முகப்பு › மந்திரங்கள் › ஶிவதாண்ட³வஸ்தோத்ரம்

ஶிவதாண்ட³வஸ்தோத்ரம்

ஸ்தோத்திரங்கள் · 20 ஸ்லோகங்கள்

॥அத² ஸுஸம்ஶுத்³த⁴ம் ராவணக்ருதஶிவதாண்ட³வஸ்தோத்ரம்॥

॥ஶ்ரீக³ணேஶாய நம꞉॥

ஜடாடவீக³லஜ்ஜலப்ரவாஹபாவிதஸ்த²லே க³லேவலம்ப்³ய லம்பி³தாம் பு⁴ஜங்க³துங்க³மாலிகாம்। ட³மட்³ட³மட்³ட³மட்³ட³மன்னினாத³வட்³ட³மர்வயம் சகார சண்ட³தாண்ட³வம் தனோது ந꞉ ஶிவ꞉ ஶிவம் ॥ 1 ॥

ஜடாகடாஹஸம்ப்⁴ரமப்⁴ரமன்னிலிம்பனிர்ஜ²ரீவிலோலவீசிவல்லரீவிராஜமானமூர்த்³த⁴னி। த⁴க³த்³த⁴க³த்³த⁴க³ஜ்ஜ்வலல்லலாடபட்டபாவகே கிஶோரசந்த்³ரஶேக²ரே ரதி꞉ ப்ரதிக்ஷணம் மம ॥ 2 ॥

த⁴ராத⁴ரேந்த்³ரனந்தி³னீவிலாஸப³ந்து⁴ப³ந்து⁴ரஸ்பு²ரத்³தி³க³ந்தஸந்ததிப்ரமோத³மானமானஸே। க்ருபாகடாக்ஷதோ⁴ரணீனிருத்³த⁴து³ர்த⁴ராபதி³ க்வசித்³தி³க³ம்ப³ரே மனோ வினோத³மேது வஸ்துனி ॥ 3 ॥

ஜடாபு⁴ஜங்க³பிங்க³லஸ்பு²ரத்ப²ணாமணிப்ரபா⁴கத³ம்ப³குங்குமத்³ரவப்ரலிப்ததி³க்³வதூ⁴முகே²। மதா³ந்த⁴ஸிந்து⁴ராஸுரத்வகு³த்தரீயமேது³ரே மனோ வினோத³மத்³பு⁴தம் பி³ப⁴ர்து பூ⁴தப⁴ர்தரி ॥ 4 ॥

ஸஹஸ்ரலோசனப்ரப்ரு⁴த்யஶேஷலேக²ஶேக²ரப்ரஸூனதூ⁴லிதோ⁴ரணீவிதூ⁴ஸராங்க்⁴ரிபீட²பூ⁴꞉। பு⁴ஜங்க³ராஜமாலயா நிப³த்³த⁴ஜாடஜூடக꞉ ஶ்ரியே சிராய ஜாயதாம் சகோரப³ந்து⁴ஶேக²ர꞉ ॥ 5 ॥

லலாடசத்வரஜ்வலத்³த⁴னஞ்ஜயஸ்பு²லிங்க³பா⁴னிபீதபஞ்சஸாயகம் நமன்னிலிம்பனாயகம்। ஸுதா⁴மயூக²லேக²யா விராஜமானஶேக²ரம் மஹ꞉ கபாலி ஸம்பதே³ ஸரிஜ்ஜடாலமஸ்து ந꞉ ॥ 6 ॥

கராலபா⁴லபட்டிகாத⁴க³த்³த⁴க³த்³த⁴க³ஜ்ஜ்வலத்³த⁴னஞ்ஜயாஹுதீக்ருதப்ரசண்ட³பஞ்சஸாயகே। த⁴ராத⁴ரேந்த்³ரனந்தி³னீகுசாக்³ரசித்ரபத்ரகப்ரகல்பனைகஶில்பினி த்ரிலோசனே ரதிர்மம ॥ 7 ॥

நவீனமேக⁴மண்ட³லீனிருத்³த⁴து³ர்த⁴ரஸ்பு²ரத்குஹூனிஶீதி²னீதம꞉ப்ரப³ந்த⁴ப³த்³த⁴கந்த⁴ர꞉। நிலிம்பனிர்ஜ²ரீத⁴ரஸ்தனோது க்ருத்திஸிந்து⁴ர꞉ கலானிதா⁴னப³ந்து⁴ர꞉ ஶ்ரியம் ஜக³த்³து⁴ரந்த⁴ர꞉ ॥ 8 ॥

ப்ரபு²ல்லனீலபங்கஜப்ரபஞ்சகாலிமப்ரபா⁴வலம்பி³கண்ட²கந்த³லீருசிப்ரப³த்³த⁴கந்த⁴ரம்। ஸ்மரச்சி²த³ம் புரச்சி²த³ம் ப⁴வச்சி²த³ம் மக²ச்சி²த³ம் க³ஜச்சி²தா³ந்த⁴கச்சி²த³ம் தமந்தகச்சி²த³ம் ப⁴ஜே ॥ 9 ॥

