॥ஶ்ரீக³ணேஶபஞ்சரத்னம்॥
முதா³கராத்தமோத³கம் ஸதா³ விமுக்திஸாத⁴கம் கலாத⁴ராவதம்ஸகம் விலாஸலோகரக்ஷகம்। அனாயகைகனாயகம் வினாஶிதேப⁴தை³த்யகம் நதாஶுபா⁴ஶுனாஶகம் நமாமி தம் வினாயகம்॥ 1 ॥
நதேதராதிபீ⁴கரம் நவோதி³தார்கபா⁴ஸ்வரம் நமத்ஸுராரினிர்ஜரம் நதாதி⁴காபது³த்³த⁴ரம்। ஸுரேஶ்வரம் நிதீ⁴ஶ்வரம் க³ஜேஶ்வரம் க³ணேஶ்வரம் மஹேஶ்வரம் தமாஶ்ரயே பராத்பரம் நிரந்தரம்॥ 2 ॥
ஸமஸ்தலோகஶங்கரம் நிரஸ்ததை³த்யகுஞ்ஜரம் த³ரேதரோத³ரம் வரம் வரேப⁴வக்த்ரமக்ஷரம்। க்ருபாகரம் க்ஷமாகரம் முதா³கரம் யஶஸ்கரம் மனஸ்கரம் நமஸ்க்ருதாம் நமஸ்கரோமி பா⁴ஸ்வரம்॥ 3 ॥
அகிஞ்சனார்திமார்ஜனம் சிரந்தனோக்திபா⁴ஜனம் புராரிபூர்வனந்த³னம் ஸுராரிக³ர்வசர்வணம்। ப்ரபஞ்சனாஶபீ⁴ஷணம் த⁴னஞ்ஜயாதி³பூ⁴ஷணம் கபோலதா³னவாரணம் ப⁴ஜே புராணவாரணம்॥ 4 ॥
நிதாந்தகாந்தத³ந்தகாந்திமந்தகாந்தகாத்மஜம் அசிந்த்யரூபமந்தஹீனமந்தராயக்ருந்தனம்। ஹ்ருத³ந்தரே நிரந்தரம் வஸந்தமேவ யோகி³னாம் தமேகத³ந்தமேவ தம் விசிந்தயாமி ஸந்ததம்॥ 5 ॥
மஹாக³ணேஶபஞ்சரத்னமாத³ரேண யோன்வஹம் ப்ரஜல்பதி ப்ரபா⁴தகே ஹ்ருதி³ ஸ்மரன் க³ணேஶ்வரம்। அரோக³தாம் அதோ³ஷதாம் ஸுஸாஹிதீம் ஸுபுத்ரதாம் ஸமாஹிதாயுரஷ்டபூ⁴திமப்⁴யுபைதி ஸோசிராத்॥ 6 ॥
மூலம்: Wikisource · CC BY-SA 4.0