హోమ్ › వేద మంత్రాలు › అన్నపూర్ణాస్తోత్రమ్

అన్నపూర్ణాస్తోత్రమ్

స్తోత్రాలు · 17 శ్లోకాలు

॥ అన్నపూర్ణాస్తోత్రమ్ ॥

నిత్యానందకరీ వరాభయకరీ సౌందర్యరత్నాకరీ నిర్ధూతాఖిలఘోరపావనకరీ ప్రత్యక్షమాహేశ్వరీ । ప్రాలేయాచలవంశపావనకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౧ ॥

నానారత్నవిచిత్రభూషణకరీ హేమాంబరాడంబరీ ముక్తాహారవిలంబమానవిలసద్వక్షోజకుంభాంతరీ । కాశ్మీరాగురూవాసితా రుచికరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౨ ॥

యోగానందకరీ రిపుక్షయకరీ ధర్మాథనిష్ఠాకరీ చంద్రార్కానలభాసమానలహరీ త్రైలోక్యరక్షాకరీ । సర్వైశ్వర్యసమస్తవాంఛనకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౩ ॥

కైలాసాచలకందరాలయకరీ గౌరీ ఉమాశంకరీ కౌమారీ నిగమార్థగోచరకరీ ఓంకారబీజాక్షరీ । మోక్షద్వారకపాటపాటనకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౪ ॥

దృశ్యాదృశ్యవిభూతవాహనకరీ బ్రహ్మాండభాండోదరీ లీలానాటకసూత్రభేదనకరీ విజ్ఞానదీపాంకురీ । శ్రీవిశ్వేశమనఃప్రసాదనకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౫ ॥

ఉర్వీ సర్వజనేశ్వరీ భగవతీ మాతాన్నపూర్ణేశ్వరీ వేణీనీలసమానకుంతలహరీ నిత్యాన్నదానేశ్వరీ । సర్వానందకరీ సదాశుభకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౬ ॥

ఆదిక్షాంతిసమస్తవర్ణనకరీ శంభోస్త్రిభావాకరీ కాశ్మీరాత్రిపురేశ్వరీ త్రినయనీ నిత్యాంకురా శర్వరీ । కామాకాంక్షకరీ జనోదయకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౭ ॥

దేవీ సర్వవిచిత్రరత్నరచితా దాక్షాయణీ సుందరీ వామా స్వాదుపయోగధరప్రియకరీ సౌభాగ్యమాహేశ్వరీ । భక్తాభీష్టకరీ దశాశుభహరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౮ ॥

చంద్రార్కాలయకోటికోటిసదృశా చంద్రాంశుబింబాధరీ చంద్రార్కాగ్నిసమానకుండలధరీ చంద్రార్కవర్ణేశ్వరీ । మాలాపుస్తకపాశసాంకుశధరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౯ ॥

క్షత్రత్రాణకరీ మహాఽభయకరీ మాతా కృపాసాగరీ సాక్షాన్మోక్షకరీ సదా శివకరీ విశ్వేశ్వరీ శ్రీధరీ । దక్షాక్రందకరీ నిరామయకరీ కాశీపురాధీశ్వరీ భిక్షాం దేహి కృపావలంబనకరీ మాతాన్నపూర్ణేశ్వరీ ॥ ౧౦ ॥

భగవతి భవరోగాత్పీడితం దుష్కృతోత్థాత్ సుతదుహితృకలత్రోపద్రవేణానుయాతమ్ । విలసదమృతదృష్ట్యా వీక్ష్య విభ్రాంతచిత్తం సకలభువనమాతస్త్రాహి మామోం నమస్తే ॥ ౧౧ ॥

మాహేశ్వరీమాశ్రితకల్పవల్లీమహంభవోచ్ఛేదకరీం భవానీంమ్ । క్షుధార్తజాయాతనయాద్యుపేతస్త్వామన్నపూర్ణే శరణం ప్రపద్యే ॥ ౧౨ ॥

దారిద్ర్యదావానలదహ్యమానం పాహ్యన్నపూర్ణే గిరిరాజకన్యే । కృపాంబుధౌ మజ్జయ మాం త్వదీయే త్వత్పాదపద్మార్పితచిత్తవృత్తిమ్ ॥ ౧౩ ॥

అన్నపూర్ణే సదా పూర్ణే శంకరప్రాణవల్లభే । జ్ఞానవైరాగ్యసిద్ధ్యర్థం భిక్షాం దేహి చ పార్వతి ॥ ౧౪ ॥

మాతా చ పార్వతీ దేవీ పితా దేవో మహేశ్వరః । బాంధవాః శివభక్తాశ్చ స్వేదేశో భువనత్రయమ్ ॥ ౧౫ ॥

ఇతి శ్రీమచ్ఛంకరాచార్యవిరచితమన్నపూర్ణాస్తోత్రం సంపూర్ణమ్ ।

మూలం: Wikisource · CC BY-SA 4.0

మీ అభిప్రాయం పంపండి

ఏమి మెరుగుపరచాలో, ఏది తప్పుగా ఉందో, లేదా మీకు ఏది నచ్చిందో చెప్పండి. ప్రతి సందేశాన్నీ మేము చదువుతాం.

దేని గురించి
శంఖ్ మీకు ఎంత ఉపయోగపడుతోంది? (ఐచ్ఛికం)