦ੍ਰਸ਼ੇਖਰੇ ਰਤਿਃ ਪ੍ਰਤਿਕ੍ਸ਼ਣਂ ਮਮ ॥ ੨ ॥
ਧਰਾਧਰੇਨ੍ਦ੍ਰਨਨ੍ਦਿਨੀਵਿਲਾਸਬਨ੍ਧੁਬਨ੍ਧੁਰਸ੍ਫੁਰਦ੍ਦਿਗਨ੍ਤਸਨ੍ਤਤਿਪ੍ਰਮੋਦਮਾਨਮਾਨਸੇ। ਕ੍ਰਿਪਾਕਟਾਕ੍ਸ਼ਧੋਰਣੀਨਿਰੁਦ੍ਧਦੁਰ੍ਧਰਾਪਦਿ ਕ੍ਵਚਿਦ੍ਦਿਗਮ੍ਬਰੇ ਮਨੋ ਵਿਨੋਦਮੇਤੁ ਵਸ੍ਤੁਨਿ ॥ ੩ ॥
ਜਟਾਭੁਜਙ੍ਗਪਿਙ੍ਗਲਸ੍ਫੁਰਤ੍ਫਣਾਮਣਿਪ੍ਰਭਾਕਦਮ੍ਬਕੁਙ੍ਕੁਮਦ੍ਰਵਪ੍ਰਲਿਪ੍ਤਦਿਗ੍ਵਧੂਮੁਖੇ। ਮਦਾਨ੍ਧਸਿਨ੍ਧੁਰਾਸੁਰਤ੍ਵਗੁਤ੍ਤਰੀਯਮੇਦੁਰੇ ਮਨੋ ਵਿਨੋਦਮਦ੍ਭੁਤਂ ਬਿਭਰ੍ਤੁ ਭੂਤਭਰ੍ਤਰਿ ॥ ੪ ॥
ਸਹਸ੍ਰਲੋਚਨਪ੍ਰਭ੍ਰਿਤ੍ਯਸ਼ੇਸ਼ਲੇਖਸ਼ੇਖਰਪ੍ਰਸੂਨਧੂਲਿਧੋਰਣੀਵਿਧੂਸਰਾਙ੍ਘ੍ਰਿਪੀਠਭੂਃ। ਭੁਜਙ੍ਗਰਾਜਮਾਲਯਾ ਨਿਬਦ੍ਧਜਾਟਜੂਟਕਃ ਸ਼੍ਰਿਯੇ ਚਿਰਾਯ ਜਾਯਤਾਂ ਚਕੋਰਬਨ੍ਧੁਸ਼ੇਖਰਃ ॥ ੫ ॥
ਲਲਾਟਚਤ੍ਵਰਜ੍ਵਲਦ੍ਧਨਞ੍ਜਯਸ੍ਫੁਲਿਙ੍ਗਭਾਨਿਪੀਤਪਞ੍ਚਸਾਯਕਂ ਨਮਨ੍ਨਿਲਿਮ੍ਪਨਾਯਕਮ੍। ਸੁਧਾਮਯੂਖਲੇਖਯਾ ਵਿਰਾਜਮਾਨਸ਼ੇਖਰਂ ਮਹਃ ਕਪਾਲਿ ਸਮ੍ਪਦੇ ਸਰਿਜ੍ਜਟਾਲਮਸ੍ਤੁ ਨਃ ॥ ੬ ॥
ਕਰਾਲਭਾਲਪਟ੍ਟਿਕਾਧਗਦ੍ਧਗਦ੍ਧਗਜ੍ਜ੍ਵਲਦ੍ਧਨਞ੍ਜਯਾਹੁਤੀਕ੍ਰਿਤਪ੍ਰਚਣ੍ਡਪਞ੍ਚਸਾਯਕੇ। ਧਰਾਧਰੇਨ੍ਦ੍ਰਨਨ੍ਦਿਨੀਕੁਚਾਗ੍ਰਚਿਤ੍ਰਪਤ੍ਰਕਪ੍ਰਕਲ੍ਪਨੈਕਸ਼ਿਲ੍ਪਿਨਿ ਤ੍ਰਿਲੋਚਨੇ ਰਤਿਰ੍ਮਮ ॥ ੭ ॥
