హోమ్ › వేద మంత్రాలు › శ్రీశివసహస్రనామస్తోత్రమ్ (మహాభారతమ్)

శ్రీశివసహస్రనామస్తోత్రమ్ (మహాభారతమ్)

సహస్రనామాలు (1000 నామాలు) · 184 శ్లోకాలు

॥ శ్రీశివసహస్రనామస్తోత్రమ్ ॥

వందే శంభుముమాపతిం సురగురుం వందే జగత్కారణం వందే పన్నగభూషణం మృగధరం వందే పశూనాం పతిమ్ । వందే సూర్యశశాంకవహ్నినయనం వందే ముకుందప్రియం వందే భక్తజనాశ్రయం చ వరదం వందే శివం శంకరమ్ వాసుదేవః- తతస్స ప్రయతో భూత్వా మమ తాత యుధిష్ఠిర । ప్రాంజలిః ప్రాహ విప్రర్షినామసంగ్రహమాదితః ॥

ఉపమన్యుః- బ్రహ్మప్రోక్తైర్ఋషిప్రోక్తైర్వేదవేదాంగసంభవైః। సర్వలోకేషు విఖ్యాతం స్తుత్యం స్తోష్యామి నామభిః॥

మహద్భిర్విహితైస్సత్యైస్సిద్ధైస్సర్వార్థసాధకైః। ఋషిణా తండినా భక్త్యా కృతైర్వేదకృతాత్మనా ॥

యథోక్తైస్సాధుభిః ఖ్యాతైర్మునిభిస్తత్త్వదర్శిభిః । ప్రవరం ప్రథమ స్వర్గ్యం సర్వభూతహితం శుభమ్ ॥

శ్రుతైస్సర్వత్ర జగతి బ్రహ్మలోకావతారితైః। సత్యైస్తత్పరమం బ్రహ్మ బ్రహ్మప్రోక్తైస్సనాతనమ్ ॥౫

వక్ష్యే యదుకులశ్రేష్ఠ శృణుష్వావహితో మమ । వరయైనం భవం దేవం భక్తస్వం పరమేశ్వరమ్ ॥౬

తేన తే శ్రావయిష్యామి యత్తద్బ్రహ్మ సనాతనమ్ । న శక్యం విస్తరాత్కృత్స్నం వక్తుం శర్వస్య కేనచిత్ ॥ ౭

యుక్తేనాపి విభూతీనామపి వర్షశతైరపి । యస్యాదిమధ్యమాంతాని గమ్యంతే న సురైరపి ॥౮

కస్తస్య శక్నుయాద్వక్తుం గుణాన్ కార్త్స్న్యేన మాధవ । కింతు దేవస్య మహతస్సంక్షిప్తార్థపదాక్షరమ్ ॥౯

శక్తితశ్చరితం వక్ష్యే ప్రసాదాత్తస్య ధీమతః। అప్రాప్య తు తతోఽనుజ్ఞాం న శక్యః స్తోతుమీశ్వరః ॥౧౦

యదా తేనాభ్యనుజ్ఞాతస్స్తుతో వై స తదా మయా । అనాదినిధనస్యాహం జగద్యోనేర్మహాత్మనః ॥౧౧

నామ్నాం కించిత్సముద్దేశం వక్ష్యామ్యవ్యక్తయోనినః । వరదస్య వరేణ్యస్య విశ్వరూపస్య ధీమతః ॥ ౧౨

శృణు నామ్నాం చయం కృష్ణ యదుక్తం పద్మయోనినా । దశనామసహస్రాణి యాన్యాహ ప్రపితామహః ॥ ౧౩

తాని నిర్మథ్య మనసా దధ్నో ఘృతమివోద్ధృతమ్ । గిరేస్సారం యథా హేమ పుష్పసారం యథా మధు ॥ ౧౪

ఘృతాత్సారం యథా మండం తథైతస్సారముద్ధృతమ్ । సర్వపాపాపహమిదం చతుర్వేదసమన్వితమ్ ॥ ౧౫

ప్రయత్నేనాధిగంతవ్యం ధార్ంయ చ ప్రయతాత్మనా । మాంగళ్యం పౌష్టికం చైవ రక్షోఘ్నం పావనం మహత్ ॥ ౧౬

ఇదం భక్తాయ దాతవ్యం శ్రద్ధయాఽనాస్తికాయ చ । నాశ్రద్దధానరూపాయ నాస్తికాయాజితాత్మనే ॥౧౭

యశ్చాభ్యసూయతే దేవం కారణాత్మానమీశ్వరమ్ । స కృష్ణ నరకం యాతి సహ పూర్వైస్సహాత్మజః ॥ ౧౮

ఇదం ధ్యానమిదం యోగమిదం ధ్యేయమనుత్తమమ్ । ఇదం జప్యమిదం జ్ఞానం రహస్యమిదముత్తమమ్ ॥౧౯

యం జ్ఞాత్వా హ్యంతకాలేఽపి గచ్ఛేత పరమాం గతిమ్ । పవిత్రం మంగళం మేధ్యం కల్యాణమిదముత్తమమ్ ॥౨౦

