అధరం మధురం వదనం మధురం, నయనం మధురం హసితం మధురమ్ । హృదయం మధురం, గమనం మధురం, మధురాధిపతేరఖిలం మధురమ్ ॥ ౧ ॥
వసనం మధురం, చరితం మధురం, వచనం మధురం వలితం మధురమ్, చలితం మధురం, భ్రమితం మధురం, మధురాధిపతేరఖిలం మధురమ్॥ ౨ ॥
వేణర్మధురో రేణుర్మధురః పాణిర్మధురః పాదౌ మధురౌ, నృత్యం మధురం సఖ్యం మధురం మధురాధిపతేరఖిలం మధురమ్ ॥ ౩ ॥
గీతం మధురం పీతం మధురం, భుక్తం మధురం సుప్తం మధురమ్, రూపం మధురం తిలకం మధురం మధురాధిపతేరఖిలం మధురమ్ ॥ ౪ ॥
కరణం మధురం, తరణం మధురం, హరణం మధురం, రమణం మధురమ్, వమితం మధురం, శమితం మధురం, మధురాధిపతేరఖిలం మధురమ్ ॥ ౫ ॥
గుంజా మధురా మాలా మధురా యమునా మధురా వీచీ మధురా, సలిలం మధురం, కమలం మధురం మధురాధిపతేరఖిలం మధురమ్ ॥ ౬ ॥
గోపీ మధురా లీలా మధురా, రాధా మధురా మిలనం మధురమ్, దృష్టం మధురం శిష్టం మధురం మధురాధిపతేరఖిలం మధురమ్ ॥ ౭ ॥
గోపా మధురా గావో మధురా, యష్టిర్మధురా సృష్టిర్మధురా, దలితం మధురం, ఫలితం మధురం, మధురాధిపతేరఖిలం మధురమ్ ॥ ౮ ॥
॥ ఇతి శ్రీమద్వల్లాభాచార్య విరచిత మధురాష్టకం సంపూర్ణం ॥
॥ శ్రీకృష్ణార్పణమస్తు ॥
మూలం: Wikisource · CC BY-SA 4.0