ਨਵੀਨਮੇਘਮਣ੍ਡਲੀਨਿਰੁਦ੍ਧਦੁਰ੍ਧਰਸ੍ਫੁਰਤ੍ਕੁਹੂਨਿਸ਼ੀਥਿਨੀਤਮਃਪ੍ਰਬਨ੍ਧਬਦ੍ਧਕਨ੍ਧਰਃ। ਨਿਲਿਮ੍ਪਨਿਰ੍ਝਰੀਧਰਸ੍ਤਨੋਤੁ ਕ੍ਰਿਤ੍ਤਿਸਿਨ੍ਧੁਰਃ ਕਲਾਨਿਧਾਨਬਨ੍ਧੁਰਃ ਸ਼੍ਰਿਯਂ ਜਗਦ੍ਧੁਰਨ੍ਧਰਃ ॥ ੮ ॥
ਪ੍ਰਫੁਲ੍ਲਨੀਲਪਙ੍ਕਜਪ੍ਰਪਞ੍ਚਕਾਲਿਮਪ੍ਰਭਾਵਲਮ੍ਬਿਕਣ੍ਠਕਨ੍ਦਲੀਰੁਚਿਪ੍ਰਬਦ੍ਧਕਨ੍ਧਰਮ੍। ਸ੍ਮਰਚ੍ਛਿਦਂ ਪੁਰਚ੍ਛਿਦਂ ਭਵਚ੍ਛਿਦਂ ਮਖਚ੍ਛਿਦਂ ਗਜਚ੍ਛਿਦਾਨ੍ਧਕਚ੍ਛਿਦਂ ਤਮਨ੍ਤਕਚ੍ਛਿਦਂ ਭਜੇ ॥ ੯ ॥
ਅਖਰ੍ਵਸਰ੍ਵਮਙ੍ਗਲਾਕਲਾਕਦਮ੍ਬਮਞ੍ਜਰੀਰਸਪ੍ਰਵਾਹਮਾਧੁਰੀਵਿਜ੍ਰਿਮ੍ਭਣਾਮਧੁਵ੍ਰਤਮ੍। ਸ੍ਮਰਾਨ੍ਤਕਂ ਪੁਰਾਨ੍ਤਕਂ ਭਵਾਨ੍ਤਕਂ ਮਖਾਨ੍ਤਕਂ ਗਜਾਨ੍ਤਕਾਨ੍ਧਕਾਨ੍ਤਕਂ ਤਮਨ੍ਤਕਾਨ੍ਤਕਂ ਭਜੇ ॥ ੧੦ ॥
ਜਯਤ੍ਵਦਭ੍ਰਵਿਭ੍ਰਮਭ੍ਰਮਦ੍ਭੁਜਙ੍ਗਮਸ਼੍ਵਸਦ੍ਵਿਨਿਰ੍ਗਮਤ੍ਕ੍ਰਮਸ੍ਫੁਰਤ੍ਕਰਾਲਭਾਲਹਵ੍ਯਵਾਟ੍। ਧਿਮਿਦ੍ਧਿਮਿਦ੍ਧਿਮਿਦ੍ਧ੍ਵਨਨ੍ਮ੍ਰਿਦਙ੍ਗਤੁਙ੍ਗਮਙ੍ਗਲਧ੍ਵਨਿਕ੍ਰਮਪ੍ਰਵਰ੍ਤਿਤਪ੍ਰਚਣ੍ਡਤਾਣ੍ਡਵਃ ਸ਼ਿਵਃ ॥ ੧੧ ॥
ਦ੍ਰਿਸ਼ਦ੍ਵਿਚਿਤ੍ਰਤਲ੍ਪਯੋਰ੍ਭੁਜਙ੍ਗਮੌਕ੍ਤਿਕਸ੍ਰਜੋਰ੍ਗਰਿਸ਼੍ਠਰਤ੍ਨਲੋਸ਼੍ਠਯੋਃ ਸੁਹ੍ਰਿਦ੍ਵਿਪਕ੍ਸ਼ਪਕ੍ਸ਼ਯੋਃ। ਤ੍ਰਿਣਾਰਵਿਨ੍ਦਚਕ੍ਸ਼ੁਸ਼ੋਃ ਪ੍ਰਜਾਮਹੀਮਹੇਨ੍ਦ੍ਰਯੋਃ ਸਮਪ੍ਰਵ੍ਰਿਤ੍ਤਿਕਃ ਕਦਾ ਸਦਾਸ਼ਿਵਂ ਭਜਾਮ੍ਯਹਮ੍ ॥ ੧੨ ॥