ఇదం బ్రహ్మా పురా కృత్వా సర్వలోకపితామహః । సర్వస్తవానాం రాజత్వే దివ్యానాం సమకల్పయత్ ॥ ౨౧

తదాప్రభృతి చైవాయమీశ్వరస్య మహాత్మనః । స్తవరాజ ఇతి ఖ్యాతో జగత్యమరపూజితః ॥ ౨౨

బ్రహ్మలోకాదయం స్వర్గే స్తవరాజోఽవతారితః। యతస్తండిః పురా ప్రాప తేన తండికృతోఽభవత్ ॥౨౩

స్వర్గాశ్చైవాత్ర భూలోకం తండినా హ్యవతారితః । సర్వమంగళమాంగల్యం సర్వపాపప్రణాశనమ్ ॥౨౪

నిగదిష్యే మహాబాహో స్తవానాముత్తమం స్తవమ్ । బ్రహ్మణామపి యద్బ్రహ్మ పరాణామపి యత్పరమ్ ॥౨౫

తేజసామపి యత్తేజస్తపసామపి యత్తపః । శాంతానామపి యశ్శాంతో ద్యుతీనామపి యా ద్యుతిః॥౨౬

దాంతానామపి యో దాంతో ధీమతామపి యా చ ధీః । దేవానామపి యో దేవ ఋషీణామపి యస్త్వృషిః ॥ ౨౭

యజ్ఞానామపి యో యజ్ఞశిశవానామపి యశ్శివః । రుద్రాణామపి యో రుద్రః ప్రభా ప్రభవతామపి ॥౨౮

యోగినామపి యో యోగీ కారణానాం చ కారణమ్ । యతో లోకాస్సంభవంతి న భవంతి యతః పునః॥ ౨౯

సర్వభూతాత్మభూతస్య హరస్యామితతేజసః । అష్టోత్తరసహస్రం తు నామ్నాం సర్వస్య మే శృణు ॥౩౦

యచ్ఛ్రుత్వా మనుజవ్యాఘ్ర సర్వాన్ కామానవాప్స్యసి । స్థిరః స్థాణుః ప్రభుర్భీమః ప్రవరో వరదో వరః ॥ ౩౧

సర్వాత్మా సర్వవిఖ్యాతః సర్వస్సర్వకరో భవః । జటీ చర్మీ శిఖండీ చ సర్వాంగస్సర్వభావనః ॥ ౩౨

హరశ్చ హరిణాక్షశ్వ సర్వభూతహరః ప్రభుః। ప్రవృత్తిశ్చ నివృత్తిశ్చ నియతశ్శాశ్వతో ధ్రువః ॥౩౩

శ్మశానవాసీ భగవాన్ ఖచరో గోచరోఽర్దనః । అభివాద్యో మహాకర్మా తపస్వీ భూతభావనః ॥౩౪

ఉన్మత్తవేషః ప్రచ్ఛన్నస్సర్వలోకప్రజాపతిః। మహారూపో మహాకాయో వృషరూపో మహాయశాః ॥౩౫

మహాత్మా సర్వభూతాత్మా విశ్వరూపో మహాహను । లోకపాలోఽంతర్హితాత్మా ప్రసాదో నీలలోహితః ॥౩౬

పవిత్రం చ మహాంశ్చైవ నియమో నియమాశ్రితః। సర్వకర్మా స్వయంభూత ఆదిరాదికరో నిధిః ॥౩౭

సహస్రాక్షో విశాలాక్షస్సోమో నక్షత్రసాధకః । చంద్రస్సూర్యశ్శనిః కేతుర్గ్రహో గ్రహపతిర్వరః ॥౩౮

ఆదిరంతో లయః కర్తా మృగబాణార్పణోఽనఘః । మహాతపా ఘోరతపా అదీనో దీనసాధకః ॥ ౩౯

సంవత్సరకరో మంత్రః ప్రమాణం పరమం తపః। యోగీ యోజ్యో మహాబీజో మహారేతా మహాబలః ॥ ౪౦

సువర్ణరేతాస్సర్వజ్ఞస్సుబీజో బీజవాహనః । దశబాహుస్స్వనిమిషో నీలకంఠ ఉమాపతిః॥౪౧

విశ్వరూపస్వయంశ్రేష్ఠో బలవీరో బలో గణః । గణకర్తా గణపతిర్దిగ్వాసాః కామ ఏవ చ ॥ ౪౨

మంత్రవిత్పరమో మంత్రః సర్వభావకరో హరః। కమండలుధరో ధన్వీ బాణహస్తః కపాలవాన్ ॥ ౪౩

అశనీ శతఘ్నీ ఖడ్గీ పట్టిశీ చాయుధీ మహాన్ । సువహస్తస్సురూపశ్చ తేజస్తేజస్కరో నిధిః ॥౪౪

ఉష్ణీషీ వ సువక్త్రశ్చ ఉదగ్రో వినతస్తథా । దీర్ఘశ్చ హరికేశశ్చ సుతీర్థః కృష్ణ ఏవ చ ॥౪౫

సృగాలరూపః సిద్ధార్థో ముండస్సర్వశుభంకరః । అజశ్చ బహురూపశ్చ గంగాధారీ కపర్ద్యపి ॥౪౬

ఊర్ధ్వరేతా ఊర్ధ్వలింగ ఊర్ధ్వశాయీ నభః స్థలః । త్రిజటశ్చీరవాసాశ్చ రుద్రస్సేనాపతిర్విభుః ॥౪౭

నక్తంచరోఽహశ్చరశ్చ తిగ్మమన్యుస్సువర్చసః । గజహా దైత్యహా కాలో లోకధాతా గుణాకరః॥ ౪౮

సింహశార్దూలరూపశ్చ వ్యాఘ్రచర్మాంబరావృతః । కాలయోగీ మహానాథస్సర్వకామశ్చతుష్పథః ॥౪౯

నిశాచరః ప్రేతరాజో భూతచారీ మహేశ్వరః। బహుభూతో బహుధరః స్వర్భానురమితో గతిః ॥౫౦

నృత్యప్రియో నిత్యనర్తో నర్తకస్సవలాలసః। మహాఘోరతపాశ్శూరో నిత్యోఽనీహో నిరాలయః॥ ౫౧

సహస్రహస్తో విజయో వ్యవసాయో హ్యతంద్రితః । అమర్షణోఽమర్షణాత్మా యజ్ఞహా కామనాశకః ॥ ౫౨

దక్షయాగాపహారీ చ సుసహో మధ్యమస్తథా । తేజోపహారీ బలహా ముదితోఽర్థోఽజితా వరః ॥ ౫౩

గంభీరఘోషో గంభీరో గంభీరబలవాహనః । న్యగ్రోధరూపో న్యగ్రోధవృక్షకర్ణస్థితిర్విభుః ॥ ౫౪

సుతీక్ష్ణదశనశ్చైవ మహాకాయో మహాననః । విష్వక్సేనో హరియజ్ఞస్సంయుగాపీడవాహనః ॥౫౫

తీక్ష్ణతాపశ్చ హర్యశ్వస్సహాయః కర్మకాలవిత్ । విష్ణుప్రసాదితో యజ్ఞస్సముద్రో బడబాముఖః ॥౫౬

హుతాశనసహాయశ్చ ప్రశాంతాత్మా హుతాశనః । ఉగ్రతేజా మహాతేజా జన్యో విజయకాలవిత్ ॥౫౭

జ్యోతిషామయనం సిద్ధిస్సర్వవిగ్రహ ఏవ చ । శిఖీ ముండీ జటీ జ్వాలీ మూర్తిజో మూర్ధగో బలీ ॥౫౮

వైష్ణవః ప్రజవీ తాళీ ఖేలీ కాలకటంకటః। నక్షత్రవిగ్రహమతిర్గుణబుద్ధిర్లయోఽగమః ॥ ౫౯

ప్రజాపతిర్విశ్వబాహుర్విభాగః సర్వతోముఖః। విమోచనస్సుమరణో హిరణ్యకవచోద్భవః ॥౬౦

మేఘజో బలచారీచ మహీచారీ స్తుతస్తథా । సర్వతూర్యవినోదీ చ సర్వవాద్యపరిగ్రహః ॥ ౬౧

వ్యాళరూపో గుహావాసీ గ్రహమాలీ తరంగవిత్ । త్రిదశః కాలదృక్కర్మసర్వబంధవిమోచనః ॥ ౬౨

బంధనస్త్వసురేంద్రాణాం యుధి శత్రువినాశనః। సాంఖ్యప్రసాదో దుర్వాసాస్సర్వసాధునిషేవితః ॥౬౩

ప్రస్కందనో విభాగజ్ఞో హ్యతుల్యో యజ్ఞభాగవిత్ । సర్వవాసస్సర్వచారీ దుర్వాసా వాసవోఽమరః ॥ ౬౪

హైమో హేమకరో యజ్ఞస్సర్వధారీ ధరోత్తమః । లోహితాక్షో మహాక్షశ్వ విజయాక్షో విశారదః ॥ ౬౫

సంగ్రహో నిగ్రహః కర్తా సర్పచీరనివాసనః । ముఖ్యోఽముఖ్యశ్చ దేహశ్చ కాహళిస్సర్వకామదః ॥ ౬౬

సర్వకాలప్రసాదశ్చ సుబలో బలరూపభృత్ । సర్వకామప్రదశ్చైవ సర్వదస్సర్వతోముఖః ॥౬౭

ఆకాశనిర్విరూపశ్చ నిపాతో హ్యవశః ఖగః । రౌద్రరూపోంఽశురాదిత్యో బహురశ్మిస్సువర్చసీ ॥ ౬౮

