హోమ్ › వేద మంత్రాలు › అచ్యుతాష్టకమ్

అచ్యుతాష్టకమ్

స్తోత్రాలు · 10 శ్లోకాలు

అచ్యుతం కేశవం రామనారాయణం కృష్ణదామోదరం వాసుదేవం హరిమ్ ॥ శ్రీధరం మాధవం గోపికావల్లభం జానకీనాయకం రామచంద్రం భజే ॥ ౧ ॥

అచ్యుతం కేశవం సత్యభామాధవం మాధవం శ్రీధరం రాధికారాధితమ్ ॥ ఇందిరామందిరం చేతసా సుందరం దేవకీనందనం నందనం సందధే ॥ ౨ ॥

విష్ణవే జిష్ణవే శంఖినే చక్రిణే రుక్మిణీరాగిణే జానకీజానయే ॥ వల్లవీవల్లభాయాఽర్చితాయాత్మనే కంసవిధ్వంసినే వంశినే తే నమః ॥ ౩ ॥

కృష్ణ గోవింద హే రామ నారాయణ శ్రీపతే వాసుదేవాజిత శ్రీనిధే ॥ అచ్యుతానంత హే మాధవాధోక్షజ ద్వారకానాయక ద్రౌపదీరక్షక ॥ ౪ ॥

రాక్షసక్షోభితః సీతయా శోభితో దండకారణ్యభూపుణ్యతాకారణః ॥ లక్ష్మణేనాన్వితో వానరైః సేవితోఽ గస్త్యసంపూజితో రాఘవః పాతు మామ్ ॥ ౫ ॥

ధేనుకారిష్టకోఽనిష్టకృద్ద్వేషిణాం కేశిహా కంసహృద్వంశికావాదకః ॥ పూతనాకోపకః సూరజాఖేలనో బాలగోపాలకః పాతు మామ్ సర్వదా ॥ ౬ ॥

విద్యుదుద్యోతవానప్రస్ఫురద్వాససం ప్రావృడంభోదవత్ప్రోల్లసద్విగ్రహమ్ ॥ వన్యయా మాలయా శోభితోరఃస్థలం లోహితాంఘ్రిద్వయం వారిజాక్షం భజే ॥ ౭ ॥

కుంచితైః కుంతలైర్భ్రాజమానాననం రత్నమౌలిం లసత్ కుండలం గండయోః ॥ హారకేయూరకం కంకణప్రోజ్జ్వలం కింకిణీమంజులం శ్యామలం తం భజే ॥ ౮ ॥

అచ్యుతస్యాష్టకం యః పఠేదిష్టదం ప్రేమతః ప్రత్యహం పూరుషః సస్పృహమ్ । వృత్తతః సుందరం కర్తృ విశ్వంభరం తస్య వశ్యో హరిర్జాయతే సత్వరమ్ ॥ ౯ ॥

॥ ఇతి శ్రీశంకరాచార్యవిరచితమచ్యుతాష్టకం సంపూర్ణమ్ ॥

మూలం: Wikisource · CC BY-SA 4.0

మీ అభిప్రాయం పంపండి

ఏమి మెరుగుపరచాలో, ఏది తప్పుగా ఉందో, లేదా మీకు ఏది నచ్చిందో చెప్పండి. ప్రతి సందేశాన్నీ మేము చదువుతాం.

దేని గురించి
శంఖ్ మీకు ఎంత ఉపయోగపడుతోంది? (ఐచ్ఛికం)