அஸ்ய ஶ்ரீராமரக்ஷாஸ்தோத்ரமந்த்ரஸ்ய । பு³த⁴கௌஶிகருஷி꞉ । ஶ்ரீஸீதாராமசந்த்³ரோ தே³வதா । அனுஷ்டுப் ச்²ந்த³꞉ । ஸீதா ஶக்தி꞉ । ஶ்ரீமத்³ ஹனுமான் கீலகம் । ஶ்ரீராமசந்த்³ரப்ரீத்யர்தே² ஜபே வினியோக³꞉ । அத² த்⁴யானம் । த்⁴யாயேதா³ஜானுபா³ஹும் த்ரு⁴தஶரத⁴னுஷம் । ப³த்³த⁴பத்³மாஸனஸ்த²ம் । பீதம் வாஸோ வஸானம் நவகமலத³லஸ்பர்தி⁴னேத்ரம் ப்ரஸன்னம் । வாமாங்காரூட⁴ஸீதாமுக²கமலமிலல்லோசனம் நீரதா³ப⁴ம் । நானாலங்காரதீ³ப்தம் த³த⁴தமுருஜடாமண்ட³னம் ராமசந்த்³ரம் ॥
இதி த்⁴யானம் । சரிதம் ரகு⁴னாத²ஸ்ய ஶதகோடிப்ரவிஸ்தரம் । ஏகைகமக்ஷரம் பும்ஸாம் மஹாபாதகனாஶனம் ॥ 1 ॥
த்⁴யாத்வா நீலோத்பலஶ்யாமம் ராமம் ராஜீவலோசனம் । ஜானகீலக்ஷ்மணோபேதம் ஜடாமுகுடமண்டி³தம் ॥ 2 ॥
ஸாஸிதூணத⁴னுர்பா³ணபாணிம் நக்தம்சராந்தகம் । ஸ்வலீலயா ஜக³த்த்ராதுமாவிர்பூ⁴தமஜம் விபு⁴ம் ॥ 3 ॥
ராமரக்ஷாம் படே²த் ப்ராஜ்ஞ꞉ பாபக்⁴னீம் ஸர்வகாமதா³ம் । ஶிரோ மே ராக⁴வ꞉ பாது பா⁴லம் த³ஶரதா²த்மஜ꞉ ॥ 4 ॥
கௌஸல்யேயோ த்ரு³ஶௌ பாது விஶ்வாமித்ரப்ரிய꞉ ஶ்ருதீ । க்⁴ராணம் பாது மக²த்ராதா முக²ம் ஸௌமித்ரிவத்ஸல꞉ ॥ 5 ॥
ஜிஹ்வாம் வித்³யானிதி⁴꞉ பாது கண்ட²ம் ப⁴ரதவந்தி³த꞉ । ஸ்கந்தௌ⁴ தி³வ்யாயுத⁴꞉ பாது பு⁴ஜௌ ப⁴க்³னேஶகார்முக꞉ ॥ 6 ॥
கரௌ ஸீதாபதி꞉ பாது ஹ்ருத³யம் ஜாமத³க்³ன்யஜித் । மத்⁴யம் பாது க²ரத்⁴வம்ஸீ நாபி⁴ம் ஜாம்ப³வதா³ஶ்ரய꞉ ॥ 7 ॥
ஸுக்³ரீவேஶ꞉ கடீ பாது ஸக்தி²னீ ஹனுமத்ப்ரபு⁴꞉ । ஊரூ ரகூ⁴த்தம꞉ பாது ரக்ஷ꞉குலவினாஶக்ருத் ॥ 8 ॥
ஜானுனீ ஸேதுக்ருத் பாது ஜங்கே⁴ த³ஶமுகா²ந்தக꞉ । பாதௌ³ விபீ⁴ஷணஶ்ரீத³꞉ பாது ராமோகி²லம் வபு꞉ ॥ 9 ॥
ஏதாம் ராமப³லோபேதாம் ரக்ஷாம் ய꞉ ஸுக்ருதீ படே²த் । ஸ சிராயு꞉ ஸுகீ² புத்ரீ விஜயீ வினயீ ப⁴வேத் ॥ 10 ॥
பாதாலபூ⁴தலவ்யோம சாரிணஶ்ச²த்³மசாரிண꞉ । ந த்³ரஷ்டுமபி ஶக்தாஸ்தே ரக்ஷிதம் ராமனாமபி⁴꞉ ॥ 11 ॥
