॥మంత్రపుష్పాంజలిః॥
ఓం యజ్ఞేన యజ్ఞమయజంత దేవాస్తాని ధర్మాణి ప్రథమాన్యాసన్ । తే హ నాకం మహిమానః సచంత యత్ర పూర్వే సాధ్యాః సంతి దేవాః ॥
ఓం రాజాధిరాజాయ ప్రసహ్యసాహినే । నమో వయం వైశ్రవణాయ కుర్మహే । స మే కామాన్కామకామాయ మహ్యమ్ । కామేశ్వరో వైశ్రవణో దదాతు । కుబేరాయ వైశ్రవణాయ । మహారాజాయ నమః ॥
ఓం స్వస్తి । సామ్రాజ్యం భౌజ్యం స్వారాజ్యం వైరాజ్యం పారమేష్ఠ్యం రాజ్యం మహారాజ్యమాధిపత్యమయం సమంతపర్యాయీ స్యాత్సార్వభౌమః సార్వాయుష ఆంతాదాపరార్ధాత్ । పృథివ్యై సముద్రపర్యంతాయా ఏకరాళితి ॥
తదప్యేష శ్లోకోఽభిగీతో మరుతః పరివేష్టారో మరుత్తస్యావసన్గృహే । ఆవిక్షితస్య కామప్రేర్విశ్వేదేవాః సభాసద ఇతి ॥
ఓం విశ్వతశ్చక్షురుత విశ్వతోముఖో విశ్వతోబాహురుత విశ్వతస్పాత్ । సం బాహుభ్యాం ధమతి సం పతత్రైర్ద్యావాభూమీ జనయందేవ ఏకః ॥
మూలం: Wikisource · CC BY-SA 4.0