మంత్రపుష్పమ్ (తైత్తిరీయమ్)
మంత్రాలు · తైత్తిరీయ ఆరణ్యకం (కృష్ణ యజుర్వేదం) · 28 శ్లోకాలు
ఓం ధాతా పురస్తాద్యముదాజహార । శక్రః ప్రవిద్వాన్ప్రదిశశ్చతస్రః । తమేవం విద్వానమృత ఇహ భవతి । నాన్యః పంథా అయనాయ విద్యతే ॥
ఓం సహస్రశీర్షం దేవం విశ్వాక్షం విశ్వశంభువమ్ । విశ్వం నారాయణం దేవమక్షరం పరమం పదమ్ । విశ్వతః పరమాన్నిత్యం విశ్వం నారాయణగ్గ్ం హరిమ్ । విశ్వమేవేదం పురుషస్తద్విశ్వముపజీవతి ॥
పతిం విశ్వస్యాత్మేశ్వరగ్గ్ం శాశ్వతగ్గ్ం శివమచ్యుతమ్ । నారాయణం మహాజ్ఞేయం విశ్వాత్మానం పరాయణమ్ । నారాయణః పరో జ్యోతిరాత్మా నారాయణః పరః । నారాయణః పరం బ్రహ్మ తత్త్వం నారాయణః పరః ॥
నారాయణః పరో ధ్యాతా ధ్యానం నారాయణః పరః । యచ్చ కించిజ్జగత్సర్వం దృశ్యతే శ్రూయతేఽపి వా । అంతర్బహిశ్చ తత్సర్వం వ్యాప్య నారాయణస్స్థితః । అనంతమవ్యయం కవిగ్గ్ం సముద్రేఽంతం విశ్వశంభువమ్ ॥
పద్మకోశప్రతీకాశగ్గ్ం హృదయం చాప్యధోముఖమ్ । అధో నిష్ట్యా వితస్త్యాంతే నాభ్యాముపరి తిష్ఠతి । జ్వాలమాలాకులం భాతీ విశ్వస్యాయతనం మహత్ । సంతతగ్గ్ం సిరాభిస్తు లంబత్యాకోశసన్నిభమ్ ॥
తస్యాంతే సుషిరగ్గ్ం సూక్ష్మం తస్మిన్ సర్వం ప్రతిష్ఠితమ్ । తస్య మధ్యే మహానగ్నిర్విశ్వార్చిర్విశ్వతోముఖః । సోఽగ్రభుగ్విభజంతిష్ఠన్నాహారమజరః కవిః । తిర్యగూర్ధ్వమధశ్శాయీ రశ్మయస్తస్య సంతతా ॥
సంతాపయతి స్వం దేహమాపాదతలమస్తకః । తస్య మధ్యే వహ్నిశిఖా అణీయోర్ధ్వా వ్యవస్థితా । నీలతోయదమధ్యస్థా విద్యుల్లేఖేవ భాస్వరా । నీవారశూకవత్తన్వీ పీతా భాస్వత్యణూపమా ॥
తస్యాశ్శిఖాయా మధ్యే పరమాత్మా వ్యవస్థితః । స బ్రహ్మ స శివస్స హరిస్సేంద్రస్సోఽక్షరః పరమః స్వరాట్ ॥
యోఽపాం పుష్పం వేద । పుష్పవాన్ప్రజావాన్పశుమాన్భవతి । చంద్రమా వా అపాం పుష్పమ్ । పుష్పవాన్ప్రజావాన్పశుమాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । అగ్నిర్వా అపామాయతనమ్ । ఆయతనవాన్భవతి । యోఽగ్నేరాయతనం వేద । ఆయతనవాన్భవతి । ఆపో వా అగ్నేరాయతనమ్ । ఆయతనవాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । వాయుర్వా అపామాయతనమ్ । ఆయతనవాన్భవతి । యో వాయోరాయతనం వేద । ఆయతనవాన్భవతి । ఆపో వై వాయోరాయతనమ్ । ఆయతనవాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । అసౌ వై తపన్నపామాయతనమ్ । ఆయతనవాన్భవతి । యోఽముష్య తపత ఆయతనం వేద । ఆయతనవాన్భవతి । ఆపో వా అముష్య తపత ఆయతనమ్ । ఆయతనవాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । చంద్రమా వా అపామాయతనమ్ । ఆయతనవాన్భవతి । యశ్చంద్రమస ఆయతనం వేద । ఆయతనవాన్భవతి । ఆపో వై చంద్రమస ఆయతనమ్ । ఆయతనవాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । నక్షత్రాణి వా అపామాయతనమ్ । ఆయతనవాన్భవతి । యో నక్షత్రాణామాయతనం వేద । ఆయతనవాన్భవతి । ఆపో వై నక్షత్రాణామాయతనమ్ । ఆయతనవాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । పర్జన్యో వా అపామాయతనమ్ । ఆయతనవాన్భవతి । యః పర్జన్యస్యాయతనం వేద । ఆయతనవాన్భవతి । ఆపో వై పర్జన్యస్యాయతనమ్ । ఆయతనవాన్భవతి । య ఏవం వేద ॥
యోఽపామాయతనం వేద । ఆయతనవాన్భవతి । సంవత్సరో వా అపామాయతనమ్ । ఆయతనవాన్భవతి । యస్సంవత్సరస్యాయతనం వేద । ఆయతనవాన్భవతి । ఆపో వై సంవత్సరస్యాయతనమ్ । ఆయతనవాన్భవతి । య ఏవం వేద ॥
యోఽప్సు నావం ప్రతిష్ఠితాం వేద । ప్రత్యేవ తిష్ఠతి ॥
కిం తద్విష్ణోర్బలమాహుః । కా దీప్తిః కిం పరాయణమ్ । ఏకో యద్ధారయద్దేవః । రేజతీ రోదసీ ఉభే । వాతాద్విష్ణోర్బలమాహుః । అక్షరాద్దీప్తిరుచ్యతే । త్రిపదాద్ధారయద్దేవః । యద్విష్ణోరేకముత్తమమ్ ॥
రాజాధిరాజాయ ప్రసహ్యసాహినే । నమో వయం వైశ్రవణాయ కుర్మహే । స మే కామాన్కామకామాయ మహ్యమ్ । కామేశ్వరో వైశ్రవణో దదాతు । కుబేరాయ వైశ్రవణాయ । మహారాజాయ నమః ॥
ఓం తద్బ్రహ్మ । ఓం తద్వాయుః । ఓం తదాత్మా । ఓం తత్సత్యమ్ । ఓం తత్సర్వమ్ । ఓం తత్పురోర్నమః ॥
అంతశ్చరతి భూతేషు గుహాయాం విశ్వమూర్తిషు । త్వం యజ్ఞస్త్వం వషట్కారస్త్వమింద్రస్త్వగ్గ్ం రుద్రస్త్వం విష్ణుస్త్వం బ్రహ్మ త్వం ప్రజాపతిః । త్వం తదాప ఆపో జ్యోతీ రసోఽమృతం బ్రహ్మ భూర్భువస్సువరోమ్ ॥
ఈశానస్సర్వవిద్యానామీశ్వరస్సర్వభూతానాం । బ్రహ్మాధిపతిర్బ్రహ్మణోఽధిపతిర్బ్రహ్మా శివో మే అస్తు సదాశివోమ్ ॥
తద్విష్ణోః పరమం పదగ్గ్ం సదా పశ్యంతి సూరయః । దివీవ చక్షురాతతమ్ । తద్విప్రాసో విపన్యవో జాగృవాగ్గ్ంసస్సమింధతే । విష్ణోర్యత్పరమం పదమ్ ॥
ఋతగ్గ్ం సత్యం పరం బ్రహ్మ పురుషం కృష్ణపింగలమ్ । ఊర్ధ్వరేతం విరూపాక్షం విశ్వరూపాయ వై నమో నమః ॥
ఓం నారాయణాయ విద్మహే వాసుదేవాయ ధీమహి । తన్నో విష్ణుః ప్రచోదయాత్ ॥
మహాదేవ్యై చ విద్మహే విష్ణుపత్నీ చ ధీమహి । తన్నో లక్ష్మీః ప్రచోదయాత్ ॥
ఆకాశాత్పతితం తోయం యథా గచ్ఛతి సాగరమ్ । సర్వదేవనమస్కారః కేశవం ప్రతిగచ్ఛతి ॥
ఓం శాంతిశ్శాంతిశ్శాంతిః ॥
మూలం: Wikisource · CC BY-SA 4.0