వసువేగో మహావేగో మనోవేగో నిశాచరః। సర్వవాసీ శ్రియావాసీ ఉపదేశకరోఽకరః ॥ ౬౯

మునిరాత్మా నిరాలోకస్సంభగ్నశ్చ సహస్రదః । పక్షీ చ ప్లక్షరూపశ్చ అతిదీప్తో విశాం పతిః॥౭౦

ఉన్మాదో మదనః కామో హ్యశ్వత్థోఽర్థకరో యశః। వామదేవశ్చ వామశ్చ ప్రాగ్దక్షిణ ఉదఙ్ముఖః ॥౭౧

సిద్ధయోగీ మహర్షిశ్చ సిద్ధార్థస్సిద్ధసాధకః। భిక్షుశ్చ భిక్షురూపశ్చ విపగో మృదురవ్యయః ॥౭౨

మహాసేనో విశాఖశ్చ షష్టిభాగో గవాం పతిః । వజ్రహస్తశ్వ విష్కంభీ చమూస్తంభన ఏవ చ ॥౭౩

వృత్తవృత్తకరస్తాలో మధుర్మధుకలోచనః । వాచస్పత్యో వాజసనో నిత్యమాశ్రితపూజితః ॥౭౪

బ్రహ్మచారీ లోకచారీ సర్వచారీ విచారవిత్ । ఈశాన ఈశ్వరః కాలో నిశాచారీ పినాకభృత్ ॥ ౭౫

నిమిత్తస్థో నిమిత్తం చ నందిర్నందికరో హరిః। నందీశ్వరశ్చ నందీ చ నందనో నందివర్ధనః ॥ ౭౬

భగహారీ నిహంతా చ కాలో బ్రహ్మా పితామహః । చతుర్ముఖో మహాలింగశ్చారులింగస్తథైవ చ ॥౭౭

లింగాధ్యక్షస్సురాధ్యక్షో యోగాధ్యక్షో రుగావహః । బీజాధ్యక్షో బీజకర్తా అధ్యాత్మానుగతో బలః ॥౭౮

ఇతిహాసస్సకల్పశ్చ గౌతమోఽథ నిశాకరః । దన్భో హ్యదంభో వైదంభో వశ్యో వశకరః కలిః॥౭౯

లోకకర్తా పశుపతిర్మహాకర్తా హ్యనౌషధః । అక్షరం పరమం బ్రహ్మ బలవాన్ శక్త ఏవ చ ॥౮౦

నీతిర్హ్యనీతిశ్శుద్ధామా శుద్ధో మాన్యో గతాగతః । బహుప్రసాదస్సుస్వప్నో దర్పణోఽథ త్వమిత్రజిత్ ॥౮౧

వేదకారో మంత్రకారో విద్ధాన్సమరమర్దనః। మహామేఘనివాసీ చ మహాఘోరో వశీకరః ॥ ౮౨

అగ్నిజ్వాలో మహాజ్వాలో హ్యతిధూమ్రో హుతో హవిః । వృషభశ్శంకరో నిత్యం వర్చస్వీ ధూమకేతనః ॥ ౮౩

నీలస్తథాంగలుబ్ధశ్చ శోభనో నిరవగ్రహః। స్వస్తిదస్స్వస్తిభాగశ్చ భాగీ భాగకరో లఘుః॥ ౮౪

ఉత్సంగశ్చ మహాంగశ్చ మహాగర్భపరాయణః । కృష్ణవర్ణస్సువర్ణశ్చ ఇంద్రియం సర్వదేహినామ్ ॥౮౫

మహాపాదో మహాహస్తో మహాకాయో మహాయశాః । మహామూర్ధీ మహామాత్రో మహానేత్రీ నిశాలయః ॥౮౬

మహాంతకో మహాకర్ణో మహోష్ఠశ్చ మహాహనుః । మహానాసో మహాకంబుర్మహాగ్రీవశ్శ్మశానభాక్ ॥౮౭

మహావక్షా మహోరస్కో హ్యంతరాత్మా మృగాలయః । లంబనో లంబితోష్ఠశ్చ మహామాయః పయోనిధిః॥ ౮౮

మహాదంతో మహాదంష్ట్రో మహాజిహ్వో మహాముఖః । మహానఖో మహారోమా మహాకేశో మహాజటః ॥౮౯

ప్రసన్నశ్చ ప్రసాదశ్చ ప్రత్యయో గిరిసాధనః । స్నేహనోఽస్నేహనశ్చైవ అజితశ్చ మహామునిః ॥ ౯౦

వృక్షాకారో వృక్షకేతురనలో వాయువాహనః । గండలీ మేరుధామా చ దేవాధిపతిరేవ చ ॥౯౧

అథర్వశీర్షస్సామాస్య ఋక్సహస్రామితేక్షణః । యజుఃపాదభుజో గుహ్యః ప్రకాశో జంగమస్తథా ॥ ౯౨

