மந்த்ரபுஷ்பம் (தைத்திரீயம்)
மந்திரங்கள் · தைத்திரீய ஆரண்யகம் (கிருஷ்ண யஜுர்வேதம்) · 28 ஸ்லோகங்கள்
ஓம் தா⁴தா புரஸ்தாத்³யமுதா³ஜஹார । ஶக்ர꞉ ப்ரவித்³வான்ப்ரதி³ஶஶ்சதஸ்ர꞉ । தமேவம் வித்³வானம்ருத இஹ ப⁴வதி । நான்ய꞉ பந்தா² அயனாய வித்³யதே ॥
ஓம் ஸஹஸ்ரஶீர்ஷம் தே³வம் விஶ்வாக்ஷம் விஶ்வஶம்பு⁴வம் । விஶ்வம் நாராயணம் தே³வமக்ஷரம் பரமம் பத³ம் । விஶ்வத꞉ பரமான்னித்யம் விஶ்வம் நாராயணக்³க்³ம் ஹரிம் । விஶ்வமேவேத³ம் புருஷஸ்தத்³விஶ்வமுபஜீவதி ॥
பதிம் விஶ்வஸ்யாத்மேஶ்வரக்³க்³ம் ஶாஶ்வதக்³க்³ம் ஶிவமச்யுதம் । நாராயணம் மஹாஜ்ஞேயம் விஶ்வாத்மானம் பராயணம் । நாராயண꞉ பரோ ஜ்யோதிராத்மா நாராயண꞉ பர꞉ । நாராயண꞉ பரம் ப்³ரஹ்ம தத்த்வம் நாராயண꞉ பர꞉ ॥
நாராயண꞉ பரோ த்⁴யாதா த்⁴யானம் நாராயண꞉ பர꞉ । யச்ச கிஞ்சிஜ்ஜக³த்ஸர்வம் த்ரு³ஶ்யதே ஶ்ரூயதேபி வா । அந்தர்ப³ஹிஶ்ச தத்ஸர்வம் வ்யாப்ய நாராயணஸ்ஸ்தி²த꞉ । அனந்தமவ்யயம் கவிக்³க்³ம் ஸமுத்³ரேந்தம் விஶ்வஶம்பு⁴வம் ॥
பத்³மகோஶப்ரதீகாஶக்³க்³ம் ஹ்ருத³யம் சாப்யதோ⁴முக²ம் । அதோ⁴ நிஷ்ட்யா விதஸ்த்யாந்தே நாப்⁴யாமுபரி திஷ்ட²தி । ஜ்வாலமாலாகுலம் பா⁴தீ விஶ்வஸ்யாயதனம் மஹத் । ஸந்ததக்³க்³ம் ஸிராபி⁴ஸ்து லம்ப³த்யாகோஶஸன்னிப⁴ம் ॥
தஸ்யாந்தே ஸுஷிரக்³க்³ம் ஸூக்ஷ்மம் தஸ்மின் ஸர்வம் ப்ரதிஷ்டி²தம் । தஸ்ய மத்⁴யே மஹானக்³னிர்விஶ்வார்சிர்விஶ்வதோமுக²꞉ । ஸோக்³ரபு⁴க்³விப⁴ஜந்திஷ்ட²ன்னாஹாரமஜர꞉ கவி꞉ । திர்யகூ³ர்த்⁴வமத⁴ஶ்ஶாயீ ரஶ்மயஸ்தஸ்ய ஸந்ததா ॥
ஸந்தாபயதி ஸ்வம் தே³ஹமாபாத³தலமஸ்தக꞉ । தஸ்ய மத்⁴யே வஹ்னிஶிகா² அணீயோர்த்⁴வா வ்யவஸ்தி²தா । நீலதோயத³மத்⁴யஸ்தா² வித்³யுல்லேகே²வ பா⁴ஸ்வரா । நீவாரஶூகவத்தன்வீ பீதா பா⁴ஸ்வத்யணூபமா ॥
தஸ்யாஶ்ஶிகா²யா மத்⁴யே பரமாத்மா வ்யவஸ்தி²த꞉ । ஸ ப்³ரஹ்ம ஸ ஶிவஸ்ஸ ஹரிஸ்ஸேந்த்³ரஸ்ஸோக்ஷர꞉ பரம꞉ ஸ்வராட் ॥
யோபாம் புஷ்பம் வேத³ । புஷ்பவான்ப்ரஜாவான்பஶுமான்ப⁴வதி । சந்த்³ரமா வா அபாம் புஷ்பம் । புஷ்பவான்ப்ரஜாவான்பஶுமான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । அக்³னிர்வா அபாமாயதனம் । ஆயதனவான்ப⁴வதி । யோக்³னேராயதனம் வேத³ । ஆயதனவான்ப⁴வதி । ஆபோ வா அக்³னேராயதனம் । ஆயதனவான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । வாயுர்வா அபாமாயதனம் । ஆயதனவான்ப⁴வதி । யோ வாயோராயதனம் வேத³ । ஆயதனவான்ப⁴வதி । ஆபோ வை வாயோராயதனம் । ஆயதனவான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । அஸௌ வை தபன்னபாமாயதனம் । ஆயதனவான்ப⁴வதி । யோமுஷ்ய தபத ஆயதனம் வேத³ । ஆயதனவான்ப⁴வதி । ஆபோ வா அமுஷ்ய தபத