॥ అథ శివపంచాక్షరస్తోత్రమ్ ॥
నాగేంద్రహారాయ విలోచనాయ భస్మాంగరాగాయ మహేశ్వరాయ । నిత్యాయ శుద్ధాయ దిగంబరాయ తస్మై నకారాయ నమః శివాయ ॥
మందాకినీసలిలచందనచర్చితాయ నందీశ్వరప్రమథనాథమహేశ్వరాయ । మందారముఖ్యబహుపుష్పసుపూజితాయ తస్మై మకారాయ నమః శివాయ ॥
శివాయ గౌరీవదనాబ్జబృంద- సూర్యాయ దక్షాధ్వరనాశకాయ । శ్రీనీలకంఠాయ వృషధ్వజాయ తస్మై శికారాయ నమః శివాయ ॥
వసిష్ఠకుంభోద్భవగౌతమార్య- మునీంద్రదేవార్చితశేఖరాయ। చంద్రార్కవైశ్వానరలోచనాయ తస్మై వకారాయ నమః శివాయ ॥
యక్షస్వరూపాయ జటాఘరాయ పినాకహస్తాయ సనాతనాయ । దివ్యాయ దేవాయ దిగంబరాయ తస్మై యకారాయ నమః శివాయ ॥
పంచాక్షరమిదం పుణ్యం యః పఠేచ్ఛివసన్నిధౌ । శివలోకమవాప్నోతి శివేన సహ మోదతే ॥
॥ ఇతి శ్రీమచ్ఛంకరాచార్యవిరచితం శివపంచాక్షరస్తోత్రం సంపూర్ణమ్ ॥
మూలం: Wikisource · CC BY-SA 4.0