ਕਦਾ ਨਿਲਿਮ੍ਪਨਿਰ੍ਝਰੀਨਿਕੁਞ੍ਜਕੋਟਰੇ ਵਸਨ੍ ਵਿਮੁਕ੍ਤਦੁਰ੍ਮਤਿਃ ਸਦਾ ਸ਼ਿਰਃਸ੍ਥਮਞ੍ਜਲਿਂ ਵਹਨ੍। ਵਿਮੁਕ੍ਤਲੋਲਲੋਚਨਾਲਲਾਮਭਾਲਲਗ੍ਨਕਂ ਸ਼ਿਵੇਤਿ ਮਨ੍ਤ੍ਰਮੁਚ੍ਚਰਨ੍ ਕਦਾ ਸੁਖੀ ਭਵਾਮ੍ਯਹਮ੍ ॥ ੧੩ ॥
ਨਿਲਿਮ੍ਪਨਾਥਨਾਗਰੀਕਦਮ੍ਬਮੌਲਮਲ੍ਲਿਕਾਨਿਗੁਮ੍ਫਨਿਰ੍ਭਰਕ੍ਸ਼ਰਨ੍ਮਧੂਸ਼੍ਣਿਕਾਮਨੋਹਰਃ। ਤਨੋਤੁ ਨੋ ਮਨੋਮੁਦਂ ਵਿਨੋਦਿਨੀਮਹਰ੍ਨਿਸ਼ਂ ਪਰਸ਼੍ਰਿਯਃ ਪਰਂ ਪਦਂ ਤਦਙ੍ਗਜਤ੍ਵਿਸ਼ਾਂ ਚਯਃ ॥ ੧੪ ॥
ਪ੍ਰਚਣ੍ਡਵਾਡਵਾਨਲਪ੍ਰਭਾਸ਼ੁਭਪ੍ਰਚਾਰਣੀ ਮਹਾਸ਼੍ਟਸਿਦ੍ਧਿਕਾਮਿਨੀਜਨਾਵਹੂਤਜਲ੍ਪਨਾ। ਵਿਮੁਕ੍ਤਵਾਮਲੋਚਨਾਵਿਵਾਹਕਾਲਿਕਧ੍ਵਨਿਃ ਸ਼ਿਵੇਤਿ ਮਨ੍ਤ੍ਰਭੂਸ਼ਣਾ ਜਗਜ੍ਜਯਾਯ ਜਾਯਤਾਮ੍ ॥ ੧੫ ॥
ਇਮਂ ਹਿ ਨਿਤ੍ਯਮੇਵਮੁਕ੍ਤਮੁਤ੍ਤਮੋਤ੍ਤਮਂ ਸ੍ਤਵਂ ਪਠਨ੍ਸ੍ਮਰਨ੍ਬ੍ਰੁਵਨ੍ਨਰੋ ਵਿਸ਼ੁਦ੍ਧਿਮੇਤਿਸਨ੍ਤਤਮ੍। ਹਰੇ ਗੁਰੌ ਸੁਭਕ੍ਤਿਮਾਸ਼ੁ ਯਾਤਿ ਨਾਨ੍ਯਥਾ ਗਤਿਂ ਵਿਮੋਹਨਂ ਹਿ ਦੇਹਿਨਾਂ ਸੁਸ਼ਙ੍ਕਰਸ੍ਯ ਚਿਨ੍ਤਨਮ੍ ॥ ੧੬ ॥
ਪੂਜਾਵਸਾਨਸਮਯੇ ਦਸ਼ਵਕ੍ਤ੍ਰਗੀਤਂ ਯਃ ਸ਼ਮ੍ਭੁਪੂਜਨਪਰਂ ਪਠਤਿ ਪ੍ਰਦੋਸ਼ੇ। ਤਸ੍ਯ ਸ੍ਥਿਰਾਂ ਰਥਗਜੇਨ੍ਦ੍ਰਤੁਰਙ੍ਗਯੁਕ੍ਤਾਂ ਲਕ੍ਸ਼੍ਮੀਂ ਪ੍ਰਸਾਦਸਮਯੇ ਪ੍ਰਦਦਾਤਿ ਸ਼ਮ੍ਭੁਃ ॥
॥ ਇਤਿ ਰਾਵਣਕ੍ਰਿਤਂ ਸ਼ਿਵਤਾਣ੍ਡਵਸ੍ਤੋਤ੍ਰਂ ਸਮ੍ਪੂਰ੍ਣਮ੍ ॥
ਸਰੋਤ: Wikisource · CC BY-SA 4.0