అమోఘార్థః ప్రసాదశ్చ అభిగమ్యస్సుదర్శనః । ఉపకారః ప్రియస్సర్వః కనకః కాంచనచ్ఛవిః ॥ ౯౩

నాభిర్నందికరో భావః పుష్కరస్థపతిః స్థిరః । ద్వాదశస్త్రాసనశ్చాద్యో యజ్ఞో యజ్ఞసమాహితః ॥౯౪

నక్తం కలిశ్చ కాలశ్చ మకరః కాలపూజితః। సగణో గణకారశ్చ భూతవాహనసారథిః ॥ ౯౫

భస్మాశయో భస్మగోప్తా భస్మభూతస్తరుర్గణః । లోకపాలస్తథా లోకో మహాత్మా సర్వపూజితః ॥ ౯౬

శుక్లస్త్రిశుక్లసంపన్నశ్శుచిర్భూతనిషేవితః । ఆశ్రమస్థః క్రియావస్థో విశ్వకర్మమతిర్వరః ॥౯౭

విశాలశాఖస్తామ్రోష్ఠోహ్యంబుజాలస్సునిశ్చలః । కపిలా కపిశశ్శుక్ల ఆయుశ్చైవ పరోఽపరః ॥౯౮

గంధర్వో హ్యదితిస్తార్క్ష్యస్సువిజ్ఞేయస్సుశారదః । పరశ్వధాయుధో దేవో హ్యనుకారీ సుబాంధవః ॥౯౯

తుంబవీణో మహాక్రోధో ఊర్ధ్వరేతా జలేశయః। ఉగ్రో వశంకరో వంశో వంశనాదో హ్యనిందితః ॥ ౧౦౦

సర్వాంగరూపో మాయావీ సుహృదో హ్యనిలోఽనలః । బంధనో బంధకర్తా చ సుబంధనవిమోచనః ॥ ౧౦౧

స యజ్ఞారిస్స కామారిర్మహాదంష్ట్రో మహాయుధః । బహుధాఽనిందితస్సర్వశ్శంకరశ్చంద్రశేఖరః ॥౧౦౨

అమరేశో మహాదేవో విశ్వదేవస్సురారిహా । అహిర్బుధ్న్యోఽనిలాభశ్చ చేకితానో హరిస్తథా ॥౧౦౩

అజైకపాచ్చ కాపాలీ త్రిశంకురజితశిశవః । ధన్వంతరిర్ధూమకేతుస్స్కందో వైశ్రవణస్తథా ॥౧౦౪

ధాతా శక్రశ్చ విష్ణుశ్చ మిత్రస్త్వష్టా ధ్రువో ధరః । ప్రభావస్సర్వగో వాయురర్యమా సవితా రవిః ॥ ౧౦౫

ఉషంగుశ్చ విధాతా చ మాంధాతా భూతభావనః । విభుర్వర్ణవిభావీ చ సర్వకామగుణావహః ॥ ౧౦౬

పద్మనాభో మహాగర్భశ్చంద్రవక్త్రోఽనిలోఽనలః। బలవాంశ్చోపశాంతశ్చ పురాణః పుణ్యచంచురీ ॥ ౧౦౭

కురుకర్తా కురువాసీ కురుభూతో గుణౌషధః । సర్వాశయో దర్భచారీ సర్వేషాం ప్రాణినాం పతిః ॥ ౧౦౮

దేవదేవస్సుఖాసక్తస్సదసత్సర్వరత్నవిత్ । కైలాసగిరివాసీ చ హిమవద్భిరిసంశ్రయః ॥౧౦౯

కూలహారీ కూలకర్తా బహువిద్యో బహుదః। వణిజో వర్ధకీ వృక్షో వకుళశ్చందనచ్ఛదః ॥ ౧౧౦

సారగ్రీచో మహాజత్రురలోలశ్చ మహౌషధః । సిద్ధార్థకారీ సిద్ధార్థశ్ఛందోవ్యాకరణోత్తరః ॥ ౧౧౧

సింహనాదస్సింహదంష్ట్రస్సింహగస్సింహవాహనః । ప్రభావాత్మా జగత్కాలః కాలో లోకహితస్తరః॥౧౧౨

సారాంగో నవచక్రాంగః కేతుమాలీ సభావనః । భూతాలయో భూతపతిరహోరాత్రమనిందితః ॥౧౧౩

వర్ధితస్సర్వభూతానాం నిలయశ్చ విభుర్భవః । అమోఘస్సంయతో హ్యశ్వో భోజనః ప్రాణధారణః ॥౧౧౪

ధృతిమాన్ మతిమాన్ దక్షః సత్కృతశ్చ యుగాధిపః । గోపాలీ గోపతిర్గ్రామో గోచర్మవసనో హరిః ॥ ౧౧౫

హిరణ్యబాహుశ్చ తథా గుహాపాలః ప్రవేశకః । ప్రకృష్టారిర్మహాహర్షో జితకామో జితేంద్రియః ॥ ౧౧౬

