முகப்பு › மந்திரங்கள் › ஶ்ரீமஹாலக்ஷ்ம்யஷ்டகம்

ஶ்ரீமஹாலக்ஷ்ம்யஷ்டகம்

ஸ்தோத்திரங்கள் · 14 ஸ்லோகங்கள்

॥ அத² ஶ்ரீ மஹாலக்ஷ்ம்யஷ்டகம் ॥

ஶ்ரீக³ணேஶாய நம꞉ ॥ இம்த்³ர உவாச ॥

நமஸ்தேஸ்து மஹாமாயே ஶ்ரீபீடே² ஸுரபூஜிதே । ஶம்க²சக்ர க³தா³ஹஸ்தே மஹாலக்ஷ்மி நமோஸ்துதே ॥ 1 ॥

நமஸ்தே க³ருடா³ருடே⁴ கோலாஸுர ப⁴யம்கரீ । ஸர்வபாபஹரே தே³வீ மஹாலக்ஷ்மி நமோஸ்துதே ॥ 2 ॥

ஸர்வஜ்ஞே ஸர்வவரதே³ ஸர்வது³ஷ்டப⁴யம்கரீ । ஸர்வது³꞉க²ஹரே தே³வீ மஹாலக்ஷ்மி நமோஸ்துதே ॥ 3 ॥

ஸித்³தி⁴பு³த்³தி⁴ப்ரதே³ தே³வீ பு⁴க்திமுக்திப்ரதா³யினி । மம்த்ரமூர்தே ஸதா³ தே³வீ மஹாலக்ஷ்மி நமோஸ்துதே ॥ 4 ॥

ஆத்³யம்தரஹிதே தே³வீ ஆத்³யஶக்தி மஹேஶ்வரி । யோக³ஜே யோக³ஸம்பூ⁴தே மஹாலக்ஷ்மி நமோஸ்துதே ॥ 5 ॥

ஶூல ஸூக்ஷ்மமஹாரௌத்³ரே மஹாஶக்தி மஹோத³ரே । மஹாபாபஹரே தே³வீ மஹாலக்ஷ்மி நமோஸ்துதே ॥ 6 ॥

பத்³மாஸனஸ்தி²தே தே³வீ பரப்³ரஹ்மஸ்வருபிணி । பரமேஶி ஜக³ன்மாதார்மஹாலக்ஷ்மி நமோஸ்துதே ॥ 7 ॥

ஶ்வேதாம்ப³ரத⁴ரே தே³வீ நானாலம்கார பூ⁴ஷிதே । ஜக³த்ஸ்தி²தே ஜக³ன்மாதார்மஹாலக்ஷ்மி நமோஸ்துதே ॥ 8 ॥

மஹாலக்ஷ்ம்யஷ்டகம் ஸ்தோத்ரம் ய꞉ படே²த்³ப⁴க்திமான்னர꞉ । ஸர்வஸித்³தி⁴மவாப்னோதி ராஜ்ய ப்ராப்தேதி ஸர்வதா³ ॥ 9 ॥

ஏககாலே படே²ன்னித்யம் மஹாபாபவினாஶனம் । த்³விகாலம் ய꞉ படே²ன்னித்யம் த⁴னதா⁴ன்யஸமன்வித꞉ ॥ 10 ॥

த்ரிகாலம் ய꞉ படே²ன்னித்யம் மஹாஶத்ரும்வினாஶனம் । மஹாலக்ஷ்மிர்ப⁴வேன்னித்யம் ப்ரஸன்னா வரதா³ ஶுபா⁴ ॥ 11 ॥

இதிம்த்³ரக்ருத꞉ ஶ்ரீமஹாலக்ஷ்ம்யஷ்டகஸ்தவ꞉ ஸம்பூர்ண꞉ ॥

மூலம்: Wikisource · CC BY-SA 4.0

உங்கள் கருத்தை அனுப்புங்கள்

எதை மேம்படுத்த வேண்டும், எது தவறு, அல்லது உங்களுக்கு எது பிடித்தது என்று சொல்லுங்கள். ஒவ்வொரு செய்தியையும் நாங்கள் படிக்கிறோம்.

எதைப் பற்றி
சங்க் உங்களுக்கு எவ்வளவு பயனுள்ளது? (விருப்பம்)