శ్రీమదాంజనేయాష్టోత్తరశతనామస్తోత్రమ్
అష్టోత్తర శతనామాలు (108 నామాలు) · 25 శ్లోకాలు
॥ శ్రీమదాంజనేయాష్టోత్తరశతనామస్తోత్రమ్ కాలికారహస్యతః ॥
ఆంజనేయో మహావీరో హనుమాన్మారుతాత్మజః । తత్వజ్ఞానప్రదః సీతాదేవీముద్రాప్రదాయకః ॥ ౧ ॥
అశోకవనికాచ్ఛేత్తా సర్వమాయావిభంజనః । సర్వబంధవిమోక్తా చ రక్షోవిధ్వంసకారకః ॥ ౨ ॥
పరవిద్యాపరీహారః పరశౌర్యవినాశనః । పరమంత్రనిరాకర్తా పరయంత్రప్రభేదకః ॥ ౩ ॥
సర్వగ్రహవినాశీ చ భీమసేనసహాయకృత్ । సర్వదుఃఖహరః సర్వలోకచారీ మనోజవః ॥ ౪ ॥
పారిజాతద్రుమూలస్థః సర్వమంత్రస్వరూపవాన్ । సర్వతంత్రస్వరూపీ చ సర్వయంత్రాత్మకస్తథా ॥ ౫ ॥
కపీశ్వరో మహాకాయః సర్వరోగహరః ప్రభుః । బలసిద్ధికరః సర్వవిద్యాసంపత్ప్రదాయకః ॥ ౬ ॥
కపిసేనానాయకశ్చ భవిష్యచ్చతురాననః । కుమారబ్రహ్మచారీ చ రత్నకుండలదీప్తిమాన్ ॥ ౭ ॥
సంచలద్వాలసన్నద్ధలంబమానశిఖోజ్జ్వలః । గంధర్వవిద్యాతత్త్వజ్ఞో మహాబలపరాక్రమః ॥ ౮ ॥
కారాగృహవిమోక్తా చ శృంఖలాబంధమోచకః । సాగరోత్తారకః ప్రాజ్ఞో రామదూతః ప్రతాపవాన్ ॥ ౯ ॥
వానరః కేసరిసుతః సీతాశోకనివారకః । అంజనాగర్భసంభూతో బాలార్కసదృశాననః ॥ ౧౦ ॥
విభీషణప్రియకరో దశగ్రీవకులాంతకః । లక్ష్మణప్రాణదాతా చ వజ్రకాయో మహాద్యుతిః ॥ ౧౧ ॥
చిరంజీవీ రామభక్తో దైత్యకార్యవిఘాతకః । అక్షహంతా కాంచనాభః పంచవక్త్రో మహాతపాః ॥ ౧౨ ॥
లంకిణీభంజనః శ్రీమాన్ సింహికాప్రాణభంజనః । గంధమాదనశైలస్థో లంకాపురవిదాహకః ॥ ౧౩ ॥
సుగ్రీవసచివో ధీరః శూరో దైత్యకులాంతకః । సురార్చితో మహాతేజా రామచూడామణిప్రదః ॥ ౧౪ ॥
కామరూపీ పింగలాక్షో వార్ధిమైనాకపూజితః । కబలీకృతమార్తండమండలో విజితేందిర్యః ॥ ౧౫ ॥
రామసుగ్రీవసంధాతా మహారావణమర్దనః । స్ఫటికాభో వాగధీశో నవవ్యాకృతిపండితః ॥ ౧౬ ॥
చతుర్బాహుర్దీనబంధుర్మహాత్మా భక్తవత్సలః । సంజీవననగాహర్తా శుచిర్వాగ్మీ దృఢవ్రతః ॥ ౧౭ ॥
కాలనేమిప్రమథనో హరిమర్కటమర్కటః । దాంతః శాంతః ప్రసన్నాత్మా శతకంఠమదాపహృత్ ॥ ౧౮ ॥
యోగీ రామకథాలోలః సీతాన్వేషణపండితః । వజ్రదంష్ట్రో వజ్రనఖో రుద్రవీర్యసముద్భవః ॥ ౧౯ ॥
ఇంద్రజిత్ప్రహితామోఘబ్రహ్మాస్త్రవినివారకః । పార్థధ్వజాగ్రసంవాసీ శరపంజరభేదకః ॥ ౨౦ ॥
దశబాహులోర్కపూజ్యో జాంబవత్ప్రీతి వర్ధనః । సీతాసమేత శ్రీరామభద్రపూజాధురంధరః ॥ ౨౧ ॥
ఇత్యేవం శ్రీహనుమతో నామ్నామష్టోత్తరం శతమ్ ॥
యః పఠేచ్ఛృణుయాన్నిత్యం సర్వాన్కామానవాప్నుయాత్ ॥ ౨౨ ॥
॥ ఇతి శ్రీమదాంజనేయాష్టోత్తరశతనామస్తోత్రం సంపూర్ణమ్ ॥
మూలం: Wikisource · CC BY-SA 4.0