గాంధారశ్చ సువాసశ్చ తపస్సక్తో రతిర్నరః । మహాగీతో మహానృత్యో హ్య్ప్సరోగణసేవితః ॥ ౧౧౭

మహాకేతుర్మహాధాతుర్నైకసానుచరశ్చలః । ఆవేదనీయ ఆవేశః సర్వగంధసుఖావహః ॥ ౧౧౮

తోరణస్తారణో వాతః పరిధీపతిఖేచరః। సంయోగో వర్ధనో వృద్ధో హ్యతివృద్ధో గుణాధికః ॥౧౧౯

నిత్య ఆత్మా సహాయశ్చ దేవాసురపతిః పతిః । యుక్తశ్చ యుక్తబాహుశ్చ దేవో దివి సుపర్వణః ॥౧౨౦

ఆషాఢశ్చ సుషాఢశ్చ ధ్రువోఽథ హరిణో హరః। వపురావర్తమానేభ్యో వసుశ్రేష్ఠో మహాపథః ॥౧౨౧

శిరోహారీ విమర్శశ్చ సర్వలక్షణలక్షితః। అక్షశ్చ రథయోగీ చ సర్వయోగీ మహాబలః ॥ ౧౨౨

సమామ్నాయోఽసమామ్నాయస్తీర్థదేవో మహారథః। నిర్జీవో జీవనో మంత్రశ్శుభాక్షో బహుకర్కశః ॥౧౨౩

రత్నప్రభూతో రక్తాంగో మహార్ణవనిపానవిత్ । మూలం విశాలో హ్యమృతో వ్యక్తావ్యక్తస్తపోనిధిః ॥౧౨౪

ఆరోహణోఽధిరోహశ్వ శీలధారీ మహాయశాః। సేనాకల్పే మహాకల్పే యోగో యోగకరో హరిః ॥ ౧౨౫

యుగరూపో మహారూపో మహానాగహనో వధః । న్యాయనిర్వపణః పాదః పండితో హ్యచలోపమః ॥౧౨౬

బహుమాలో మహామాలశ్శశీ హరిసులోచనః । విస్తారో లవణః కూపస్త్రియుగః సఫలోదయః ॥ ౧౨౭

త్రిలోచనో విషణ్ణాంగో మణివిద్ధౌ జటాధరః । బిందుర్విసర్గస్సుముఖః శరస్సర్వాయుధస్సహః ॥ ౧౨౮

నివేదనస్సుఖాజాతః సుగంధారో మహాధనుః । గంధపాలీ చ భగవానుత్థానస్సర్వకర్మణామ్ ॥ ౧౨౯

మంథానో బహుళో వాయుః సకలస్సర్వలోచనః । తలస్తాల కరస్థాలీ ఊర్ధ్వసంహననో మహాన్ ॥ ౧౩౦

ఛత్రం సుఛత్రో విఖ్యాతో లోకస్సర్వాశ్రయః క్రమః । ముండో విరూపో వికృతో దండీ కుండీ వికుర్వణః ॥౧౩౧

హర్యక్షః కకుభో వజ్రీ శతజిహ్వస్సహస్రపాత్ । సహస్రమూర్ధా దేవేంద్రస్సర్వదేవమయో గురుః ॥౧౩౨

సహస్రబాహుస్సర్వాంగః శరణ్యస్సర్వలోకకృత్ । పవిత్రం త్రికకున్మంత్రః కనిష్ఠః కృష్ణపింగళః ॥౧౩౩

బ్రహ్మదండవినిర్మాతా శతఘ్నీపాశశక్తిమాన్ । పద్మగర్భో మహాగర్భో బ్రహ్మగర్భో జలోద్భవః ॥ ౧౩౪

గభస్తిర్బ్రహ్మకృద్బ్రహ్మ బ్రహ్మవిద్బ్రాహ్మణో గతిః। అనంతరూపశ్చైకాత్మా తిగ్మతేజాస్స్వయంభువః ॥ ౧౩౫

ఊర్ధ్వగాత్మా పశుపతిర్వాతరంహా మనోజవః । చందనీ పద్మనాళాగ్రస్సురభ్యుత్తరణో నరః ॥౧౩౬

కర్ణికారమహాస్రగ్వీ నీలమౌళిః పినాకభృత్ । ఉమాపతిరుమాకాంతో జాహ్నవీభృదుమాధవః ॥౧౩౭

వరో వరాహో వరదో వరేణ్యస్సుమహాస్వనః । మహాప్రసాదో దమనః శత్రుహా శ్వేతపింగళః ॥౧౩౮

ప్రీతాత్మా పరమాత్మా చ ప్రయతాత్మా ప్రధానధృత్ । సర్వపార్శ్వసుఖస్త్ర్యక్షో ధర్మసాధారణో వరః॥౧౩౯

చరాచరాత్మా సూక్ష్మాత్మా అమృతో గోవృషేశ్వరః । సాధ్యర్షిర్వసురాదిత్యో వివస్వాన్ సవితాఽమృతః ॥౧౪౦