அக²ர்வஸர்வமங்க³ளாகலாகத³ம்ப³மஞ்ஜரீரஸப்ரவாஹமாது⁴ரீவிஜ்ரும்ப⁴ணாமது⁴வ்ரதம்। ஸ்மராந்தகம் புராந்தகம் ப⁴வாந்தகம் மகா²ந்தகம் க³ஜாந்தகாந்த⁴காந்தகம் தமந்தகாந்தகம் ப⁴ஜே ॥ 10 ॥

ஜயத்வத³ப்⁴ரவிப்⁴ரமப்⁴ரமத்³பு⁴ஜங்க³மஶ்வஸத்³வினிர்க³மத்க்ரமஸ்பு²ரத்கராலபா⁴லஹவ்யவாட்। தி⁴மித்³தி⁴மித்³தி⁴மித்³த்⁴வனன்ம்ருத³ங்க³துங்க³மங்க³ளத்⁴வனிக்ரமப்ரவர்திதப்ரசண்ட³தாண்ட³வ꞉ ஶிவ꞉ ॥ 11 ॥

த்ரு³ஷத்³விசித்ரதல்பயோர்பு⁴ஜங்க³மௌக்திகஸ்ரஜோர்க³ரிஷ்ட²ரத்னலோஷ்ட²யோ꞉ ஸுஹ்ருத்³விபக்ஷபக்ஷயோ꞉। த்ருணாரவிந்த³சக்ஷுஷோ꞉ ப்ரஜாமஹீமஹேந்த்³ரயோ꞉ ஸமப்ரவ்ருத்திக꞉ கதா³ ஸதா³ஶிவம் ப⁴ஜாம்யஹம் ॥ 12 ॥

கதா³ நிலிம்பனிர்ஜ²ரீனிகுஞ்ஜகோடரே வஸன் விமுக்தது³ர்மதி꞉ ஸதா³ ஶிர꞉ஸ்த²மஞ்ஜலிம் வஹன்। விமுக்தலோலலோசனாலலாமபா⁴லலக்³னகம் ஶிவேதி மந்த்ரமுச்சரன் கதா³ ஸுகீ² ப⁴வாம்யஹம் ॥ 13 ॥

நிலிம்பனாத²னாக³ரீகத³ம்ப³மௌலமல்லிகானிகு³ம்ப²னிர்ப⁴ரக்ஷரன்மதூ⁴ஷ்ணிகாமனோஹர꞉। தனோது நோ மனோமுத³ம் வினோதி³னீமஹர்னிஶம் பரஶ்ரிய꞉ பரம் பத³ம் தத³ங்க³ஜத்விஷாம் சய꞉ ॥ 14 ॥

ப்ரசண்ட³வாட³வானலப்ரபா⁴ஶுப⁴ப்ரசாரணீ மஹாஷ்டஸித்³தி⁴காமினீஜனாவஹூதஜல்பனா। விமுக்தவாமலோசனாவிவாஹகாலிகத்⁴வனி꞉ ஶிவேதி மந்த்ரபூ⁴ஷணா ஜக³ஜ்ஜயாய ஜாயதாம் ॥ 15 ॥

இமம் ஹி நித்யமேவமுக்தமுத்தமோத்தமம் ஸ்தவம் பட²ன்ஸ்மரன்ப்³ருவன்னரோ விஶுத்³தி⁴மேதிஸந்ததம்। ஹரே கு³ரௌ ஸுப⁴க்திமாஶு யாதி நான்யதா² க³திம் விமோஹனம் ஹி தே³ஹினாம் ஸுஶங்கரஸ்ய சிந்தனம் ॥ 16 ॥

பூஜாவஸானஸமயே த³ஶவக்த்ரகீ³தம் ய꞉ ஶம்பு⁴பூஜனபரம் பட²தி ப்ரதோ³ஷே। தஸ்ய ஸ்தி²ராம் ரத²க³ஜேந்த்³ரதுரங்க³யுக்தாம் லக்ஷ்மீம் ப்ரஸாத³ஸமயே ப்ரத³தா³தி ஶம்பு⁴꞉ ॥

॥ இதி ராவணக்ருதம் ஶிவதாண்ட³வஸ்தோத்ரம் ஸம்பூர்ணம் ॥

மூலம்: Wikisource · CC BY-SA 4.0

உங்கள் கருத்தை அனுப்புங்கள்

எதை மேம்படுத்த வேண்டும், எது தவறு, அல்லது உங்களுக்கு எது பிடித்தது என்று சொல்லுங்கள். ஒவ்வொரு செய்தியையும் நாங்கள் படிக்கிறோம்.

எதைப் பற்றி
சங்க் உங்களுக்கு எவ்வளவு பயனுள்ளது? (விருப்பம்)