ஆயதனம் । ஆயதனவான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । சந்த்³ரமா வா அபாமாயதனம் । ஆயதனவான்ப⁴வதி । யஶ்சந்த்³ரமஸ ஆயதனம் வேத³ । ஆயதனவான்ப⁴வதி । ஆபோ வை சந்த்³ரமஸ ஆயதனம் । ஆயதனவான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । நக்ஷத்ராணி வா அபாமாயதனம் । ஆயதனவான்ப⁴வதி । யோ நக்ஷத்ராணாமாயதனம் வேத³ । ஆயதனவான்ப⁴வதி । ஆபோ வை நக்ஷத்ராணாமாயதனம் । ஆயதனவான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । பர்ஜன்யோ வா அபாமாயதனம் । ஆயதனவான்ப⁴வதி । ய꞉ பர்ஜன்யஸ்யாயதனம் வேத³ । ஆயதனவான்ப⁴வதி । ஆபோ வை பர்ஜன்யஸ்யாயதனம் । ஆயதனவான்ப⁴வதி । ய ஏவம் வேத³ ॥
யோபாமாயதனம் வேத³ । ஆயதனவான்ப⁴வதி । ஸம்வத்ஸரோ வா அபாமாயதனம் । ஆயதனவான்ப⁴வதி । யஸ்ஸம்வத்ஸரஸ்யாயதனம் வேத³ । ஆயதனவான்ப⁴வதி । ஆபோ வை ஸம்வத்ஸரஸ்யாயதனம் । ஆயதனவான்ப⁴வதி । ய ஏவம் வேத³ ॥
யோப்ஸு நாவம் ப்ரதிஷ்டி²தாம் வேத³ । ப்ரத்யேவ திஷ்ட²தி ॥
கிம் தத்³விஷ்ணோர்ப³லமாஹு꞉ । கா தீ³ப்தி꞉ கிம் பராயணம் । ஏகோ யத்³தா⁴ரயத்³தே³வ꞉ । ரேஜதீ ரோத³ஸீ உபே⁴ । வாதாத்³விஷ்ணோர்ப³லமாஹு꞉ । அக்ஷராத்³தீ³ப்திருச்யதே । த்ரிபதா³த்³தா⁴ரயத்³தே³வ꞉ । யத்³விஷ்ணோரேகமுத்தமம் ॥
ராஜாதி⁴ராஜாய ப்ரஸஹ்யஸாஹினே । நமோ வயம் வைஶ்ரவணாய குர்மஹே । ஸ மே காமான்காமகாமாய மஹ்யம் । காமேஶ்வரோ வைஶ்ரவணோ த³தா³து । குபே³ராய வைஶ்ரவணாய । மஹாராஜாய நம꞉ ॥
ஓம் தத்³ப்³ரஹ்ம । ஓம் தத்³வாயு꞉ । ஓம் ததா³த்மா । ஓம் தத்ஸத்யம் । ஓம் தத்ஸர்வம் । ஓம் தத்புரோர்னம꞉ ॥
அந்தஶ்சரதி பூ⁴தேஷு கு³ஹாயாம் விஶ்வமூர்திஷு । த்வம் யஜ்ஞஸ்த்வம் வஷட்காரஸ்த்வமிந்த்³ரஸ்த்வக்³க்³ம் ருத்³ரஸ்த்வம் விஷ்ணுஸ்த்வம் ப்³ரஹ்ம த்வம் ப்ரஜாபதி꞉ । த்வம் ததா³ப ஆபோ ஜ்யோதீ ரஸோம்ருதம் ப்³ரஹ்ம பூ⁴ர்பு⁴வஸ்ஸுவரோம் ॥
ஈஶானஸ்ஸர்வவித்³யானாமீஶ்வரஸ்ஸர்வபூ⁴தானாம் । ப்³ரஹ்மாதி⁴பதிர்ப்³ரஹ்மணோதி⁴பதிர்ப்³ரஹ்மா ஶிவோ மே அஸ்து ஸதா³ஶிவோம் ॥
தத்³விஷ்ணோ꞉ பரமம் பத³க்³க்³ம் ஸதா³ பஶ்யந்தி ஸூரய꞉ । தி³வீவ சக்ஷுராததம் । தத்³விப்ராஸோ விபன்யவோ ஜாக்ரு³வாக்³க்³ம்ஸஸ்ஸமிந்த⁴தே । விஷ்ணோர்யத்பரமம் பத³ம் ॥
ருதக்³க்³ம் ஸத்யம் பரம் ப்³ரஹ்ம புருஷம் க்ருஷ்ணபிங்க³லம் । ஊர்த்⁴வரேதம் விரூபாக்ஷம் விஶ்வரூபாய வை நமோ நம꞉ ॥
ஓம் நாராயணாய வித்³மஹே வாஸுதே³வாய தீ⁴மஹி । தன்னோ விஷ்ணு꞉ ப்ரசோத³யாத் ॥
மஹாதே³வ்யை ச வித்³மஹே விஷ்ணுபத்னீ ச தீ⁴மஹி । தன்னோ லக்ஷ்மீ꞉ ப்ரசோத³யாத் ॥
ஆகாஶாத்பதிதம் தோயம் யதா² க³ச்ச²தி ஸாக³ரம் । ஸர்வதே³வனமஸ்கார꞉ கேஶவம் ப்ரதிக³ச்ச²தி ॥
ஓம் ஶாந்திஶ்ஶாந்திஶ்ஶாந்தி꞉ ॥
மூலம்: Wikisource · CC BY-SA 4.0