முகப்பு › மந்திரங்கள் › கனகதா⁴ராஸ்தோத்ரம்

கனகதா⁴ராஸ்தோத்ரம்

ஸ்தோத்திரங்கள் · 24 ஸ்லோகங்கள்

॥ ஶ்ரீகனகதா⁴ராஸ்தோத்ரம் ॥

அங்க³ம் ஹரே꞉ புலகபூ⁴ஷணமாஶ்ரயந்தீ ப்ரு⁴ங்கா³ங்க³னேவ முகுலாப⁴ரணம் தமாலம் । அங்கீ³க்ருதாகி²லவிபூ⁴திரபாங்க³லீலா மாங்க³ல்யதா³ஸ்து மம மங்க³ளதே³வதாயா꞉ ॥ 1 ॥

முக்³தா⁴ முஹுர்வித³த⁴தீ வத³னே முராரே꞉ ப்ரேமத்ரபாப்ரணிஹிதானி க³தாக³தானி । மாலா த்ரு³ஶோர்மது⁴கரீவ மஹோத்பலே யா ஸா மே ஶ்ரியம் தி³ஶது ஸாக³ரஸம்ப⁴வாயா꞉ ॥ 2 ॥

ஆமீலிதாக்ஷமதி⁴க³ம்ய முதா³ முகுந்த³ம்– ஆனந்த³கந்த³மனிமேஷமனங்க³தந்த்ரம்। ஆகேகரஸ்தி²தகனீனிகபக்ஷ்மனேத்ரம் பூ⁴த்யை ப⁴வேன்மம பு⁴ஜங்க³ஶயாங்க³னாயா꞉ ॥ 3 ॥

பா³ஹ்வந்தரே மது⁴ஜித꞉ ஶ்ரிதகௌஸ்துபே⁴ யா ஹாராவலீவ ஹரினீலமயீ விபா⁴தி । காமப்ரதா³ ப⁴க³வதோபி கடாக்ஷமாலா கல்யாணமாவஹது மே கமலாலயாயா꞉ ॥ 4 ॥

காலாம்பு³தா³லிலலிதோரஸி கைடபா⁴ரேர்– தா⁴ராத⁴ரே ஸ்பு²ரதி யா தடி³த³ங்க³னேவ । மாது꞉ ஸமஸ்தஜக³தாம் மஹனீயமூர்திர்– ப⁴த்³ராணி மே தி³ஶது பா⁴ர்க³வனந்த³னாயா꞉ ॥ 5 ॥

ப்ராப்தம் பத³ம் ப்ரத²மத꞉ க²லு யத்ப்ரபா⁴வான்– மாங்க³ல்யபா⁴ஜி மது⁴மாதி²னி மன்மதே²ன । மய்யாபதேத்ததி³ஹ மந்த²ரமீக்ஷணார்த⁴ம் மந்தா³லஸம் ச மகராலயகன்யகாயா꞉ ॥ 6 ॥

விஶ்வாமரேந்த்³ரபத³விப்⁴ரமதா³னத³க்ஷம்– ஆனந்த³ஹேதுரதி⁴கம் முரவித்³விஷோபி । ஈஷன்னிஷீத³து மயி க்ஷணமீக்ஷணார்த⁴ம்– இந்தீ³வரோத³ரஸஹோத³ரமிந்தி³ராயா꞉ ॥ 7 ॥

இஷ்டாவிஶிஷ்டமதயோபி யயா த³யார்த்³ர– த்ரு³ஷ்ட்யா த்ரிவிஷ்டபபத³ம் ஸுலப⁴ம் லப⁴ந்தே । த்ரு³ஷ்டி꞉ ப்ரஹ்ருஷ்டகமலோத³ரதீ³ப்திரிஷ்டாம் புஷ்டிம் க்ருஷீஷ்ட மம புஷ்கரவிஷ்டராயா꞉ ॥ 8 ॥

த³த்³யாத்³த³யானுபவனோ த்³ரவிணாம்பு³தா⁴ராம்– அஸ்மின்னகிஞ்சனவிஹங்க³ஶிஶௌ விஷண்ணே । து³ஷ்கர்மத⁴ர்மமபனீய சிராய தூ³ரம் நாராயணப்ரணயினீனயனாம்பு³வாஹ꞉ ॥ 9 ॥

கீ³ர்தே³வதேதி க³ருட³़த்⁴வஜஸுந்த³ரீதி ஶாகம்ப⁴ரீதி ஶஶிஶேக²ரவல்லபே⁴தி । ஸ்ருஷ்டிஸ்தி²திப்ரலயகேலிஷு ஸம்ஸ்தி²தாயை தஸ்யை நமஸ்த்ரிபு⁴வனைககு³ரோஸ்தருண்யை ॥ 10 ॥

ஶ்ருத்யை நமோஸ்து ஶுப⁴கர்மப²லப்ரஸூத்யை ரத்யை நமோஸ்து ரமணீயகு³ணார்ணவாயை । ஶக்த்யை நமோஸ்து ஶதபத்ரனிகேதனாயை புஷ்ட்யை நமோஸ்து புருஷோத்தமவல்லபா⁴யை ॥ 11 ॥