వ్యాసస్సర్గస్సుసంక్షేపో విస్తరః పర్యయో నరః । ఋతుస్సంవత్సరో మాసః పక్షస్సంఖ్యాసమాపనః ॥౧౪౧

కళా కాష్ఠా లవా మాత్రా ముహూర్తాహఃక్షపాక్షణాః । విశ్వక్షేత్రం ప్రజాబీజ లింగమాద్యస్సునిర్గమః ॥౧౪౨

సదసద్వ్యక్తమవ్యక్తం పితా మాతా పితామహః । స్వర్గద్వారం ప్రజాద్వారం మోక్షద్వారం త్రివిష్టపమ్ ॥౧౪౩

నిర్వాణం హ్లాదనశ్చైవ బ్రహ్మలోకః పరా గతిః । దేవాసురవినిర్మాతా దేవాసురపరాయణః ॥౧౪౪

దేవాసురగురుర్దేవో దేవాసురనమస్కృతః । దేవాసురమహామాత్రో దేవాసురగణాశ్రయః ॥౧౪౫

దేవాసురగణాధ్యక్షో దేవాసురగణాగ్రణీః । దేవాదిదేవో దేవర్షిర్దేవాసురవరప్రదః ॥౧౪౬

దేవాసురేశ్వరో విశ్వో దేవాసురమహేశ్వరః । సర్వదేవమయోఽచింత్యో దేవతాత్మాత్మసంభవః ॥ ౧౪౭

ఊద్భిత్త్రివిక్రమో వైద్యో విరజో నీరజోఽమరః । ఈడ్యో హస్తీశ్వరో వ్యాఘ్రో దేవసింహో నరర్షభః॥౧౪౮

విబుధోఽగ్రవరస్సూక్ష్మస్సర్వదేవస్తపోమయః । సుయుక్తశ్శోభనో వజ్రీ ప్రాసానాం ప్రభవోఽవ్యయః ॥౧౪౯

గుహః కాంతో నిజస్సర్గః పవిత్రం సర్వపావనః । శృంగీ శృంగప్రియో బభ్రూ రాజరాజో నిరామయః ॥ ౧౫౦

అభిరామస్సురగణో విరామస్సర్వసాధనః । లలాటాక్షో విశ్వదేవో హరిణో బ్రహ్మవర్చసః ॥ ౧౧౧

స్థావరాణాం పతిశ్చైవ నియమేంద్రియవర్ధనః । సిద్ధార్థస్సిద్ధభూతార్థోఽచింత్యస్సత్యవ్రతశ్శుచిః॥౧౫౨

వ్రతధిపః పరం బ్రహ్మ భక్తానుగ్రహకారకః । విముక్తో ముక్తతేజాశ్చ శ్రీమాన్ శ్రీవర్ధనో జగత్ ॥౧౫౩

యథాప్రధానం భగవానితి భక్త్త్యా స్తుతో మయా । యం న బ్రహ్మాదయో దేవా విదుస్తత్వేన నర్షయః॥ ౧౫౪

స్తోతవ్యమర్చ్యం వంద్యం చ కః స్తోష్యతి జగత్పతిమ్ । భక్త్త్యా త్వేవం పురస్కృత్య మయా యజ్ఞపతిర్విభుః ॥౧౫౫

తతోఽభ్యనుజ్ఞా సంప్రాప్య స్తుతో మతిమతాం వరః। శివమేభిః స్తువన్ దేవం నామభిః పుష్టివర్ధనైః ॥౧౫౬

నిత్యయుక్తశ్శుచిర్భూతః ప్రాప్నోత్యాత్మానమాత్మనా । ఏతద్ధి పరమం బ్రహ్మ పరం బ్రహ్మాధిగచ్ఛతి ॥౧౫౭

ఋషయశ్చైవ దేవాశ్చ స్తువంత్యేతేన తత్పరాః । స్తూయమానో మహాదేవస్తుష్యతే నియతాత్మభిః ॥ ౧౫౮

భక్తానుకంపీ భగవానాత్మసంస్థాకరో విభుః। తథైవ చ మనుష్యేషు యే మనుష్యాః ప్రధానతః ॥ ౧౫౯

ఆస్తికాశ్శ్రద్దధానాశ్చ బహుభిర్జన్మభిస్స్తవైః। భక్త్యా హ్యనన్యమీశానం పరం దేవం సనాతనమ్ ॥ ౧౬౦

కర్మణా మనసా వాచా భావేనామితతేజసః । శయానా జాగ్రమాణాశ్చ వ్రజన్నుపవిశంస్తథా ॥౧౬౧

ఉన్మిషన్నిమిషంశ్చైవ చింతయంతః పునః పునః । శృణ్వంతశ్శ్రావయంతశ్చ కథయంతశ్చ తే భవమ్ ॥ ౧౬౨

స్తువంతస్స్తూయమానాశ్చ తుష్యంతి చ రమంతి చ । జన్మకోటిసహస్రేషు నానాసంసారయోనిషు ॥ ౧౬౩

