அச்யுதம் கேஶவம் ராமனாராயணம் க்ருஷ்ணதா³மோத³ரம் வாஸுதே³வம் ஹரிம் ॥ ஶ்ரீத⁴ரம் மாத⁴வம் கோ³பிகாவல்லப⁴ம் ஜானகீனாயகம் ராமசந்த்³ரம் ப⁴ஜே ॥ 1 ॥
அச்யுதம் கேஶவம் ஸத்யபா⁴மாத⁴வம் மாத⁴வம் ஶ்ரீத⁴ரம் ராதி⁴காராதி⁴தம் ॥ இந்தி³ராமந்தி³ரம் சேதஸா ஸுந்த³ரம் தே³வகீனந்த³னம் நந்த³னம் ஸம்த³தே⁴ ॥ 2 ॥
விஷ்ணவே ஜிஷ்ணவே ஶங்கி²னே சக்ரிணே ருக்மிணீராகி³ணே ஜானகீஜானயே ॥ வல்லவீவல்லபா⁴யார்சிதாயாத்மனே கம்ஸவித்⁴வம்ஸினே வம்ஶினே தே நம꞉ ॥ 3 ॥
க்ருஷ்ண கோ³விந்த³ ஹே ராம நாராயண ஶ்ரீபதே வாஸுதே³வாஜித ஶ்ரீனிதே⁴ ॥ அச்யுதானந்த ஹே மாத⁴வாதோ⁴க்ஷஜ த்³வாரகானாயக த்³ரௌபதீ³ரக்ஷக ॥ 4 ॥
ராக்ஷஸக்ஷோபி⁴த꞉ ஸீதயா ஶோபி⁴தோ த³ண்ட³காரண்யபூ⁴புண்யதாகாரண꞉ ॥ லக்ஷ்மணேனான்விதோ வானரை꞉ ஸேவிதோ க³ஸ்த்யஸம்பூஜிதோ ராக⁴வ꞉ பாது மாம் ॥ 5 ॥
தே⁴னுகாரிஷ்டகோனிஷ்டக்ருத்³த்³வேஷிணாம் கேஶிஹா கம்ஸஹ்ருத்³வம்ஶிகாவாத³க꞉ ॥ பூதனாகோபக꞉ ஸூரஜாகே²லனோ பா³லகோ³பாலக꞉ பாது மாம் ஸர்வதா³ ॥ 6 ॥
வித்³யுது³த்³யோதவானப்ரஸ்பு²ரத்³வாஸஸம் ப்ராவ்ருட³ம்போ⁴த³வத்ப்ரோல்லஸத்³விக்³ரஹம் ॥ வன்யயா மாலயா ஶோபி⁴தோர꞉ஸ்த²லம் லோஹிதாம்க்⁴ரித்³வயம் வாரிஜாக்ஷம் ப⁴ஜே ॥ 7 ॥
குஞ்சிதை꞉ குந்தலைர்ப்⁴ராஜமானானனம் ரத்னமௌலிம் லஸத் குண்ட³லம் க³ண்ட³யோ꞉ ॥ ஹாரகேயூரகம் கங்கணப்ரோஜ்ஜ்வலம் கிங்கிணீமஞ்ஜுலம் ஶ்யாமலம் தம் ப⁴ஜே ॥ 8 ॥
அச்யுதஸ்யாஷ்டகம் ய꞉ படே²தி³ஷ்டத³ம் ப்ரேமத꞉ ப்ரத்யஹம் பூருஷ꞉ ஸஸ்ப்ருஹம் । வ்ருத்தத꞉ ஸும்த³ரம் கர்த்ரு விஶ்வம்ப⁴ரம் தஸ்ய வஶ்யோ ஹரிர்ஜாயதே ஸத்வரம் ॥ 9 ॥
॥ இதி ஶ்ரீஶம்கராசார்யவிரசிதமச்யுதாஷ்டகம் ஸம்பூர்ணம் ॥
மூலம்: Wikisource · CC BY-SA 4.0