நமோஸ்து நாலீகனிபா⁴னனாயை நமோஸ்து து³க்³தோ⁴த³தி⁴ஜன்மபூ⁴த்யை । நமோஸ்து ஸோமாம்ருதஸோத³ராயை நமோஸ்து நாராயணவல்லபா⁴யை ॥ 12 ॥

நமோஸ்து ஹேமாம்பு³ஜபீடி²காயை நமோஸ்து பூ⁴மண்ட³லனாயிகாயை । நமோஸ்து தே³வாதி³த³யாபராயை நமோஸ்து ஶார்ங்கா³யுத⁴வல்லபா⁴யை ॥ 13 ॥

நமோஸ்து தே³வ்யை ப்ரு⁴கு³னந்த³னாயை நமோஸ்து விஷ்ணோருரஸி ஸ்தி²தாயை । நமோஸ்து லக்ஷ்ம்யை கமலாலயாயை நமோஸ்து தா³மோத³ரவல்லபா⁴யை ॥ 14 ॥

நமோஸ்து காந்த்யை கமலேக்ஷணாயை நமோஸ்து பூ⁴த்யை பு⁴வனப்ரஸூத்யை । நமோஸ்து தே³வாதி³பி⁴ரர்சிதாயை நமோஸ்து நந்தா³த்மஜவல்லபா⁴யை ॥ 15 ॥

ஸம்பத்கராணி ஸகலேந்த்³ரியனந்த³னானி ஸாம்ராஜ்யதா³னவிப⁴வானி ஸரோருஹாக்ஷி । த்வத்³வந்த³னானி து³ரிதோத்³த⁴ரணோத்³யதானி மாமேவ மாதரனிஶம் கலயந்து மான்யே ॥ 16 ॥

யத்கடாக்ஷஸமுபாஸனாவிதி⁴꞉ ஸேவகஸ்ய ஸகலார்த²ஸம்பத³꞉ । ஸந்தனோதி வசனாங்க³மானஸைஸ்– த்வாம் முராரிஹ்ருத³யேஶ்வரீம் ப⁴ஜே ॥ 17 ॥

ஸரஸிஜனிலயே ஸரோஜஹஸ்தே த⁴வலதமாம்ஶுகக³ந்த⁴மால்யஶோபே⁴ । ப⁴க³வதி ஹரிவல்லபே⁴ மனோஜ்ஞே த்ரிபு⁴வனபூ⁴திகரி ப்ரஸீத³ மஹ்யம் ॥ 18 ॥

தி³க்³க⁴ஸ்திபி⁴꞉ கனககும்ப⁴முகா²வஸ்ருஷ்ட– ஸ்வர்வாஹினீவிமலசாருஜலப்லுதாங்கீ³ம் । ப்ராதர்னமாமி ஜக³தாம் ஜனனீமஶேஷ– லோகாதி⁴னாத²க்ரு³ஹிணீமம்ருதாப்³தி⁴புத்ரீம் ॥ 19 ॥

கமலே கமலாக்ஷவல்லபே⁴ த்வம் கருணாபூரதரங்கி³தைரபாங்கை³꞉ । அவலோகய மாமகிஞ்சனானாம் ப்ரத²மம் பாத்ரமக்ருத்ரிமம் த³யாயா꞉ ॥ 20 ॥

தே³வி ப்ரஸீத³ ஜக³தீ³ஶ்வரி லோகமாத꞉ கல்யாணகா³த்ரி கமலேக்ஷணஜீவனாதே² । தா³ரித்³ர்யபீ⁴திஹ்ருத³யம் ஶரணாக³தம் மாம்– ஆலோகய ப்ரதிதி³னம் ஸத³யைரபாங்கை³꞉ ॥ 21 ॥

ஸ்துவந்தி யே ஸ்துதிபி⁴ரமூபி⁴ரன்வஹம் த்ரயீமயீம் த்ரிபு⁴வனமாதரம் ரமாம் । கு³ணாதி⁴கா கு³ருதரபா⁴க்³யபா⁴கி³னோ ப⁴வந்தி தே பு⁴வி பு³த⁴பா⁴விதாஶயா꞉ ॥ 22 ॥

॥ இதி ஶ்ரீமச்ச²ங்கராசார்யக்ருதம் ஶ்ரீகனகதா⁴ராஸ்தோத்ரம் ஸம்பூர்ணம் ॥

மூலம்: Wikisource · CC BY-SA 4.0

உங்கள் கருத்தை அனுப்புங்கள்

எதை மேம்படுத்த வேண்டும், எது தவறு, அல்லது உங்களுக்கு எது பிடித்தது என்று சொல்லுங்கள். ஒவ்வொரு செய்தியையும் நாங்கள் படிக்கிறோம்.

எதைப் பற்றி
சங்க் உங்களுக்கு எவ்வளவு பயனுள்ளது? (விருப்பம்)