జంతోర్విగతపాపస్య భవే భక్తిః ప్రజాయతే । ఉత్పన్నా చ భవే భక్తిరనన్యా సర్వభావతః ॥ ౧౬౪

భావినః కారణం చాస్య సర్వముక్తస్య సర్వదా । ఏతద్దేవేషు దుష్పాపం మనుష్యేషు న లభ్యతే ॥౧౬౫

నిర్విఘ్నా నిర్మలా రుద్రే భక్తిరవ్యభిచారిణీ। తస్యైవ చ ప్రసాదేన భక్తిరుత్పద్యతే నృణామ్ ॥ ౧౬౬

యేన యాంతి పరాం సిద్ధిం తద్భావగతచేతసః । యం సర్వభావానుగతాః ప్రపద్యంతే మహేశ్వరమ్ ॥౧౬౭

ప్రపన్నవత్సలో దేవసంసారాత్తాన్ సముద్ధరేత్ । ఏవమన్యే న కుర్వంతి దేవాస్సంసారమోచనమ్ ॥ ౧౬౮

మనుష్యాణామృతే దేవం నాన్యా శక్తిస్తపోబలమ్ । ఇతి తేనేంద్రకల్పేన భగవాన్ సదసత్పతిః ॥ ౧౬౯

కృత్తివాసాస్స్తుతః కృష్ణ తండినా శుభబుద్ధినా। స్తవమేతం భగవతో బ్రహ్మా స్వయమధారయత్ ॥౧౭౦

గీయతే చ స బుధ్యేత బ్రహ్మశంకరసన్నిధౌ । ఇదం పుణ్యం పవిత్రం చ సర్వదా పాపనాశనమ్ ॥ ౧౭౧

యోగదం మోక్షదం చైవ స్వర్గదం తోషదం తథా । ఏవమేతత్పఠంతే య ఏకభక్త్యా తు శంకరమ్ ॥ ౧౭౨

యా గతిస్సాంఖ్యయోగానాం వ్రజంతే తాం గతిం తథా । స్తవమేనం ప్రయత్నేన సదా రుద్రస్య సన్నిధౌ ॥౧౭౩

అబ్దమేకం చరేద్భక్తః ప్రాప్నుయాదీప్సితం ఫలమ్ । ఏతద్రహస్యం పరమం బ్రహ్మణో హృది సంస్థితమ్ ॥౧౭౪

బ్రహ్మా ప్రోవాచ శక్రాయ శక్రః ప్రోవాచ మృత్యవే। మృత్యుః ప్రోవాచ రుద్రేభ్యో రుద్రేభ్యస్తండిమాగమత్॥౧౭౫

మహతా తపసా ప్రాప్తం తండినా బ్రహ్మసద్మని । తండిః ప్రోవాచ శుక్రాయ గౌతమాయ చ భార్గవః॥౧౭౬

వైవస్వతాయ మనవే గౌతమః ప్రాహ మాధవ । నారాయణాయ సాధ్యాయ మనురిష్టాయ ధీమతే ॥ ౧౭౭

యమాయ ప్రాహ భగవాన్ సాధ్యో నారాయణోఽచ్యుతః। నాచికేతాయ భగవానాహ వైవస్వతో యమః॥ ౧౭౮

మార్కండేయాయ వార్ష్ణేయ నాచికేతోఽభ్యభాషత । మార్కండేయాన్మయా ప్రాప్తో నియమేన జనార్దన ॥౧౭౯

తవాప్యహమమిత్రనఘ్న స్తవం దద్యాం హ్యవిశ్రుతమ్ । స్వర్యమారోగ్యమాయుష్యం ధన్యం వేదేన సమ్మితమ్ ॥ ౧౮౦

నాస్య విఘ్నం వికుర్వంతి దానవా యక్షరాక్షసాః । పిశాచా యాతుధానా వా గుహ్యకా భుజగా అపి ॥

యః పఠేత శుచిః పార్థ బ్రహ్మచారీ జితేంద్రియః। అభగ్నయోగో వర్షం తు సోఽశ్వమేధఫలం లభేత్ ॥ ౧౮౨

ఇతి శ్రీమన్మహాభారతే ఆనుశాసనికపర్వణి దానధర్మపర్వణి శ్రీశివసహస్రనామస్తోత్రరత్నకథనం నామ సప్తదశోఽధ్యాయః శ్రీశివసహస్రనామస్తోత్రరత్నం సమాప్తమ్ ॥

మూలం: Wikisource · CC BY-SA 4.0

మీ అభిప్రాయం పంపండి

ఏమి మెరుగుపరచాలో, ఏది తప్పుగా ఉందో, లేదా మీకు ఏది నచ్చిందో చెప్పండి. ప్రతి సందేశాన్నీ మేము చదువుతాం.

దేని గురించి
శంఖ్ మీకు ఎంత ఉపయోగపడుతోంది? (ఐచ్ఛికం)