ராமேதி ராமப⁴த்³ரேதி ராமசந்த்³ரேதி வா ஸ்மரன் । நரோ ந லிப்யதே பாபைர்பு⁴க்திம் முக்திம் ச விந்த³தி ॥ 12 ॥
ஜக³ஜ்ஜைத்ரேகமந்த்ரேண ராமனாம்னாபி⁴ரக்ஷிதம் । ய꞉ கன்டே² தா⁴ரயேத்தஸ்ய கரஸ்தா²꞉ ஸர்வஸித்⁴த³ய꞉ ॥ 13 ॥
வஜ்ரபஞ்ஜரனாமேத³மம் யோ ராமகவசம் ஸ்மரேத் । அவ்யாஹதாஜ்ஞ꞉ ஸர்வத்ர லப⁴தே ஜயமங்க³ளம் ॥ 14 ॥
ஆதி³ஷ்டவான் யதா² ஸ்வப்னே ராமரக்ஷாமிமாம் ஹர꞉ । ததா² லிகி²தவான் ப்ராத꞉ ப்ரபு³த்³தோ⁴ பு³த⁴கௌஶிக꞉ ॥ 15 ॥
ஆராம꞉ கல்பவ்ருக்ஷாணாம் விராம꞉ ஸகலாபதா³ம் । அபி⁴ராமஸ்த்ரிலோகானாம் ராம꞉ ஶ்ரீமான் ஸ ந꞉ ப்ரபு⁴꞉ ॥ 16 ॥
தருணௌ ரூபஸம்பன்னௌ ஸுகுமாரௌ மஹாப³லௌ । புண்ட³ரீக விஶாலாக்ஷௌ சீரக்ருஷ்ணாஜினாம்ப³ரௌ ॥ 17 ॥
ப²லமூலாஶினௌ தா³ந்தௌ தாபஸௌ ப்³ரஹ்மசாரிணௌ । புத்ரௌ த³ஶரத²ஸ்யைதௌ ப்⁴ராதரௌ ராமலக்ஷ்மணௌ ॥ 18 ॥
ஶரண்யௌ ஸர்வஸத்வானாம் ஶ்ரேஷ்டௌ² ஸர்வத⁴னுஷ்மதாம் । ரக்ஷ꞉ குலனிஹந்தாரௌ த்ராயேதாம் நோ ரகூ⁴த்தமௌ ॥ 19 ॥
ஆத்தஸஜ்ஜத⁴னுஷாவிஷுஸ்ப்ருஶாவக்ஷயாஶுக³னிஷங்க³ஸங்கி³னௌ । ரக்ஷணாய மம் ராமலக்ஷ்மணாவக்³ரத꞉ பதி² ஸதை³வ க³ச்ச²தாம் ॥ 20 ॥
ஸம்னத்³த⁴꞉ கவசீ க²ட்³கீ³ சாபபா³ணத⁴ரோ யுவா । க³ச்ச²ன் மனோரதோ²ஸ்மாகம் ராம꞉ பாது ஸலக்ஷ்மண꞉ ॥ 21 ॥
ராமோ தா³ஶரதி²꞉ ஶூரோ லக்ஷ்மணானுசரோ ப³லீ । காகுத்ஸ்த²꞉ புருஷ꞉ பூர்ண꞉ கௌஸல்யேயோ ரகூ⁴த்தம꞉ ॥ 22 ॥
வேதா³ந்தவேத்³யோ யஜ்ஞேஶ꞉ புராணபுருஷோத்தம꞉ । ஜானகீவல்லப⁴꞉ ஶ்ரீமானப்ரமேயபராக்ரம꞉ ॥ 23 ॥
இத்யேதானி ஜபேன்னித்யம் மத்³ப⁴க்த꞉ ஶ்ரத்³த⁴யான்வித꞉ । அஶ்வமேதா⁴தி⁴கம் புண்யம் ஸம்ப்ராப்னோதி ந ஸம்ஶய꞉ ॥ 24 ॥
ராமம்தூ³ர்வாத³லஶ்யாமம் பத்³மாக்ஷம் பீதவாஸஸம் । ஸ்துவந்தி நாமபி⁴ர்தி³வ்யைர்ன தே ஸம்ஸாரிணோ நர꞉ ॥ 25 ॥
ராமம் லக்ஷ்மணபூர்வஜம் ரகு⁴வரம் ஸீதாபதிம் ஸுந்த³ரம் । காகுத்ஸ்த²ம் கருணார்ணவம் கு³ணனிதி⁴ம் விப்ரப்ரியம் தா⁴ர்மிகம் ॥
ராஜேந்த்³ரம் ஸத்யஸந்த⁴ம் த³ஶரத²தனயம் ஶ்யாமலம் ஶாந்தமூர்திம் । வந்தே³ லோகாபி⁴ராமம் ரகு⁴குலதிலகம் ராக⁴வம் ராவணாரிம் ॥ 26 ॥
ராமாய ராமப⁴த்³ராய ராமசந்த்³ராய வேத⁴ஸே । ரகு⁴னாதா²ய நாதா²ய ஸீதாயா꞉ பதயே நம꞉ ॥ 27 ॥
ஶ்ரீராம ராம ரகு⁴னந்த³ன ராம ராம । ஶ்ரீராம ராம ப⁴ரதாக்³ரஜ ராம ராம ॥
ஶ்ரீராம ராம ரணகர்கஶ ராம ராம । ஶ்ரீராம ராம ஶரணம் ப⁴வ ராம ராம ॥ 28 ॥
ஶ்ரீராமசந்த்³ரசரணௌ மனஸா ஸ்மராமி । ஶ்ரீராமசந்த்³ரசரணௌ வசஸா க்ரு³ணாமி ॥
ஶ்ரீராமசந்த்³ரசரணௌ ஶிரஸா நமாமி । ஶ்ரீராமசந்த்³ரசரணௌ ஶரணம் ப்ரபத்³யே ॥ 29 ॥
மாதா ராமோ மத்பிதா ராமசந்த்³ர꞉ । ஸ்வாமீ ராமோ மத்ஸகா² ராமசந்த்³ர꞉ ॥
ஸர்வஸ்வம் மே ராமசந்த்³ரோ த³யாலு꞉ । நான்யம் ஜானே நைவ ஜானே ந ஜானே ॥ 30 ॥
த³க்ஷிணே லக்ஷ்மணோ யஸ்ய வாமே து ஜனகாத்மஜா । புரதோ மாருதிர்யஸ்ய தம் வந்தே³ ரகு⁴னந்த³னம் ॥ 31 ॥
லோகாபி⁴ராமம் ரணரங்க³தீ⁴ரம் ராஜீவனேத்ரம் ரகு⁴வம்ஶனாத²ம் । காருண்யரூபம் கருணாகரம் தம் ஶ்ரீராமசந்த்³ரம் ஶரணம் ப்ரபத்³யே ॥ 32 ॥
மனோஜவம் மாருததுல்யவேக³ம் ஜிதேந்த்³ரியம் பு³த்³தி⁴மதாம் வரிஷ்ட²ம் । வாதாத்மஜம் வானரயூத²முக்²யம் ஶ்ரீராமதூ³தம் ஶரணம் ப்ரபத்³யே ॥ 33 ॥
கூஜந்தம் ராமராமேதி மது⁴ரம் மது⁴ராக்ஷரம் । ஆருஹ்ய கவிதாஶாகா²ம் வந்தே³ வால்மீகிகோகிலம் ॥ 34 ॥
ஆபதா³மபஹர்தாரம் தா³தாரம் ஸர்வஸம்பதா³ம் । லோகாபி⁴ராமம் ஶ்ரீராமம் பூ⁴யோ பூ⁴யோ நமாம்யஹம் ॥ 35 ॥
ப⁴ர்ஜனம் ப⁴வபீ³ஜானாமர்ஜனம் ஸுக²ஸம்பதா³ம் । தர்ஜனம் யமதூ³தானாம் ராமராமேதி க³ர்ஜனம் ॥ 36 ॥
ராமோ ராஜமணி꞉ ஸதா³ விஜயதே ராமம் ரமேஶம் ப⁴ஜே । ராமேணாபி⁴ஹதா நிஶாசரசமூ ராமாய தஸ்மை நம꞉ ॥
ராமான்னாஸ்தி பராயணம் பரதரம் ராமஸ்ய தா³ஸோஸ்ம்யஹம் । ராமே சித்தலய꞉ ஸதா³ ப⁴வது மே போ⁴ ராம மாமுத்³த⁴ர ॥ 37 ॥
ராமராமேதி ராமேதி ரமே ராமே மனோரமே । ஸஹஸ்த்ரனாமதத்துல்யம் ராமனாம வரானனே ॥ 38 ॥
இதி ஶ்ரீபு³த⁴கௌஶிகவிரசிதம் ஶ்ரீராமரக்ஷாஸ்த்ரோத்ரம் ஸம்பூர்ணம் ।
மூலம்: Wikisource · CC BY-SA 4.0